Yoshua 9:9 - Baibuli Ekibono kya Katonda 2014

⁹ Agho baamukoba bati: “Tuva ghala inho aye olw'okuba twawulira ku bintu Musengwa Katonda waimwe by'akola, kye tuviire ni twidha.

Yoshua 9:9 Iomraidhean Croise

1 Bakyabazinga 8:41

“Omusenze ataba mu bantu bo Abaisiraeli, bw'anaavanga mu nsi ey'eghala ng'awuliire nga bw'oli omukologho,

Nehemia 9:5

Agho Abalevi bano: Yeshua, Kadimieli, Bani, Hashabuneia, Hodia, Shebania, ni Pethahia, baakoba abantu bati: “Mwemerere musaake Musengwa Katonda waimwe; mumusaakenga ebyanda n'ebyanda. Eriina lye ery'ekitiisa lisaakibwenga, eriswikiriire okusaaka okw'abantu kwonakwona.”

Zabbuli 148:13

Boonaboona ka basaake eriina lya Musengwa Katonda, kuba eriina lye n'erisinga agandi goonagoona obukologho; ekitiisa kye kiri ghaigulu okusinga ensi n'eigulu.

Zabbuli 72:19

Eriina lye ery'ekitiisa lisaakibwenga ebyanda n'ebyanda. Ekitiisa kye kiidhule ensi yoonayoona! Amiina era Amiina.

Zabbuli 78:12

Katonda yakola ebyewuunhio nga badhaadha baibwe babona bati bye yakolera eyo mu biketezo eby'e Zoani mu nsi Misiri.

Zabbuli 83:18

Ka bamanhe nga iwe wenka niiwe Musengwa Katonda, era nga niiwe oyo Ali Ghaigulu Yeene asinga ebintu byonabyona eby'oku nsi.

Okuvaayo 15:14

Amaghanga gaabiwulira gaadhugumira olw'okutya. Abantu ab'omu Filisitia baalumwa emyoyo olw'okweraliikirira.

Okuvaayo 9:16

Aye ekyakulesaagho ng'oli mulamu lwa kwenda nkwoleke amaani gange, eriina lyange lisaakibwe mu nsi yoonayoona.

Isaia 55:5

Ekiseera kirituuka mwayeta amaghanga ge mutaidhiiku naire, gaalumuka gaidha ye muli waire nga goona imwe tigabaidhi. Nze Musengwa Katonda waimwe, Omutukuvu wa Isiraeli, ninze ndireetera ekyo okubaagho, olw'okubagheesa imwe ekitiisa.”

Isaia 66:19

era naakola akamanhiso nga babona. Abo abaliwonagho ku abo, ndibatuma mu maghanga ni mu biketezo eby'oku nhandha eby'eghala ye batampulirangaku, waire okubona ku kitiisa kyange. Balija baalangirira ekitiisa kyange mu maghanga: e Tarushishi, e Puti, e Ludi eri abakugu mu kulasa obusaale, e Tubali, n'e Yavani.

Okubala 14:15

Kale bw'onaita abantu bano boonaboona n'obamalagho, amaghanga agaakuwuliraku eby'amaani bye wakoba, galikoba gati,

Okubala 20:14

Musa ng'ali e Kadeshi, yaagheereza kyabazinga owa Edomu abakwenda okumukoba bati: “Baganda bo Abaisiraeli bali kukukoba bati, oidhi bukalamu ebizibu ebyatutuukaku.

Ebikolwa by'Abatume 8:7

Kuba emizimu emibi gyava ku bantu kamaala nga gyasiikanira ghaigulu, era abagongobavu n'abalema kamaala baawonezebwa.

Amateeka Agokubiri 20:11

Bwe banaabairangamu bati baikiriiza okweghaayo era ni babaigulirangagho emiryango gy'ekibuga kyaibwe, olwo abantu boonaboona abakirimu munaabafuulanga bairu baimwe, baabakoleranga emirimo egy'olukako.

Amateeka Agokubiri 20:15

Mutyo bwe munaakolanga n'ebibuga ebindi byonabyona ebibali eghala einho, ebitali mu nsi ye mujanga kubaamu.

Yoshua 9:10

Twawulira bye yakola bakyabazinga ababiri Abamori abaali e buvandhuba ewa Yorudani: Sihoni eyali kyabazinga wa Heshiboni, ni Ogi eyali kyabazinga wa Bashani eyabanga mu kibuga Ashitarothi.

Yoshua 9:16

Bwe ghaabitagho enaku eisatu nga bamaze okukola endagaano, Abaisiraeli baakizuula ng'abantu abo baliraanwa baibwe era nga baba nabo ghalala.

Yoshua 9:17

Agho Abaisiraeli baatoolera okutambula, era ku lunaku olwokusatu baatuuka mu bibuga eby'abantu abo era ni bino: Gibeoni, Kyefira, Beerothi, ni Kiriathi Yearimu.

Yoshua 9:24

Baamwiramu bati: “Ekyatukoza ekyo lwa kuba ife abagheereza bo twawulira aghazira kubuusabuusa, nga Musengwa Katonda waimwe yalagira omugheereza we Musa, okubagha ekiketezo kino kyonakyona, era n'okuzikiriza abantu baamu boonaboona kiisi ye munaabanga muja. Kale twatya inho nga mwidha kutwita.