Yuda 1:12 - Baibuli Ekibono kya Katonda 2014

¹² Abantu bano bwe baba ku mbaga dhaimwe edh'okugonzania baswaza inho. Baidhirira kulya, na kunhwa, na kwefaaku bonka nga bazira na nsoni. Bali ng'oti bire ebitavaamu maadhi, ebija n'empewo. Bali ng'oti miti egitabaaku bibala mu kiseera eky'ekyengera. Bali ng'oti miti egyakuukulwagho n'emizi era ni gikalira irala.

Yuda 1:12 Iomraidhean Croise

2 Ebyomubyanda 7:20

olwo ndibinga Abaisiraeli mu nsi ye mbaghaire, era naalekulira agho eisinzizo lino lye ntukwiza okunsinzizangamu, naalifuula eky'okwogeraku era enseko dh'abalamu mu maghanga goonagoona.

Yobu 8:17

Emizi gyabyo gikunkuna mu mmungo y'amabaale, era gyerangira ku buli ibaale.

Zabbuli 1:3

Ali ng'oti n'omuti ogwasimbibwa ku mwiga, ogwama ebibala mu biseera byagwo, era oguli n'amakaba agataniala. Ghazira ky'akola ni kimufiiririra.

Zabbuli 37:2

kuba amangu n'embiro baja kuwaagho ng'oti isubi, baniale ng'oti n'ebimera.

Ensambo 25:14

Omuntu asuubiza ekirabo aye n'atakigha, ali ng'oti bire na mpewo ebitavaamu maadhi ni gagwa.

Ezekieli 17:9

“Kale nze Musengwa Katonda mbuuza nti: Omuzabbibu ogwo gulibaagho era gwakula? Enkookooma eyagusimba terigwiwululagho n'emizi gyagwo, n'egutemaku na nsaga dhaagwo, n'amakaba gaagwo amabisi ni ganiala? Tikiryetaagisa maani mangi, waire abantu kamaala okugwiwululagho n'emizi gyagwo.

Ezekieli 34:10

Nze Musengwa Katonda ndi kubakoba imwe abaayi, nti buti nfuuse muzigu waimwe. Ndibavunaana olw'entaama dhange, naabalekeza okuba abaayi baadho, n'imwe beene mwena naabalekeza okweigusanga beene mwenka. Ndibatoolaku entaama dhange, mulobe kudhifuulanga kya kulya kyaimwe nga mudhikankamira.”

Ezekieli 34:18

Abandi ku imwe okulya eisubi eirungi tikubamala, mutaaku n'okutyankirira n'ebigere eryo lye mutaliire. Era bwe mumala okunhwa amaadhi amalaavu, mutaabuula n'ebigere ago agasigairegho.

Ezekieli 34:2

“Iwe omuntu, langirira akabi akali kwidhira abakulembeze b'omu Isiraeli. Langa obakobere nze Musengwa Katonda bye ndi kubakoba nti: Mukagwireku imwe abakulembeze b'omu Isiraeli. Muligho kweigusa beene nga timulabirira ntaama dhe mwaya.

Ezekieli 34:8

Era nze Musengwa Katonda ndayira nti nga bwendi omulamu, mugwaine mute omwoyo ku bye ndi kubakoba. Entaama dhange dhaafuuka muyiigo era mere ya nsolo dha mu nsiko, olw'okubula omwayi. Abaayi be nadhitaaku baaloba okudhinoonia, aye baira bwa mu kweigusa beene nga tibadhirabirira naire.

Hosea 6:4

Aye Musengwa Katonda akoba ati: Imwe Isiraeli ni Buyudaaya, mbakolere ki? Engeri ye mungonzaamu ya kiweeragho, ng'oti lufu lwa ku nkyo bwe luwaagho amangu, era ng'oti musulo bwegukala amangu.

Abalevi 14:43

“Agho endwaire bw'enairangamu okusisiitula endhu eyo ng'ebifo bire bimaze okutoolebwamu era nga n'ebimante bikalakatiibwa era byakubwaku seminti,

Matayo 13:6

Aye endhuba olwavaayo, ng'edho edhaali dhimeze dhiniala, era olw'obutaba na mizi nga dhikala.

Matayo 15:13

Yesu yaabakoba ati: “Buli kisimbe ekitasimbwa Lata wange ow'omu igulu kiriighibwagho.

Mariko 4:6

tidhaaba na mizi, era endhuba olwavaayo ng'obusimbe buniala, nga bukala.

Luka 12:45

Aye omugheereza oyo bw'akoba mu mwoyo gwe ati, ‘Musengwa aidha kulwagho okutuuka,’ n'atoolera okukubakuba abairu abasaadha n'abakazi, n'alya era n'anhwa n'okutamiira n'atamiira,

Luka 16:19

“Ghaaligho omusaadha omukombe eyavaalanga ebivaalo bya nakasooma nga byakolebwa mu ngoye mpegheevu, era nga buli lunaku yabanga oti ali ku mbaga.

Luka 21:34

“Mwekuume, ti kulwa nga mwemalira bwa mu binhumo, kutamiira na kweraliikirira bya bulamu buno, olunaku lule lwabagwaku nga timwidhi.

Luka 8:6

Eyindi yaagwa ku lubaale yaamera, aye yaavuuluka kuba tiyali na maadhi.

Ab'Efeso 4:14

Era tube nga titukaali baana bato abayuuzibwayuuzibwa era abatwalibwa kiisi mpewo ey'endhegeresa y'abantu abaguya, abakiidhamya abandi n'obuguya bwaibwe.

Ab'e Filippi 3:19

Ekirisembayo eky'abantu abo kuliba kuzikirira, kuba katonda ye basinza, n'enda dhaibwe. Beesaaka olw'ebyo ebyandibaswaziiza era balowooza bya ku nsi kuno byonka.

1 Timotheo 5:6

Aye namwandu oyo ajiira ku by'amasanhu aba mufu, waire aba ng'akaatambula.

Abaheburayi 13:9

Okwegeresa okundi kwonakwona kwe babaleetera kutabadaalimyanga. Kuba ekikulu n'ekisa kya Katonda okutugumya omwoyo, okusinga akujiira ku mateeka ag'eby'okulya agataganhulangaku abo abagajiiraku.

Yakobo 5:5

Ku nsi kuno mubaire mu bulamu obw'okudiibuula n'okwesanhusa. Mugeedheire olunaku lule olw'okwitibwa.