Yuda 1:25 - Baibuli Ekibono kya Katonda 2014

²⁵ Katonda omulala ati Omulokozi waife ng'abita mu Yesu Kurisito Musengwa waife, agheebwe ekitiisa, obufuzi, amaani n'obuyinza okuva ku ntoolo, na buti, n'okutuusa ebyanda n'ebyanda. Amiina.

Yuda 1:25 Iomraidhean Croise

1 Ebyomubyanda 29:11

Wo Musengwa Katonda, niiwe omukologho, ow'obuyinza, ow'ekitiisa, omughanguzi era omufuzi kuba byonabyona ebiri mu igulu n'ebiri mu nsi, bibyo iwe Musengwa Katonda. Niiwe kyabazinga ali ghaigulu gh'ebintu byonabyona.

Zabbuli 104:24

Wo Musengwa Katonda, nga wakola ebintu nga bya nsambo kamaala! Ate waabikola mu magezi amangi oti ki! Ensi eidhwire ebitonde byo.

Zabbuli 147:5

Musengwa Katonda waife mukologho era wa buyinza, ali n'amagezi agatawaayo.

Zabbuli 78:20

Kituufu yakuba olubaale mwavaamu amaadhi gaatiiriika, n'emiiga gyakuuluula, gyabanda n'okubanda aye asobola okutufunira emere, oba okutufunira emamba ife abantu be?”

Isaia 12:2

Bona, Musengwa Katonda n'omulokozi wange; ndidha kumwesiganga nga ghazira kye ntya. Musengwa Katonda oyo n'amaani gange, oyo n'olwembo lwange, era n'omulokozi wange.

Isaia 45:21

Muleete empoza yaimwe mugyandhuleyo, n'abo ababawolezaagho beebuuzaganie buli muntu ku mwine. Naani eyalanga eira einho ebyo ebyali biri n'okubaagho? Ti ninze Musengwa Katonda? Kale ni ezirayo kyetebwa katonda okutoolaku nze, Katonda Omutukuvu era Omulokozi. Bwenebwene ezirayo wundi okutoolaku nze.

Danieli 4:37

“Era mperaano, nze Nebukadinezzari nsaaka Katonda ow'eigulu, naamugulumiza era naamutaamu ekitiisa kuba by'akola byonabyona bituufu era tasaliriza nsonga. Abo abeetwala okuba aba ghaigulu abaisa.”

Matayo 6:13

Totutwala mu kulebwa, aye tulokole mu bubi.’

Luka 1:47

Omwoyo gwange gusangaaliire mu Katonda omununuzi wange.

Yoanne 4:22

Imwe musinza kye mutaidhi aye ife tusinza kye twidhi, kuba obulokozi buva mu Buyudaaya.

Yoanne 5:44

Memale katyo mughanga mutya okwikiriza, imwe abagonza okusaakagana ni mutanoonia kusaakibwa oyo Katonda yenka?

Ab'e Roma 11:33

Bwenebwene ekisa kya Katonda n'amagezi ge, n'okumanha kwe, nga tibikoma! By'asalagho tibirowoozeka! Enkola ye nga temanhikana!

Ab'e Roma 11:36

Kuba byonabyona n'eyabitonda, n'abibeesaagho, era bibaagho ku lulwe. Agheebwe ekitiisa ebyanda n'ebyanda. Amiina.

Ab'e Roma 16:27

Kale Katonda oyo omulala yenka, ate omugezi, agheebwenga ekitiisa mu Yesu Kurisito ebyanda n'ebyanda. Amiina.

Ab'Efeso 1:8

kye yatugemerwa. Katonda mu magezi ge goonagoona ni mu kumanha kwe,

Ab'Efeso 3:10

Mperaano ng'abita mu Kikunsu ky'Abaikiriza mu Kurisito, Katonda ayenda amanhise abafuzi n'ab'obukumu abali mu igulu amagezi ge agatakoma.

Ab'Efeso 3:21

agheebwe ekitiisa mu Kikunsu ky'Abaikiriza mu Kurisito, ni mu Kurisito Yesu, ni mu nse dhoonadhoona, ebyanda n'ebyanda. Amiina.

1 Timotheo 1:17

Kyabazinga oyo atakoma, atafa era ataboneka, Katonda omulala yenka, asaakibwenga era agheebwenga ekitiisa ebyanda n'ebyanda. Amiina.

1 Timotheo 2:3

Ekyo kikalamu, ni Katonda Omulokozi waife akisiima

Tito 2:10

waire okubaibaku ebyaibwe. Aye boolekenga obwesigwa obw'amazima mu buli kintu, kino kireetere abantu okusiima ebyegeresebwa ku Katonda Omulokozi waife.

Tito 2:13

Era tube nga tuteegerera olunaku olw'enkabi lwe tusuubira, era nga tuteegerera okuboneka okw'ekitiisa kya Katonda waife omukologho era Omulokozi waife Yesu Kurisito.

Tito 3:4

Aye Katonda Omulokozi waife bwe yayoleka ekisa kye n'okugonza kwe kw'agonzaamu abantu,

Abaheburayi 13:8

Yesu Kurisito nga bwe yali olwaidho, bw'ali n'olwaleero, era bw'aliba ebyanda n'ebyanda.

1 Petero 4:11

Oyo akobera abantu ekibono kya Katonda, akobere irala ekibono ekyo Katonda ky'amugha; oyo agheereza, agheerezenga n'amaani Katonda g'amugha. Olwo Katonda agheebwe ekitiisa mu byonabyona ku lwa Yesu Kurisito mwene kitiisa, n'obukumu, ebyanda n'ebyanda. Amiina.

2 Petero 1:1

Ninze Simoni Petero omugheereza era omutume wa Yesu Kurisito. Mpandiikira abo abaafuna okwikiriza okuli ng'oti n'okwaife, olw'obutuufu bwa Katonda waife era Omulokozi waife Yesu Kurisito.

2 Petero 3:18

Aye mukule mu kuyambibwa ni mu kumanha Musengwa waife era Omulokozi Yesu Kurisito. Oyo agheebwenga ekitiisa mperaano ni mu byanda ebiidha. Amiina.

Okwolekebwa 1:6

yaatufuula obwakyabazinga, era yaatufuula bakabona ba Katonda Ise. Agheebwenga ekitiisa n'obuyinza ebyanda n'ebyanda. Amiina.