Zabbuli 10:9 - Baibuli Ekibono kya Katonda 2014

⁹ Yeegisa yaabeeteega ng'oti mpologoma eri mu ndungu. Yeegisa asobole okutuumira ku baavu n'okubagema, era yaabagemya mu lutuula lwe yaabakwekwebya.

Zabbuli 10:9 Iomraidhean Croise

Yobu 38:40

nga dheegisiiza mu mpuku dhaadho, oba nga dhibwaime mu bisaka okuteega?

Zabbuli 109:31

kuba aba ku luuyi lw'omwavu, yaamuwonia abo abamusalira ogw'okufa.

Zabbuli 12:5

Aye Musengwa Katonda akoba ati: “Leka ndidhe, kuba abakozi b'ebibi badaazadaaza abaavu era baakiriga abaghafu. Ndidha kukuuma abaavu n'abaghafu abo, kuba ekyo kye beegomba.”

Zabbuli 140:5

Abantu bano abeekuluntaza banteze omutego; bantega n'olutuula n'emigugha, ni mu ngira ye mbitamu baasimamu ebiina okuntega.

Zabbuli 17:12

Bali ng'oti mpologoma nto eyeeteeze, eyenda okundhuzayuza.

Zabbuli 35:10

Ndisaaka Musengwa Katonda n'amaani gange goonagoona, nti: “Wo Musengwa Katonda, naani ali ng'oti niiwe? Iwe atoola omunafu n'omuwonia ow'amaani amuswikirira, era atoola omwavu n'omuwonia amunhagaku ebibye?”

Zabbuli 37:14

Ababi basowolayo empiima dhaibwe, era baadhuumuula obulaso bwaibwe okusuula abanaku n'abaavu, n'okwita abo abagondera ebiragiro bya Katonda.

Zabbuli 59:3

Bona ere, baneeteeze benda kundhita; abantu abakambwe beesoloiza baanumbe. Ti lwa kuba nti ndaaliimye oba nti nkoze ekibi kyonakyona.

Ensambo 14:31

Omuntu atuntuza omwavu aba ali kuvuma Katonda eyamutonda, aye ole agemerwa omuntu ali mu bwetaavu ekivunika aba atya Katonda.

Ensambo 22:16

Omuntu atuntuza omwavu ng'ayenda okweyongeraku obukombe, oba n'agha abakombe ebirabo, amala mwene yaayavughala.

Ensambo 28:15

Ng'empologoma oba ekisolo ekikambwe ekindi, bwe biba eby'akabi eri kye byenda okugema, n'omufuzi omubi yeena atyo bwaba ow'akabi eri abaavu.

Isaia 3:15

Lwaki mufuutafuuta abantu bange, ni mutentenatentena abantu abaavu mutyo? Nze Musengwa Katonda Afuga Amagye, ninze ndi kubuuza.”

Isaia 32:7

Omukupankupania muntu mubi, ni by'akola bibi byereere. Asala amagezi okwitaitana abaavu ng'ayogera eby'obuguya, ni bwe baba nga bye basaba okukolerwa n'ebyo ebituufu bye bagwaniire.

Yeremia 5:26

Mu bantu bange mulimu abakozi b'ebibi, ababwama ni beeteega abantu ng'oti batezi ba nhonhi. Batega emitego baagemya abantu.

Okulira 3:10

Aneeteega ng'oti n'ekisolo ekikambwe bwe kyeteega obusolo bwe kirya, era ng'oti n'empologoma ebwama ng'eyenda okutuumira ku nsolo.

Ezekieli 22:29

Abatyamye b'omu nsi eyo bakola obukupankupania, baanhaga ku bantu ebyaibwe. Banhigiriza abaavu n'abali mu bwetaavu, baakupankupania ebintu by'abasenze aghazira kusaasira naire.

Amosi 3:4

Empologoma ewologomera mu kibira nga ghazira ky'ezize? Empologoma ento evuumira mu mpuku yaayo nga ghazira ky'egemiisa?

Mika 7:2

Mu Isiraeli muzira muntu mwesimbu akaasigairemu. Timukaali atya Katonda! Buli muntu aguniriire kakisa ka kutemula, era olw'ekyo buli muntu atega mwine olutuula.

Habakkuku 1:15

Abababilonia abo bagema abantu ng'oti n'ole bw'agemya ebyenhandha ku irobo baabaghaluza ng'oti n'ole bw'aghaluza ebyenhandha mu katimba akatono oba mu katimba akanene ka kokota. Era bwe bamala beeseka baasagamba olw'obungi bw'abo be bagemiisa.

Habakkuku 3:14

Wafumita omuduumizi ow'abalwani be n'obulaso, ku lule lwe baidha okutusansaania nga bali ng'oti ni kiwunga ow'amaani, nga beesuuta ng'oti n'abaja okutuntuza abaavu aghazira kubakobaku naire.

Zekaria 11:3

Wulira abaayi bwe bawowoola, olw'okufiirwa ekitiibwa kyaibwe. Wulira empologoma bwe dhiwologoma, olw'okuba ekibira ky'e Yorudani mwe dhiba bakizikiriiza.

Yoanne 10:12

Oyo ayayira empeera nga ti n'omwayi mwene ntaama, bw'abona omusege nga gwidha aleka agho entaama yaalumuka, gwadhighalarira dheesasa.

Ebikolwa by'Abatume 23:21

Aye otaganha, kuba ghaligho abasaadha abasinga mu makumi ana (40) abaja okumweteega. Beesoomeire obutalya waire okunhwa okutoolaku nga bamaze okumwita era mperaano beetegeike nga bateeze ky'onaabakoba.”