Zabbuli 10:12 - Baibuli Ekibono kya Katonda 2014

¹² Wo Musengwa Katonda, idha! Katonda wange, kozesa omukono gwo ogw'amaani. Oteerabira abo abadaazibwadaazibwa!

Zabbuli 10:12 Iomraidhean Croise

Zabbuli 13:1

Wo Musengwa Katonda, olikituusa gha obutanfaaku! Byanda na byanda? Olikituusa gha obutenda kuuningaku?

Zabbuli 17:13

Wo Musengwa Katonda, idha olwane n'abazigu bange obaghangule! Kozesa empiima yo omponie, nve mu ngalo dh'abakozi b'ebibi.

Zabbuli 17:7

Yoleka okugonza kwo mu nsambo eyeewuninkiriza, iwe awonia abo abalumuka abazigu baibwe, ni baidha okwewogoma gh'oli gha mukono gwo omusaadha.

Zabbuli 3:7

Wo Musengwa Katonda, idha omponie, iwe Katonda wange! Abazigu bange boonaboona bakube empi ku matama, omulungule amaino g'aboonooni abo.

Zabbuli 7:6

Wo Musengwa Katonda, idha obakambughalire. Situka Katonda wange tala, olwanise ekiruyi ky'abazigu bange, kuba iwe toyenda kusaliriza.

Zabbuli 74:19

Otalekulira bantu bo mu makono ga bazigu baibwe; oteerabira bulamu bwa bantu bo abadaazibwadaazibwa.

Zabbuli 77:9

Katonda takaali na kivunika naire? Obusungu n'obumuleeteire okulekera okutusaasira?”

Zabbuli 9:12

Musengwa Katonda afaayo inho ku abo abadaazibwadaazibwa, era tasiriikirira kulira kwaibwe. Yeesasuuza olw'omusaayi gwaibwe ng'abonereza abo ababaita.

Zabbuli 9:13

Wo Musengwa Katonda, nkusaba ondhune! Bona bwe ndaazibwadaazibwa abazigu! Ntoola mu ngalo dha walumbe

Zabbuli 9:19

Wo Musengwa Katonda, idha! Otaganha bantu kukunhooma! Abatatya Katonda boonaboona baleete gh'oli, obasalire omusango.

Zabbuli 94:2

Situkiramu, niiwe asalira ensi emisango, abo abeebona nga ba ghaigulu obasasule ekyo ekibagwaniire.

Isaia 26:11

Wo Musengwa Katonda, iwe ogalwire omukono gwo okubabonereza, aye era ekyo tibakibona naire. Kale iwe babonereze obaswaze nga bwe weesoomera okukola abazigu bo. Balage nga bw'olumirwa abantu bo.

Isaia 33:10

Musengwa Katonda akoba amaghanga ati: “Mpegaano ndidha kusituka, ndholeke obuyinza bwange n'amaani gange.

Mika 5:9

Mu nsambo n'endala, Abaisiraeli baja kughangula abazigu baibwe boonaboona era babazikirize.

Abalamuzi 16:28

Agho Samusoni yaasaba Musengwa Katonda ng'akoba ati: “Wo Musengwa Katonda wange, nkweghemba ondidhukire ompe amaani ku mukuzi guno gwonka. Olwo nsobole, mu kikolwa kino ekirala, okwesasuuliza ku Bafilisiti olw'okuntundulamu amaiso gange gombi.”