Zabbuli 100:5 - Baibuli Ekibono kya Katonda 2014

⁵ kuba Musengwa Katonda mulungi okugonza kwe tikukoma kubaagho byanda na byanda, n'obwesigwa bwe buligho eri ense n'ense edh'abantu.

Zabbuli 100:5 Iomraidhean Croise

1 Ebyomubyanda 16:34

Kale ni mwenamwena musiime Musengwa Katonda kuba mulungi, era okugonza kwe tikukoma, kubaagho byanda na byanda.

2 Ebyomubyanda 5:13

Agho abembi n'ab'ebivuga baakwania amamiro, nga basaaka era nga beebaza Musengwa Katonda. Baagemagania ghalala mu lwembo amamiro gaibwe, n'ag'amagwala, n'ebide, n'ebivuga ebindi, bati: “Musaake Musengwa Katonda kuba mulungi, okugonza kwe tikukoma, kubaagho byanda na byanda.” Agho ekire kyagema woonawoona mu isinzizo,

Ezera 3:11

Baayemba eno nga bwe bairamu, nga basaaka era nga basiima Musengwa Katonda, bati: “Musengwa Katonda mulungi okugonza kwe tikukoma, era kubaagho ghalala n'Abaisiraeli ebyanda n'ebyanda.” Abantu boonaboona baakuba emizira n'amaani agataloodheka, nga basaaka Musengwa Katonda olw'okuteebwagho okw'omusingi ogw'eisinzizo lya Musengwa Katonda oyo.

Zabbuli 103:17

Aye abo abatya Musengwa Katonda, Musengwa Katonda oyo abagonza obutalekera ebyanda n'ebyanda. Obutukuvu bwe abwoleka ense n'ense,

Zabbuli 106:1

Mwenamwena musaake Musengwa Katonda! Musiime Musengwa Katonda kuba mulungi; okugonza kwe tikukoma, kubaagho byanda na byanda.

Zabbuli 107:1

Bakagwa, musiime Musengwa Katonda kuba mulungi; okugonza kwe okutakoma kubaagho byanda na byanda!

Zabbuli 107:15

Bagwainenga okwebaza Musengwa Katonda olw'okugonza kwe okutakoma, n'olw'ebyewuunhisa by'akolera abantu!

Zabbuli 107:22

Era bagwainenga bagheeyo emisengo olw'okumwebaza, bembenga n'enhembo edh'eisanhu edhoogera ku by'abakolera.

Zabbuli 107:8

Bagwainenga okwebaza Musengwa Katonda olw'okugonza kwe okutakoma, n'olw'ebyewuunhisa by'akolera abantu!

Zabbuli 119:68

Oli mukalamu, ni by'okola bikalamu; nkweghemba ondhegerese okukola by'olagira.

Zabbuli 138:8

Wo Musengwa Katonda, iwe oidha kunkolera byonabyona bye wasuubiza; okugonza kwo tikukoma, kubaagho byanda na byanda. Otalekulira agho ekyo kye wakola n'engalo dho.

Zabbuli 146:6

Oyo n'eyakola eigulu n'ensi, n'enhandha, n'ebirimu byonabyona. Era oyo tiyeerabira ky'aba asuubiiza.

Zabbuli 25:8

Olw'okuba Musengwa Katonda mulungi era nga mutuufu, kyava n'agalagira aboonooni engira.

Zabbuli 36:5

Aye iwe Musengwa Katonda okugonza tikukoma era kugungumavu okutuuka mu igulu, ate obwesigwa bwo butuuka mu bire.

Zabbuli 52:1

Iwe ow'amaani, lwaki weesaaka olw'ebibi by'okola ku abo abatya Katonda? Olunaku lwonalwona

Zabbuli 85:10

Okugonza okutakoma kwidha kwagaanana n'obwesigwa; ate obutuufu bunhwegeragane n'emiraala.

Zabbuli 86:5

Wo Musengwa Katonda iwe oli mulungi, onsonigha era tolekera kugonza abo abakusinza.

Yeremia 33:11

emizira egy'abali mu binhumo ni mu kusagamba, n'egy'abo abali mu mbaga edh'obugole. Era oliwulira abantu abemba nga bali kuleeta ebigheebwayo olw'okwebaza mu isinzizo lyange, nga bakoba bati, ‘Mwebaze Musengwa Katonda Afuga Amagye, kuba Musengwa Katonda oyo mulungi. Okugonza kwe tikukoma, kubaagho byanda na byanda.’ Ndiizaagho ebirungi mu nsi eno, ebe nga bwe yalinga okusooka. Nze Musengwa Katonda, ninze nkobye.”

Mika 7:20

Oidha kutwoleka obwesigwa bwo n'okugonza kwo okutakoma, ife abantu bo baidhukulu ba Aburahamu era aba Yakobo, nga bwe wasuubiza badhaadha baife eira einho.

Nahumu 1:7

Musengwa Katonda mulungi, oyo n'ekifo eky'okwewogomamu mu biseera ebizibu; alabirira abo abamwesiga.

Luka 1:50

Ekisa kye ku bamutya kirigho ku nse n'ense.

Amateeka Agokubiri 7:9

Agho ni, mukimanhe nga Musengwa Katonda waimwe ni Katonda yenka era nga mwesigwa. Akuuma endagaano n'abantu ab'ense n'ense abamugonza era ni bakuuma ebiragiro bye, era abagonza obutalekera.

Tito 1:2

ageemereire ku kusuubira obulamu obutawaagho. Katonda oyo ataguya n'eyatusuubiza obulamu obwo okuva eira n'eira.