Zabbuli 10:14 - Baibuli Ekibono kya Katonda 2014

¹⁴ Aye iwe obona, yii, weetegereza abali mu buzibu n'abadaazibwadaazibwa, era weetegeike okukozesa omukono gwo ogw'amaani. Oyo azira amubeera yeeta mu ngalo dho, kuba buliidho niiwe obeera abaghafu.

Zabbuli 10:14 Iomraidhean Croise

Amainhama 21:17

Aye Katonda yaawulira omwana ng'ali kulira, era malaika wa Katonda, ng'ali mu igulu, yaakoba Hagari ati: “Hagari, obaire otya? Otatya, kuba Katonda awuliire omwana ng'ali kulira eyo y'ali.

Amainhama 31:12

Yankoba ati, ‘Bona, embuzi dhoonadhoona enume edhiri kuniina ku nkazi, dha myalaala, n'edh'obudholodhondho, era n'edha bitanga; kuba mboine byonabyona Labani by'ali kukukola.

2 Samueli 16:12

Oba katyo Musengwa Katonda anaalingirira okudaagadaaga kwange, yansasulamu ebirungi mu kuvumibwa kwange kuno olwaleero luno.”

2 Bakyabazinga 9:26

‘Bwenebwene ng'olwaidho bwe naboine nga Nabothi ni batabane be babatemwire, nkukakasa nti ndikwesasuulizaaku ghano mu kibandha kino.’ Kale ni mubbeede, omusuule mu kibandha ekyo okutuukiriza ekyo Musengwa Katonda kye yakoba.”

2 Ebyomubyanda 24:22

Mu ngeri eyo kyabazinga Yoashi yaaloba kwidhukira ekisa Yehoiada kye yamukolera, yaita Zekaria mutabane wa Yehoiada oyo. Zekaria bweyali ali kumpi okufa, yaakoba ati: “Musengwa Katonda agwananga yaabona kino ky'okoze, yaakwesasuulizaaku.”

2 Ebyomubyanda 6:23

wuliranga ng'oli eyo mu igulu era olamulenga abagheereza bo. Era bonerezanga aliku omusango nga bw'agwaniire, ate weedheerezenga aziraku musango, omusasulenga ng'ojiira ku butuufu bwe.

Zabbuli 146:9

Musengwa Katonda akuuma abasenze, be tusenza mu nsi yaife, yaayamba banamwandu ni bamulekwa. Aye azikiriza ebyo abakozi ab'ebibi bye bakola.

Zabbuli 22:11

Otamba ghala, ebizibu bineezungulwire, ate ghazira wa kuunhamba.

Zabbuli 31:8

Toganhie bazigu bange kuntuukaku, era ompaire eidembe neetaaya.

Zabbuli 35:22

Aye iwe Musengwa Katonda oboine bino, otaloba kumpulira! Wo Musengwa Katonda, otamba ghala!

Zabbuli 55:22

Ebizibu byo birekere Musengwa Katonda, aidha kukukuuma. Taleka bantu bakola bituufu kughangulwa.

Zabbuli 68:5

Oyo ni Katonda aba mu kifo kye ekitukuvu, ni lata w'abo abazira balata baibwe era n'akuuma banamwandu.

Zabbuli 68:6

Abo abazira ghe baba abafunira amaka ag'okubangamu, yaatoola abasibe mu makomera, yaabatuusa ku idembe ery'okusanhuka. Aye abadheemu abaleetera okusenga ku itaka ery'olubbalangu.

Okuvaayo 2:25

Katonda yaalingirira Abaisiraeli, yaamanha nga bali bubi, era yaabalumirwa.

Okuvaayo 22:22

“Otabisanga bubi namwandu oba mulekwa.

Okuvaayo 22:26

“Bw'ogemanga ku mwino ekivaalo kye ng'omusingo, okimwirizanga ng'endhuba ekaali kugwa,

Ensambo 15:25

Musengwa Katonda azikiriza endhu edh'abantu abeekuluntaza, aye yaakuuma ebintu bya banamwandu.

Ensambo 15:3

Eriiso lya Musengwa Katonda ghazira ghe litabona, alingirira abalungi n'ababi.

