Zabbuli 100:2 - Baibuli Ekibono kya Katonda 2014

² Mwidhe y'ali nga mwemba mumusinze nga muli basangaavu.

Zabbuli 100:2 Iomraidhean Croise

1 Bakyabazinga 8:66

Ku lunaku olwomunaana, kyabazinga yaasiibula abantu okwirayo ewaibwe. Abantu baamusabira enkabi, bairayo ewaibwe nga basangaavu era nga basagamba mu myoyo gyaibwe olw'ebirungi Musengwa Katonda bye yagha Daudi omugheereza we, n'abantu be Abaisiraeli.

2 Ebyomubyanda 29:30

Kyabazinga Hezekia n'abakungu be baalagira Abalevi okwemba enhembo edhisaaka Musengwa Katonda, edhaayiiyizibwa Daudi ni Asafu omulanzi. Baayemba enhembo edhisaaka nga basangaavu, era baakuba amakiryaivu, baasinza.

2 Ebyomubyanda 31:2

Agho kyabazinga Hezekia yaataagho bakabona n'Abalevi mu bikunsu bikunsu, nga bagheereza mu ngobo ng'omulimo gwa buli muntu bwe gwali okughangayo ebigheebwayo ebyokebwa n'ebigheebwayo olw'okutabagana, okwo nga kw'otaire okugheerezanga Musengwa Katonda, n'okumwebazanga, n'okumusaakanga mu isinzizo.

Zabbuli 42:4

Omwoyo guunuma bwe ndidhukira eby'eira, bwe nakulemberangamu olukunkumuli olw'abantu abali ku kibinuko, nga tuja mu ndhu ya Katonda nga tuja bwe tukuba emizira era nga bwe twemba enhembo edh'okwebaza Katonda.

Zabbuli 71:23

Ndidha kukubanga emizira nga nkwembera enhembo edhikusaaka, kuba wandokola.

Zabbuli 95:2

Ka tuje y'ali tumusiime tumukubire emizira nga twemba n'enhembo edh'okumusaaka;

Amateeka Agokubiri 12:12

Mwidha kusagambiranga eyo mu maiso ga Musengwa Katonda waimwe, nga muli ghalala ni batabane baimwe, n'abairu baimwe abasaadha n'abakazi, n'Abalevi abali mu bibuga byaimwe kuba, Abalevi abo tibaja kufuna mugabo gwa itaka lya nsikirano, gwaibwe ku bwaibwe.

Amateeka Agokubiri 16:11

Era mwidha kusagambiranga mu maiso ga Musengwa Katonda waimwe, mu kifo ky'aliba ng'asazeegho okumusinzizangamu, ghalala ni batabane baimwe, ni baghala baimwe, n'abagheereza baimwe abasaadha n'abakazi, n'Abalevi ab'omu bibuga byaimwe, n'abasenze, ni bamulekwa, ni banamwandu ababa mu imwe.

Amateeka Agokubiri 16:14

Mu kibinuko ekyo, mwidha kusagambiranga ghalala ni batabane baimwe, ni baghala baimwe, n'abagheereza baimwe abasaadha n'abakazi, n'Abalevi, n'abasenze, ni bamulekwa, ni banamwandu abali mu bibuga byaimwe.

Amateeka Agokubiri 28:47

Musengwa Katonda waimwe yabagha ebirungi kamaala, aye imwe mwaloba okumusinza n'omwoyo ogw'eisanhu n'okusagamba.

Ab'e Filippi 4:4

Buliidho musagambirenga mu Musengwa. Era kabiri nkiiramu nti Musagambe!