Zabbuli 102:21 - Baibuli Ekibono kya Katonda 2014

²¹ Olwo abantu balimanhisa eriina lya Musengwa Katonda mu Sioni, baamusaaka mu Yerusalemu,

Zabbuli 102:21 Iomraidhean Croise

Zabbuli 22:22

Ndidha kukoberanga abantu bange by'onkoleire; ndidha kukusaakanga nga ndi mu bantu abeesoloiza okukusinza.

Zabbuli 79:11

Wulirisa okusinda kw'abasibe, okozese obuyinza bwo owonie abo abasalirwa ogw'okufa.

Zabbuli 79:13

Olwo ife abantu bo, entaama dho dh'oyaya, twidha kukusiimanga ebyanda n'ebyanda, era tukusaakenga mu nse n'ense.

Okuvaayo 3:16

Ja oyete abakulu ab'ebikunsu mu Isiraeli beesoloze ghalala obakobe oti, ‘Musengwa Katonda, Katonda wa badhaadha baimwe, Katonda wa Aburahamu, owa Isaaka era owa Yakobo yambonekera yankoba ati mbalingiriire, naabona bye babakola mu Misiri.

Okuvaayo 3:17

Era nsazeegho nti nja kubatoola mu kudaazibwadaazibwa kwe mulimu mu Misiri mbatwale mu nsi ey'Abakanaani, n'Abahitti, n'Abamori, n'Abaperizzi, n'Abahivi n'Abayebusi ensi engimu era erimu ebirungi kamaala.’

Isaia 51:11

Abo iwe Musengwa Katonda b'onunwire baliirayo e Yerusalemu nga bemba. Baliba mu masanhu na kusagamba enaku dhoonadhoona, ng'okunakughala n'okusinda biwoiregho.

Ab'Efeso 3:21

agheebwe ekitiisa mu Kikunsu ky'Abaikiriza mu Kurisito, ni mu Kurisito Yesu, ni mu nse dhoonadhoona, ebyanda n'ebyanda. Amiina.

1 Petero 2:9

Aye imwe muli lulyo lulonde, bakabona aba Kyabazinga, muli ighanga itukuvu era abantu ba Katonda beene. Katonda oyo n'eyabeeta okuva mu nzikiiza okwira mu butangaavu bwe obwewuunhisa einho, yaabalonda okukobera abantu ebyewuninkiriza bye yakola.