Zabbuli 102:4 - Baibuli Ekibono kya Katonda 2014

⁴ Ndi muniavu ng'oti n'eisubi lye bakubye, era neerabira n'okulya emere.

Zabbuli 102:4 Iomraidhean Croise

2 Samueli 12:17

Abakungu ab'omu ndhu ye baaja y'ali okumusitusa ave ghansi, aye yaaloberagho, era yaaloba okulya emere nabo.

Ezera 10:6

Agho Ezera yaava mu luya emberi gh'eisinzizo lya Katonda, yaaja mu kisenge kya Yehohanani mutabane wa Eliashibu, yaaba eyo okutuusa obwire okukya nga tali kulya waire okunhwa ekintu kyonakyona ng'enaku emugemye olw'Abaisiraeli abaava mu bunhage obutaba beesigwa.

Yobu 10:1

“Neesiniirwa obulamu, ndidha kwemuluguunhia abantu bawulire, ndidha kwatula enaku endi ku mwoyo.

Yobu 30:30

Omubiri gundhirugaire, era gundhokerera ng'oti muliro.

Yobu 33:20

Obulamu bwe bwesinwa emere, n'ebyamuwoomeranga yaaba nga takaabyegomba.

Yobu 6:4

Kuba Katonda Aghanga Ebintu Byonabyona ankubye obusaale bwe bwanhingira mu mubiri, obusagwa bwabwo bwabuna omubiri gwange. Katonda aleese ebitiisa by'ali nabyo, yaabisimbya enhiriri okuntanulaku olutalo.

Zabbuli 102:11

Obulamu bwange buwaagho ng'oti n'ekinsense ekyeigulo ng'endhuba egwire. Ndi ng'oti isubi erikala ni liwaagho.

Zabbuli 102:9

Nsiiba mu ivu era n'eryanfuukira emere, ate mu buli kye nhwa mwetabulamu amaziga ge ndira.

Zabbuli 37:2

kuba amangu n'embiro baja kuwaagho ng'oti isubi, baniale ng'oti n'ebimera.

Zabbuli 42:6

oyo ni Katonda wange era n'ambeera.” Wo Katonda wange, omwoyo gundi mu bigere, aye nkwidhukira nga ndi mu biketezo by'e Yorudani, n'e Herimoni, ni ku lusozi Mizari.

Zabbuli 69:20

Banvumye bankutula n'omwoyo, buti n'eisuubi nzira. Nanoonia anansaasiraku yambula; naanoonia anandhizaamu amaani, yambula.

Zabbuli 77:3

Bwendowooza ku Katonda ndira bwa maziga; bweneefumintiriza einho n'amaani gampwamu, naazirika.

Isaia 40:7

Musengwa Katonda bw'agheera obugheere ati omuuka, eisubi liniala n'ekimuli kyamagala. Bwenebwene abantu bali ng'oti isubi, tibaghangaala naire.

Okulira 3:13

Yatoola obulaso bwe mu kiruutu kyabwo, bwanfumitira irala ku mwoyo.

Okulira 3:20

Ekyo nja naakirowoozaaku buli kiseera omwoyo gwangwa mu bigere.

Ebikolwa by'Abatume 9:9

Yaamalira irala enaku isatu nga tabona era nga talya waire okunhwa.