Zabbuli 102:1 - Baibuli Ekibono kya Katonda 2014

¹ Wo Musengwa Katonda, ndhiraamu okusaba kwange, owulire okulira kwange.

Zabbuli 102:1 Iomraidhean Croise

2 Ebyomubyanda 30:27

Agho bakabona n'Abalevi baasituka, baasabira abantu enkabi. Katonda yaawulira amamiro gaibwe, yaasiima okusaba kwaibwe mu kifo kye ekitukuvu y'aba mu igulu.

Zabbuli 12:5

Aye Musengwa Katonda akoba ati: “Leka ndidhe, kuba abakozi b'ebibi badaazadaaza abaavu era baakiriga abaghafu. Ndidha kukuuma abaavu n'abaghafu abo, kuba ekyo kye beegomba.”

Zabbuli 143:4

Kale amaani gampoiremu naaweeramu irala eisuubi.

Zabbuli 143:7

Wo Musengwa Katonda, yangughaku ombeere! Mpoiremu eisuubi. Otaneegisaaku, ndobe kuba ng'oti n'abali e magombe.

Zabbuli 145:19

Abo boonaboona abamutya awulira okulira kwaibwe yaabawonia, era yaabagha bye benda.

Zabbuli 18:6

Bwenali ndi mu buzibu nasaba Musengwa Katonda, naalirira Katonda wange ambeere; yawulira amamiro gange ng'ali mu isinzizo, era okulira kwange kwamutuuka mu kutu.

Zabbuli 39:12

Wo Musengwa Katonda, ndhiraamu okusaba kwange era ofeeyo ku kulira kwange. Idha ombeere ng'oboine amaziga gange, kuba nze ndi musenze busenze, nga badhaadha bange boonaboona bwe baali.

Zabbuli 42:4

Omwoyo guunuma bwe ndidhukira eby'eira, bwe nakulemberangamu olukunkumuli olw'abantu abali ku kibinuko, nga tuja mu ndhu ya Katonda nga tuja bwe tukuba emizira era nga bwe twemba enhembo edh'okwebaza Katonda.

Zabbuli 5:2

Wulira okulira kwange, kuba niiwe ye nsaba, iwe Kyabazinga wange era Katonda wange!

Zabbuli 61:2

Ndi kukwetera eno eghala ng'omwoyo gunziriike. Nginga ontwale mu kifo kye naabaamu nga nzira kutya;

Zabbuli 62:8

Bantu bange, mumwesigenga ebiseera byonabyona, mumukobere ebiri mu myoyo gyaimwe byonabyona; kuba oyo n'omukuumi waife.

Zabbuli 77:3

Bwendowooza ku Katonda ndira bwa maziga; bweneefumintiriza einho n'amaani gampwamu, naazirika.

Okuvaayo 2:23

Bwe ghaabitagho ekiseera ekireeyi, kyabazinga ow'e Misiri yaafa. Era mu kiseera ekyo ng'Abaisiraeli bali mu nnaku olw'okubakozesa ng'abairu. Era mu bulumi obwo nga balira n'enaku olw'okubula ow'okubayamba. Okulira kwaibwe okwo kwatuuka ku Katonda.

Okulira 3:44

Weebwikirira ekire olobe kuwulira nga tuli kukusaba.

Okulira 3:8

Mba agho naamusaba nga ndira, aye yaaloba okuwulirisa okusaba kwange.

Luka 22:44

Yaawulira enaku mu mwoyo, yaasaba inho, yaagezimula era olugezi lwaba ng'oti matondo ga musaayi n'agali kutoonha ku itaka.]

Abaheburayi 5:7

Yesu mu bulamu bwe obw'oku nsi kuno, yayogerera ghaigulu mu kusaba kwe, era yaalira n'amaziga nga yeeghemba Katonda, eyali nga n'asobola okumuwonia okufa. Era olw'okutya Katonda okwo kwe yali nakwo, Katonda yamuwulira.

Abalamuzi 10:16

Kale baasuula ere bakatonda b'abamaghanga agandi, baasinza Musengwa Katonda. Musengwa Katonda oyo yaawulira enaku ku mwoyo olw'okudaazibwadaazibwa kwa Isiraeli.

1 Samueli 9:16

“Enkyo mu kiseera ng'oti ni kino, ndidha kugheereza y'oli omusaadha okuva mu kiketezo kya Benjamini. Oidha kumusiiga omuzigo, abe omukulembeze ow'abantu bange Abaisiraeli. Oyo n'alitoola abantu bange abo mu mikono gy'Abafilisiti, kuba mboine okudaazibwadaazibwa kwaibwe n'okulira kwaibwe kwatuuka ye ndi.”