Isaia 10:3

Mulikola mutya ku lunaku Musengwa Katonda lw'alibabonerezaaku, n'abatuusaaku akabi akaliva mu nsi ey'eghala? Mulirumukira y'ani okubayamba? Era mulikweka gha obukombe bwaimwe?

Yeremia 16:17

Buli kye bakola nkibona, ghazira kye basobola kungisa. Buli kibi kye bakola nkibona bukalamu.

Yeremia 23:24

Ghazira muntu asobola kwegisa ghe ntasobola kumubona. Timwidhi nga ndi buli ghantu, mu igulu ni mu nsi?

Yeremia 49:11

Muleke bamulekwa baimwe, nze ndidha kubalabirira. Ni banamwandu baimwe beesige nze.

Yeremia 51:56

Amagye agazikiriza ago gaidhiire Babiloni, gakiidhiire okukizikiriza. Abaisirukale baakyo babagemye, n'obulaso bwaibwe baabumenhamenha; kuba nze ndi Katonda abonereza, era ndyesasuliza ku Babiloni nga bwekigwaine.

Okulira 3:59

Wo Musengwa Katonda, iwe bona ebibi bye bankola, nkusaba obasalire omusango gubasinge.

Okulira 3:60

Obona nga bwe beeguguna okuneesasuulizaaku, era waabona entegeka dhaibwe dhoonadhoona edh'okunkola obubi.

Hosea 14:3

Ensi Assiria tesobola kutuwonia, n'embalaasi edh'omu lutalo tidhiidha kutuyamba. Era tituliirayo kabiri kweta ebintu bye twekolera n'engalo dhaife, tuti, ‘Katonda waife’; kuba iwe ogemerwa ekisa abo abaziraku babayamba.”

Hosea 14:4

Musengwa Katonda akoba ati: “Ndiiza abantu bange ye ndi, naabagonzanga n'omwoyo gwange gwonagwona; kuba ndekeire okubasungughalira.

Yoeli 3:4

“Muli kugezaaku kunkola ki, imwe ab'e Tiro, n'ab'e Sidoni, n'ab'omu biketezo by'e Filisitia? Ghaligho kye muli kwenda okuneesasuulizaaku? Oba nga ekyo kye muli kwenda, nze mwene ndibeesasuulizaaku imwe amangu n'embiro, olw'ebikolwa byaimwe.

Habakkuku 1:13

Amaiso go matukuvu tigagwaine kubona kibi, oba okulinga ku akola ekibi. Kale lwaki olingirira obulingirire abantu abo abateesigika? Lwaki osirika busirike ng'abakozi b'ebibi bazikiriza abantu ababasinga obulungi?

Amateeka Agokubiri 10:18

Asala mu butuufu ensonga dha bamulekwa ni banamwandu. Yaagonza abasenze abali mu imwe, yaabagha eby'okulya n'eby'okuvaala.

2 Timotheo 1:12

era kyenva ni ndaagadaaga nti. Aye ekyo tikingemya nsoni kuba ndidhi bukalamu oyo ye naikiriza, era nkakasa nti asobola bukalamu okukuuma ekyo kye yanteresa okutuusa ku lunaku lule.

Abaheburayi 4:13

Ghazira kitonde kisobola kugisibwa mu maiso ge. Ebintu byonabyona mu maiso ge byerule era biboneka. Era y'oyo buli muntu aja kwewozaaku kiisi kye yakola.

1 Petero 4:19

Kale ni abo abadaazibwadaazibwa nga Katonda bw'ayenda bakolenga bukalamu, bagemye Omutonzi waibwe oyo omwesigwa emyoyo gyaibwe.

1 Petero 5:7

Mumulekere ebibeeraliikiriza byonabyona, kuba abafaaku inho.

Abalamuzi 1:7

Adonibezeki oyo yaabakoba ati: “Bakyabazinga ensanvu be natemaku ebyala ebisaadha n'ebigere ebisaadha, baasolozanga obukunkumuka bw'emere ghansi gh'emeeza yange. Mpegaano Katonda aneesasuliizaaku olw'ekyo kye nabakola.” Agho baamutwala e Yerusalemu, yaafiira eyo.