Yuda 1:3 - Baibuli Ekibono kya Katonda 2014

³ Bakagwa, mbairenga nhenda inho okubaghandiikira ku kulokolebwa kwaife kwe tugabanaku, aye nkyagaine nga kigwaine okubaghandiikira mbakubirize okulwanirira endhikiriza Katonda ye yagha abatuukirivu omukuzi omulala guti nga gumala.

Yuda 1:3 Iomraidhean Croise

Nehemia 13:25

Naavumirira inho abasaadha abo, era naabakolimira. Ate abandi naabakuba, era naabakuunhuula n'enviiri. Naabalayiza mu liina lya Katonda nti: “Mutafumbirwagananga nabo, nga mughaayo baghala baimwe okubayira batabane baibwe, oba okutoola baghala baibwe okubayira batabane baimwe, oba okubayira imwe beene.”

Isaia 45:17

Aye Musengwa Katonda buliidho aidha kulokolanga Isiraeli. Imwe Abaisiraeli ensoni tidhiribagema waire okuswazibwaswazibwa ebyanda n'ebyanda.’ ”

Isaia 45:22

Imwe abantu b'ensi yoonayoona okuva y'eva okutuuka y'ekanga, mukyuke mwire ye ndi mbalokole, kuba ninze Katonda zenka, ezirayo wundi.

Yeremia 9:3

Olulimi lwe bakozesa ti lutereevu naire, lwidhwire buguya bwereere. Ensi yaibwe mu kifo ky'okubaamu amazima, eidhwire bukupankupania. Musengwa Katonda akoba ati: “Abantu bange beeyongera bwa kukola bibi, era nze tibandidhi naire.”

Ebikolwa by'Abatume 17:3

Yainhonholanga era yaalaga nga Kurisito bwe yali ateekwa okudaazibwadaazibwa era n'okuzuukira. Era yaabakoba ati: “Yesu ono ye mbakobera, ni Kurisito.”

Ebikolwa by'Abatume 18:28

Kuba yatakananga inho n'Abayudaaya era yaabasingiranga mu maiso g'abantu, ng'akozesa Ebyaghandiikibwa okukakasa ati Yesu, ni Kurisito.

Ebikolwa by'Abatume 20:27

Ghazira kye nabagisa, nabakobera Katonda by'abendeza.

Ebikolwa by'Abatume 28:28

“Kale mukimanhe ng'obulokozi bwa Katonda buno bugheerezeibwa mu b'amaghanga agandi. Abo baliwulirisa.” [

Ebikolwa by'Abatume 4:12

Okulokolebwa kufunirwa mu oyo yenka, ghazira wundi asobola kulokolerwamu, kuba naire mu maina agagheebwa abantu ghansi gh'eigulu, ghazira lye tusobola kulokolerwamu.”

Ebikolwa by'Abatume 6:7

Ekibono kya Katonda kyayongera okusansaana, abeegeresebwa beeyongera obungi mu Yerusalemu, ni bakabona kamaala baikiriza.

Ebikolwa by'Abatume 9:13

Anania yairamu ati: “Musengwa, nawulira abantu kamaala nga boogera ku musaadha oyo ebibi kamaala bye yakola abantu bo ab'e Yerusalemu,

Ebikolwa by'Abatume 9:22

Aye Saulo yeeyongera bweyongere okuba n'amaani mu kwegeresa kwe. Yaasirisa Abayudaaya abaali mu Damasiko ng'akakasa ati Yesu ni Kurisito.

1 Ab'e Korintho 15:3

Nabagha ekibono ekisinga bukulu, zeena kye nagheebwa, ekikoba kiti Kurisito yafa olw'ebibi byaife nga bwekiri mu Byaghandiikibwa.

Ab'e Galatia 2:5

Aye olw'okukuuma obutuufu obw'Amawulire Amalungi ku lwaimwe ti twaganha kye baali bakoba naire.

Ab'e Galatia 3:28

Mperaano ghazira ati ono Muyudaaya ate ole Mugureki, ono mwiru ate ole yeetaaya, oba ati ono musaadha ate ole mukazi kuba mwenamwena mwafuuka muntu mulala mu Kurisito Yesu.

Ab'e Galatia 6:11

Mubone obunene obw'enukuta dhe mpandiise n'omukono gwange mwene!

Ab'Efeso 1:1

Ninze Paulo omutume wa Kurisito Yesu eyafuuka omutume olw'okwenda kwa Katonda. Mpandiikira abatuukirivu boonaboona abali mu Efeso, abaikiriza mu Kurisito Yesu.

Amateeka Agokubiri 21:9

Kale ni bwe munaakolanga ebyo Musengwa Katonda by'abona nga bituufu, munaabanga nga mwetoireku ekibi eky'okwita abantu abaziraku musango.”

