Zabbuli 102:2 - Baibuli Ekibono kya Katonda 2014

² Bwembanga mu buzibu otandekuliranga bw'agho. Wuliranga kye nkoba, oyangughengaku okumbeera nga nkwese.

Zabbuli 102:2 Iomraidhean Croise

Yobu 34:29

Katonda bw'asalagho obutabaaku ky'akolagho, naani asobola okumusalira omusango okumusinga? Bw'agisa amaiso ge, naani asobola okumubona, k'abe omuntu omulala ati oba eighanga eiramba?

Yobu 7:21

Kale lwaki tonsonigha kiisi kye nasobya kyonakyona, n'osasaagho ekibi kyange? Kuba mpegaano nja kufa nhingire eitaka, era olija okundhagala nga tikaaligho.”

Zabbuli 104:29

Bw'otabifaaku biwaamu inho omwoyo; bw'obitoolamu omuuka gwo, olwo nga bifa, nga biirayo mu nkungu mwe by'ava.

Zabbuli 13:1

Wo Musengwa Katonda, olikituusa gha obutanfaaku! Byanda na byanda? Olikituusa gha obutenda kuuningaku?

Zabbuli 143:7

Wo Musengwa Katonda, yangughaku ombeere! Mpoiremu eisuubi. Otaneegisaaku, ndobe kuba ng'oti n'abali e magombe.

Zabbuli 17:1

Wo Musengwa Katonda, wulira okulira kwange nga nkusaba oyoleke obutuufu bwo. Ntegera kutu owulirise okusaba kwange okuziramu kuguya.

Zabbuli 22:19

Aye Musengwa Katonda, otamba ghala! Niiwe omuyambi wange, yangughaku ombeere.

Zabbuli 27:9

otaneegisaaku.” Otansungughalira nze omugheereza wo, otaaminga mu maiso go. Niiwe omubeezi wange. Otansuula ere na kundekulira agho, Katonda wange iwe obulokozi bwange.

Zabbuli 31:2

Tega kutu ompulirise, yangughaku omponie, onfuukire olubaale olw'okwewogomamu era ekimante ekigumu ekineezungulwire eky'okumponia.

Zabbuli 40:13

Wo Musengwa Katonda, mponia, yangughaku ombeere, Musengwa Katonda.

Zabbuli 69:17

Nze omwiru wo otankuba nkoone, yangughaku ombeere kuba ndi mu buzibu bunene.

Zabbuli 70:1

Wo Katonda mponia. Wo Musengwa Katonda yangughaku ombeere.

Zabbuli 71:2

Olw'obutuufu bwo ntoola aghabi omponie, tega kutu ompulirise era ondokole.

Okuvaayo 2:23

Bwe ghaabitagho ekiseera ekireeyi, kyabazinga ow'e Misiri yaafa. Era mu kiseera ekyo ng'Abaisiraeli bali mu nnaku olw'okubakozesa ng'abairu. Era mu bulumi obwo nga balira n'enaku olw'okubula ow'okubayamba. Okulira kwaibwe okwo kwatuuka ku Katonda.

Okuvaayo 2:24

Katonda yaawulira okulira kwaibwe, era yaidhukira endagaano ye ni Aburahamu, ni Isaaka era ni Yakobo.

Isaia 43:2

Bw'olibita mu maadhi agenda okukumira, ndiba ghalala n'iwe. Ni bwe galiba ag'emiiga tigalikweyaagho. Ni bw'olibita mu muliro tigulikwokya, ezira kabi kalikutuukaku;

Isaia 65:24

Banaabanga bakaali na kundheta nga nabawuliire ira, era banaajanga okumala okunsaba nga nabaizeemu ira.

Isaia 8:17

Ndidha kuteegerera Musengwa Katonda atubeere, waire nga mpegaano yeegisiisa ku bantu be. Oyo nze ye ndidha okusuubiriramu.

1 Ab'e Korintho 10:13

Ghazira kulebwa kubatuukaku, okutatuuka ku bantu bandi. Aye Katonda tasubagha, taja kuganha kulebwa kwe mutasobola kubatuukaku. Mu kiseera eky'okulebwa aidha kubaghanga amaani ag'okubigumira era n'amagezi ag'okubighangula.