Yuda 1:23 - Baibuli Ekibono kya Katonda 2014

²³ muwonieku abandi nga mubaghendula mu muliro. Abandi mu basaasire aye nga mubatya, nga mwesambira irala n'ebivaalo byaibwe ebyayonebwa ebikolwa byaibwe eby'omubiri.

Yuda 1:23 Iomraidhean Croise

Ensambo 7:8

Yali ali kutambulatambula mu nguudo, mu ikoona aghali endhu ey'omukazi, era ng'ali kuja ku ndhu eyo.

Isaia 64:6

Twenatwena twafuuka ng'oti n'abatali balongoofu, n'ebikolwa byaife byonabyona ebirungi, biri ng'oti n'ekivaalo ekikongeire eiko. Olw'ebibi byaife, twenatwena tuli ng'oti makaba maniavu, era empewo etufuuwa ere yaatutwalikiza irala.

Okulira 4:14

Abalanzi abo ni bakabona abo baatambulatambulanga eyo batyo mu nguudo edh'ekibuga ng'oti batulu, nga boonoonefu olw'omusaayi gw'abantu be baitanga, era ng'olw'ekyo ghazira muntu agema ku bivaalo byaibwe.

Abalevi 14:47

Era kiisi anaalambaalanga mu ndhu eyo, oba anaaliirangamu, anaayozanga ebivaalo bye.

Abalevi 15:17

Buli kintu kya lugoye oba kya luwu, amaadhi ag'obusaadha ago kwe ganaatoonhanga kinaabanga n'okwozebwa, aye era kyasigala nga tiikirongoofu okutuusa eigulo.

Amosi 4:11

“Era ninze eyazikiriza abandi ku imwe nga bwe nazikiriza ab'e Sodoma n'ab'e Gomorra. Imwe abaawonagho mwaba ng'oti n'oluti olutooleibwa mu muliro. Aye era mwaloba okwira ye ndi.

Ab'e Roma 11:14

Tomanha mu kukola ekyo bwe ngemya Bayudaaya banange nsaalwa ni ndokolaku abandi

1 Ab'e Korintho 15:33

Batabasubaghanga: “Emikwano emibi gyonoona empisa enkalamu.”

1 Ab'e Korintho 3:15

Aye omulimo gw'omuntu yeenayeena bwe gulyokebwa alifiirwa, waire mwene ng'aliwona aye era aliba oti n'atuumye mu muliro.

2 Ab'e Korintho 5:11

Nga bwe twidhi nga kituufu okutya Musengwa, abantu tugezaaku okubaghangula. Katonda atwidhi bukalamu era ndhuuba nga mu myoyo gyaimwe mwena mutwidhi bukalamu.

2 Ab'e Thessalonika 3:14

Ole bw'aloba okujiira ku kye tukobye mu mbaluwa eno, mumwekalirise bukalamu era mulobe kukolagana naye mu kintu kyonakyona, olwo aswale.

1 Timotheo 4:16

Weekuume mu nsambo ye weebisaamu, era ni mu by'oyegeresa, era weekalangulire ku ebyo, kuba bw'okola otyo, olyerokola iwe mwene, era n'abo abakuwulira.

2 Yoanne 1:11

Kuba oyo amulamusa aba aisania naye mu bibye by'akola.

Yuda 1:22

Mugumyenga abo abaikiriza n'emyoyo ebiri

Okwolekebwa 3:18

“Kale nkugha amagezi onguleku zaabu alongooseibwa mu muliro osobole okuba omukombe, onguleku ebivaalo ebyeru ovaale owone ensoni edh'okubita ekidu, era onguleku obulezi obw'okusiiga ku maiso go oghange okubona.

Okwolekebwa 3:4

Aye mu Sarudi olimu n'abandi abatonotono abatayonoonanga bivaalo byaibwe: balitambula ninze mu bivaalo ebyeru kuba bagwaine.