Zabbuli 10:2 - Baibuli Ekibono kya Katonda 2014

² Abakozi b'ebibi beebona nga ba ghaigulu era baakiriga abaavu. Emitego gyene gye batega banaibwe, n'egibe gibategemu.

Zabbuli 10:2 Iomraidhean Croise

Zabbuli 109:16

Kuba omuntu oyo tiyaliimu kisa naire, aye yakiriga abanaku n'abaavu n'abawoiremu emyoyo, yaabatuusa ni ku kufa.

Zabbuli 119:122

Otandekulira bwagho aye mbeera nze omugheereza wo; otaganha abo abeekuluntaza kuunhigiriza.

Zabbuli 119:5

Ha, kale ngoli neekuuma ni ntasobya, ni nkuuma by'olagira!

Zabbuli 119:69

Abo abeekuluntaza bandhogeraku eby'obuguya, ate nga nze njiira ku mateeka go n'omwoyo gwange gwonagwona.

Zabbuli 119:85

Abantu abeekuluntaza abatagema mateeka go, baasima ebiina okuntega ngwemu.

Zabbuli 140:5

Abantu bano abeekuluntaza banteze omutego; bantega n'olutuula n'emigugha, ni mu ngira ye mbitamu baasimamu ebiina okuntega.

Zabbuli 31:18

Sirisa abaguya abo kuba baidhwire okwebona. Boogera bubi ku bantu abatuufu nga babanhoomerera.

Zabbuli 36:11

Otaganha abo abeetwala okuba aba ghaigulu kwidha kuunumba; waire okuleka ababi abo okuuminga gh'oli.

Zabbuli 59:12

Ka basigale nga bagemeibwa mu kwebona kwaibwe, ng'oti n'ensolo bw'egwa mu lutuula. Kuba boonoona n'eminwa gyaibwe, na kiisi kibono kye boogera. Era olw'okuba bakolima era baaguya,

Zabbuli 7:16

Entegeka dhe edh'okukola ebibi dhimwiriraku mwene, era obukambwe bwene bw'akozesa n'obumutaaku enguma.

Okuvaayo 18:11

Buti ntegeire nga Musengwa Katonda wa maani okusinga bakatonda boonaboona, kuba yatoola abantu be mu ngalo edh'Abamisiri abaabeeyagalirangaku nga tibababonamu ka buntu.”

Okuvaayo 9:17

Weetwala ng'owa ghaigulu einho, waaloba kuleka bantu be ni baja.

Ensambo 5:22

Ebibi eby'omubi bimufuukira ng'oti lutuula, era bimugema ng'oti n'omutego bwe gugema enhonhi.

Isaia 14:13

Wakobanga mule oti, ‘Ndidha kuniina mu igulu nte eyo ekityamo kyange eky'obwakyabazinga ere ghaigulu gh'emuunienie dha Katonda. Ndidha kutyama ku lusozi emisambwa lwe gyesolokezaaku, eyo eghala ku luuyi olw'omukono omugooda olw'e buvandhuba.

Isaia 14:16

Abanaakubonanga ng'oli eyo baidha kukulingiriranga obutatemya, nga beebuuza bati, ‘Bwenebwene ono n'omusaadha ole eyayuuguumyanga ensi era n'adhugumizanga buli bwakyabazinga?

Yeremia 43:2

Azaria mutabane wa Hoshaia, ni Yohanani mutabane wa Karea, n'abasaadha abandi abeetwala okuba aba ghaigulu, bankoba bati: “Oli kulimba. Musengwa Katonda waife tiyakutuma iwe kwidha kutukoba tulobe kuja mu Misiri kuba eyo.