Zabbuli 102:18 - Baibuli Ekibono kya Katonda 2014

¹⁸ Bino ka bighandiikibwe, abaana ab'oluse oluliidha babisomeku, olwo abantu abakaali kuzaalibwa balisaaka Musengwa Katonda,

Zabbuli 102:18 Iomraidhean Croise

Zabbuli 48:13

mulingirire bukalamu obugumu bw'ebimante ebikyezungulwire, mukebere ebifo byakyo eby'okwewogomamu, olwo musobole okukobera ab'oluse oluliiragho

Zabbuli 69:34

Imwe eigulu n'ensi, n'enhandha ni byonabyona ebirimu, musaake Katonda.

Zabbuli 71:18

Wo Katonda wange, ni bwendikairigha ni mmera envu, otandekuliranga agho, okutuusa nga nkobeire abantu amaani go n'obukumu bwo, ense dhoonadhoona edhija okwiragho.

Okuvaayo 17:14

Musengwa Katonda yaakoba Musa ati: “Obughanguzi obwo bughandiike mu kitabo bulobe kwerabirwa. Era okobere Yoshua oti ndidha kuzikiriza Abamaleki mbamaliregho irala.”

Isaia 43:21

Abo n'abantu bange, nze mwene be neeteeragho, bansaakenga.”

Isaia 43:7

Abantu abo boonaboona bange ku bwange, era beetebwa liina lyange. Ekyabantondesa ni mbataagho, n'okumpeesanga ekitiisa.”

Danieli 9:2

nze Danieli nali ndi kwetegereza ebyaghandiikibwa ebitukuvu, naabona ng'emyaka gija kuba nsanvu, ekibuga Yerusalemu gye kiri n'okumala nga kisigaire bifulukwa byereere, nga Musengwa bwe yamanhisa Yeremia omulanzi.

Yoanne 20:31

Aye bino byaghandiikibwa ku lwaimwe, mwikirize nga Yesu ni Kurisito, Omwana wa Katonda, era olw'okwikiriza okwo, mufune obulamu mu liina lye.

Ab'e Roma 15:4

Byonabyona Ebyaghandiikibwa eira, byaghandiikibwa olw'okutwegeresa tusobole okubanga n'eisuubi olw'okuguminkiriza n'olw'amaani, ebiva mu Byaghandiikibwa.

1 Ab'e Korintho 10:11

Bino byonabyona byabatuukaku bibe eby'okuboneraku eri abandi, era byaghandiikibwa olw'okutwegeresa ife abaligho mu biseera bino ng'ensi eri kumpi okutuuka ku nkomerero.

Ab'Efeso 2:10

Kuba ife tuli bitonde bya Katonda, twatondebwa mu Kurisito Yesu tukole ebikolwa ebikalamu Katonda bye yatutegekera okuva eira.

2 Petero 1:15

Ndidha kukola kyonakyona kye mpanga okubona nga ni bwe ndifa, ghalibaagho ekinaabaidhusanga ebintu bino ekiseera kyonakyona.