Amateeka Agokubiri 9:10

Agho Musengwa Katonda yampa ebibaadho ebibiri eby'amabaale, mwene bye yaghandiikaku n'omukono gwe ebibono byonabyona bye yayogera n'imwe ng'ali mu muliro ghagati, ku lunaku lwe mwesololezaaku eyo ku lusozi.

Ab'e Filippi 1:1

Ninze Paulo ni Timotheo abagheereza ba Kurisito Yesu. Tughandiikiire abatuukirivu boonaboona abaisa ekirala mu Kurisito Yesu abali e Filippi, n'abalabirizi n'abagheereza.

Ab'e Filippi 1:27

Ekikulu kiri nti mu bulamu bwaimwe mwebise nga bwe kigwaniire ababunia Amawulire Amalungi aga Kurisito. Agho ni oba ndidha okubabona oba tiidha, mbe nga mpulira nti mwekalangwire, muli muntu mulala, era nga kye munuyirira kiri kirala okulwanirira okwikiriza Amawulire Amalungi

Ab'e Kolosai 1:2

Mpandiikira abatuukirivu n'aboluganda abeesigwa mu Kurisito ab'e Kolosai. Enkabi n'emiraala ebya Katonda Iseife bibe n'imwe.

1 Ab'e Thessalonika 2:2

Waire twali tumaze okudaazibwadaazibwa era n'okuswazibwaswazibwa bwe twali e Filippi, nga bwe mwidhi, twaguma ku lwa Katonda waife twabakobera Amawulire ge Amalungi mu kutakanizibwa okunene.

1 Timotheo 1:18

Mwana wange Timotheo, bye nkulagira bijiira ku bibono eby'abalanzi bye baakwogeraku eira. Idhukiranga ebibono ebyo, memale oghange okulwana obukalamu,

1 Timotheo 6:12

Lwana bukalamu olutalo olw'okwikiriza, ogheebwe obulamu obutawaagho, Katonda bwe yakwetera, lwe weeyatulira obukalamu mu maiso ag'abadhulizi abangi.

2 Timotheo 1:13

Ojiiranga ku bibono byange ebituufu nga bwe wampuliranga nga mbyogera. Kino kikolenga ng'oli mu kwikiriza ni mu kugonza ebiri mu kuba ekirala mu Kurisito Yesu.

Tito 1:4

Mpandiikira Tito omwana wange mwenemwene bwe twikiriza obulala. Katonda lata ni Kurisito Yesu Omulokozi waife akughe enkabi n'emiraala.

Abaheburayi 13:22

Aboluganda, mbeeghemba muguminkirize ebibono byange ebyo eby'okubalamba, kuba mbaghandiikiire mu bumpi.

Abaheburayi 6:9

Bakagwa, aye ni bwe twogera tutyo, imwe tubeesiga, era twidhi nga muli n'enkabi inho okutuuka ku kulokolebwa.

1 Petero 5:12

Mbaghandiikiire embaluwa eno enhimpi nga nhambibwaku Siluvano, nze ye mbona nga Mukurisito munange omwesigwa. Ndi kubakubiriza era naabakakasa nti kino kye mpandiise n'ekisa kya Katonda kyenekyene, era mutakivangamu.

2 Petero 1:1

Ninze Simoni Petero omugheereza era omutume wa Yesu Kurisito. Mpandiikira abo abaafuna okwikiriza okuli ng'oti n'okwaife, olw'obutuufu bwa Katonda waife era Omulokozi waife Yesu Kurisito.

2 Petero 2:21

Ekyandiwuze n'abantu abo okuba nga tibamanhangaku ngira ya butuufu, mu kifo eky'okugimanha memale kabiri ni bakyuka ni bava ku biragiro ebitukuvu ebyabagheebwa.

Yuda 1:1

Ninze Yuda omugheereza wa Yesu Kurisito era muganda wa Yakobo. Mpandiikira abo abaayetebwa abagonzi ba Katonda Lata, era abakuumibwa Yesu Kurisito.

Yuda 1:17

Bakagwa, muteerabiranga Abatume ba Musengwa waife Yesu Kurisito, bye baabakobera eira.

Yuda 1:20

Aye imwe bakagwa, okwikiriza kwaimwe okutukuvu n'okube kube omusingi kwe mwezimbira. Musabirenga mu maani ga Mwoyo Mutukuvu,

Okwolekebwa 12:11

Abo baamughangula n'omusaayi ogw'Entaama Ento n'olwamazima ge badhulira, obulamu bwaibwe baaloba kubufaaku waire okutya okufa.

Okwolekebwa 2:10

Otatya ebyo ebizibu ebiri okumpi okukutuukaku. Bona, Sitaani aidha kusuula abandi ku imwe mu ikomera okubaleba, era mulidaagadaaga okumala enaku ikumi. Weekalangulire mu kwikiriza okutuusa okufa, ndikugha obulamu ng'ekirabo eky'obughanguzi.