Zabbuli 101:5 - Baibuli Ekibono kya Katonda 2014

⁵ Nja kuzikirizanga omuntu yeenayeena ageya mwine, era tija kuguminkiriza muntu eyeekulumbaza era eyeesaakiriza.

Zabbuli 101:5 Iomraidhean Croise

Zabbuli 138:6

Waire nga iwe oli ghaigulu inho, ofaayo inho ku abo abawombeefu. Aye abo abeetwala okuba aba ghaigulu obategeera mangu.

Zabbuli 15:3

Tasiiga liina lya muntu yeenayeena nziro, takola mwine kibi, era taja ng'ageya baliraanwa be.

Zabbuli 18:27

Olokola abo abagonvu aye waisa ghansi abo abeetwala nga ba ghaigulu.

Zabbuli 50:20

Mutyama mwayogera ebibi ku baganda baimwe beene, era mwabasiiga n'enziro.

Okuvaayo 20:16

“Mutaghanga ku muntu budhulizi bwa bulimba.

Okuvaayo 23:1

“Otasansaanianga ngambo, era oteeyimbanga na mukozi wa bibi ng'ogha obudhulizi obutali butuufu.

Ensambo 10:18

Ole agisa obukyayi obumuli ku mwoyo aba muguya, ate ole asalagania ebibono ku bandi aba musiru.

Ensambo 20:19

Omuntu ayengeesa olubono ayogera ebyama. Kale weesambanga abantu aboogerayogera eyo batyo.

Ensambo 21:4

Ababi batwalirizibwa okwebona n'okwekuluntaza, era ekyo kibi.

Ensambo 25:23

Ng'empewo ey'oku luuyi olw'omukono omugooda olw'e buvandhuba bw'ereeta amaadhi, n'okugeya kutyo bwe kuleeta obusungu.

Ensambo 30:13

Ghaligho abeetwala okuba aba ghaigulu, era nga batwala abandi boonaboona okuba ghansi ghaibwe.

Isaia 2:11

Olunaku lwidha kutuuka, okwekuluntaza okuli mu bantu kumalibwegho, n'okwegulumiza kwaibwe kusaanizibwegho. Ku olwo, Musengwa Katonda yenka n'aligulumizibwa.

Ezekieli 22:9

Mu iwe mulimu abantu abaghaayiriza banaibwe olw'okwenda okubaitisa, mwabaamu abalya ku misengo gye bagheerayo mu masabo ku nsozi, mwabaamu n'abeesanhusa n'okukola obwenzi.

Danieli 4:37

“Era mperaano, nze Nebukadinezzari nsaaka Katonda ow'eigulu, naamugulumiza era naamutaamu ekitiisa kuba by'akola byonabyona bituufu era tasaliriza nsonga. Abo abeetwala okuba aba ghaigulu abaisa.”

Abalevi 19:16

Otasansaanianga ngambo mu bantu bo, era oteesimbangagho kulumiriza muntu yeenayeena mu musango ogusobola okumuviiramu okwitibwa. Ninze Musengwa Katonda.

Luka 18:14

Ka mbakobere: Omughooza w'omusolo ono yairayo ewuwe nga mutukuvu mu maiso ga Katonda okusinga ole kuba buli eyeetwala ati wa ghaigulu aja kwisibwa era buli eyeetwala nga wa ghansi aja kutwalibwa nga wa ghaigulu.”

1 Ab'e Korintho 5:11

Kye nali nkoba n'obutakolagananga na muntu yeeyeta waluganda aye ate nga mwenzi, oba nga wa mairu, oba asinza ebitali Katonda, oba omuvumagani, oba omutamiivu, oba omwibi; omuntu ng'oti n'oyo n'okulya mutalyanga naye.

1 Timotheo 3:11

N'abakazi boona batyo bateekwa okuba abantu abakalamu, abatasalagania bibono, abasobola okwefuga, era abeesigwa mu buli kintu.

Tito 2:3

Abakazi abakulu boona bakubirizenga, babenga n'empisa edhigwanira abantu abatya Katonda nga tibasalagania bibono, era nga ti batamiivu. Bateekwa okwegeresanga ebigwaniire,

1 Samueli 2:3

Mulekere agho okwogera nga mwesuuta, mukomye ebibono eby'okwesaaka; kuba Musengwa Katonda ni Katonda aidhwire okumanha, era alamula ebikolwa eby'abantu.