Zabbuli 10:7 - Baibuli Ekibono kya Katonda 2014

⁷ Mu by'ayogera n'omwidhwire okukolima, okuguya, n'okwesoomera; olulimi lwe lwidhwire eitima n'okwonoona.

Zabbuli 10:7 Iomraidhean Croise

Yobu 15:35

Abantu abo bategeka okukola ebibi, era baabikola, baidhwire buguya bwereere.”

Yobu 20:12

Omuntu omubi awoomerwa ekibi ng'oti sukaali, yaakikwekaku ni ghansi gh'olulimi lwe.

Zabbuli 12:2

Buli muntu aguya mwine, yaasuutiriza mwine ku munwa, aye nga mu mwoyo muguya.

Zabbuli 140:3

Enimi dhaibwe dhiita ng'oti misota; n'eminwa gyaibwe giri ng'oti girimu busagwa bwa kiyiri.

Zabbuli 140:9

Waire baneezungulwire, otabaganha kumpangula; ebibi bye bandhogeraku byonabyona ka bibairirengaku.

Zabbuli 144:11

Mponia abazigu bange abakambwe, ontoole ku bamaghanga agandi abankiriga era abaguya buli kiseera, ni bwe baba nga beerayiriire obutaguya.

Zabbuli 144:8

era abaguya buli kiseera, ni bwe baba nga beerayiriire obutaguya.

Zabbuli 36:3

Byonabyona by'ayogera byoleka itima na buguya; by'akola tibikaali bya magezi waire okuba ebirungi.

Zabbuli 41:6

Abaidha okumbona, mu kifo ky'okunsaasira boogera biziramu, baidha kubona bwendaaga olwo bafune eky'okughayaku buli ghe baja.

Zabbuli 5:9

Mu minwa gy'abazigu bange timuva kya mazima naire, mu myoyo gyaibwe benda bwa kuzikiriza. Ebibono byaibwe magombe geene, enimi dhaibwe badhoogeza bya buguya.

Zabbuli 50:19

Mulekera eminwa gyaimwe eidembe okukola ebibi; n'enimi dhaimwe dhaayogera eby'obuguya.

Zabbuli 52:4

Omuguya iwe, osanhukira inho okwogeza omunwa gwo ebirumya abandi.

Zabbuli 55:21

Ng'akozesa olulimi olw'okwewooya, ate nga mu mwoyo gwe mwidhwire nzigu ebibono bye nga biwooma okuwulirisa, aye nga bifumita oti mafumo geene.

Zabbuli 58:3

Ababi badaaliima okuviira irala nga bakaali na mu nda; basobya okuviira irala ku kuzaalibwa, nga boogera eby'obuguya.

Zabbuli 59:12

Ka basigale nga bagemeibwa mu kwebona kwaibwe, ng'oti n'ensolo bw'egwa mu lutuula. Kuba boonoona n'eminwa gyaibwe, na kiisi kibono kye boogera. Era olw'okuba bakolima era baaguya,

Zabbuli 59:13

bazikirize mu busungu bwo; bazikirize bagheekereregho irala. Abantu boonaboona bakimanhe nga Katonda n'afuga mu Isiraeli, n'okutuukira irala ensi y'ekoma.

Zabbuli 62:4

Kye mutegeka kyonka, n'okumusuula ave mu kitiibwa kye; mwenda inho okuguya. Ghano ku munwa mwogera ng'oti mumwendeza nkabi, ate nga munda mule muli kumukolimira.

Zabbuli 64:3

Bakozesa enimi dhaibwe ng'oti mpiima, baakozesa ebibono ebikambwe ng'oti bulaso bwa busagwa.

Zabbuli 7:14

Bona, omukozi w'ebibi aba ng'oti mukazi, yaatoola enda ey'ebibi, yaaba enda erimu entegeka edh'okukola ebibi, era yaazaala obuguya.

Zabbuli 73:8

Boogera ku bantu abandi nga banhoomerera, nga benda okubakola obubi. Olw'okwekuluntaza kwaibwe beesoomera okukiriga bantu banaibwe.

Ensambo 21:6

Eby'obukombe ebifunibwa mu kukupankupania bibita bubite ng'oti mpewo, ole bw'abinoonia aba anoonia kufa.

Ensambo 30:8

Mponia ebikyamu n'obuguya, era otampa kuba mwavu oba mukombe. Aye nkusaba ompenga eby'okulya bye neetaaga byonka.

Isaia 59:4

Ghaziragho muntu awoza musango mu butuufu ng'ali kukolera ku mazima. Aye muwoza ebiziragho, mwayogera eby'obuguya, memale mwasinga omusango. Mutegeka okukola ebibi era mwamala mwabikola, mwayonoonera irala.

Yeremia 9:3

Olulimi lwe bakozesa ti lutereevu naire, lwidhwire buguya bwereere. Ensi yaibwe mu kifo ky'okubaamu amazima, eidhwire bukupankupania. Musengwa Katonda akoba ati: “Abantu bange beeyongera bwa kukola bibi, era nze tibandidhi naire.”

Yeremia 9:6

Baja bwa mu maiso na kukiriga bandi, na kwogera bya buguya. era baaloba okuumanha. Musengwa Katonda atyo bw'akoba.

Amosi 8:4

Imwe abatyankirira abateeghanga era ni muzikiriza abaavu mu nsi eno, muwulire bino:

Matayo 12:34

Imwe eizaire ery'emisota, musobola mutya okwogera ebikalamu nga muli babi! Ebiidhwire mu mwoyo, omunwa ti bye gwogera?