Yuda 1:4 - Baibuli Ekibono kya Katonda 2014

⁴ Kuba ghaligho abantu abatatya Katonda era abaatonderwa okusingibwa omusango, abeibirira ni batweyimbamu. Abantu abo bakiidhamya obukwenda obw'ekisa kya Katonda nga benda bwisanie n'obudankaanu bwaibwe. Era beegaana Yesu Kurisito Omukulu waife era Musengwa waife yenka ati.

Yuda 1:4 Iomraidhean Croise

2 Samueli 22:5

Olumbe lwanzingiza, omuzigu ng'ayenda kunsaaniagho ng'oti mataba.

Zabbuli 1:1

Wa nkabi oyo atawulirisa magezi ga babi, era atajiira ku boonooni waire okweyimba n'abo abanhooma Katonda.

Zabbuli 62:2

Oyo yenka n'olubaale lwange mwe neegisa era n'obulokozi bwange; oyo n'ekifo kyange mwe neewogoma era ghazira kisobola kuntengeesa.

Matayo 13:25

Abantu bwe baali batendwike, omuzigu yaidha yaamansa ensigo edh'eisubi eibi mu ngaano, yeejiira.

Yoanne 17:3

Era obulamu obutawaagho ni buno: Abantu okukumanha iwe wenka Katonda ow'amazima n'oyo ye watuma, Yesu Kurisito.

Ebikolwa by'Abatume 11:23

Bwe yatuukayo n'abona Katonda bw'aghaire abantu abo enkabi, yaasangaala. Yaabakubiriza boonaboona bakalangukire ku Musengwa n'omwoyo mulala.

Ebikolwa by'Abatume 15:24

Tuwuliire tuti ghaligho abaava mu ife baidha baabadaaza n'ebibono ebyabatabula ebidhuubo, waire nga ife titubatumanga.

Ab'e Galatia 2:4

Ghaligho abaakyogeraku nga beefuula okuba abaikiriza, beibirira baatweyimbaku. Kye baayenda n'okubona eidembe lye tuli nalyo mu Kurisito Yesu era n'okutwiza mu bwiru.

Ab'e Galatia 5:13

Aye imwe aboluganda, mwayetebwa kwetaaya. Aye mutaganha kwetaaya kwaimwe okwo kubaviiramu kufugibwa kwegomba kwa mibiri gyaimwe. Aye mu kugonzania mugheerezaganie

Ab'Efeso 4:14

Era tube nga titukaali baana bato abayuuzibwayuuzibwa era abatwalibwa kiisi mpewo ey'endhegeresa y'abantu abaguya, abakiidhamya abandi n'obuguya bwaibwe.

1 Timotheo 5:8

Oyo atafa ku babe, n'okusingira irala ab'omu ndhu ye, aba yeegaine okwikiriza, era aba mubi okusinga ataikiriza.

2 Timotheo 2:12

Bwe tuguma tulifugira ghalala naye; bwe tumwegaana yeena alitwegaana.

2 Timotheo 3:6

Mu abo n'omuli abaja mu maka ag'abantu ni baagaanamu abakazi abanafu mu myoyo, ni babatwala ng'abairu. Bano n'abakazi abaidhwire ebibi era abatwalirizibwa ebintu kamaala.

1 Petero 2:16

Mubenga ba idembe, aye mulobe kweyambisa idembe eryo mu kukola bubi. Mubenga bagheereza ba Katonda.

1 Petero 2:8

Era biti: “Lino n'eibaale abantu kwe beekontola ni bagangalima, olubaale lwe beeguunhaku ni bagwa.” Bagangalima kuba tibaikiriza kibono, kye kikoba era atyo Katonda bwe yabategekera.

1 Petero 4:18

Era ebyaghandiikibwa bikoba biti: “Oba nga kikalangufu omuntu akola ebituufu okulokoka, memale leero abakozi ab'ebibi abatatya Katonda baliba batya?”

2 Petero 2:10

Era Katonda abonereza okusingira irala abo abajiira ku mairu amabi ag'omubiri, ni banhooma obufuzi. Abeegeresa abo abaguya bakanu, era beidhi bonka tibatya na kuvuma ba kitiisa.

2 Petero 2:7

Yawoniagho Loti omusaadha omutuufu, eyali yeesiniirwa empisa edh'obudankaanu edh'abantu ababi.

2 Petero 3:7

Era olw'ekibono kyene ekyo, eigulu n'ensi ebirigho buti Katonda abikuuma nga bya kwokebwa muliro. Abikuuma okutuusa ku lunaku olw'okusalirwaku omusango n'okuzikiriza abo abatatya Katonda.

1 Yoanne 2:22

Naani omuguya, okutoolaku oyo akoba ati Yesu ti ni Kurisito? Omuzigu wa Kurisito n'oyo ataikiriza Lata ni Mwana.

Yuda 1:15

okusalira abantu boonaboona omusango gubasinge olw'ebikolwa byaibwe byonabyona eby'obutatya Katonda, n'olw'ebibono eby'obukambwe byonabyona abatatya Katonda bye baamwogeraku.”

Yuda 1:18

Baabakobera bati: “Mu biseera eby'enkomerero ghalibaagho abantu abatatya Katonda, abajiira ku kwegomba okw'emibiri gyaibwe, abalibaleetera okufuuka enseko dh'abalamu.”

Okwolekebwa 15:4

Musengwa, naani atalitya liina lyo oba okulisaaka? Iwe wenka n'iwe omutukuvu. Abantu ab'amaghanga goonagoona baliidha baasinza mu maiso go, kuba ebikolwa byo eby'obutuufu bibonebwa abantu boonaboona.”