Yoshua 9:3 - Baibuli Ekibono kya Katonda 2014

³ Aye abantu ab'e Gibeoni, nga Bahivi, baawulira Yoshua kye yakola Yeriko ni Ayi.

Yoshua 9:3 Iomraidhean Croise

2 Samueli 2:12

Agho Abuneri mutabane wa Neri n'abagheereza ba Ishiboshethi mutabane wa Saulo, baava e Mahanaimu, baaja e Gibeoni.

1 Ebyomubyanda 12:4

Ishimaia ow'e Gibeoni, omulwani ow'amaani mu bale amakumi asatu era omulala ku bakulembeze baibwe. Yeremia, ni Yahazieli, ni Yohanani, ni Yozabadi ow'e Gedera,

2 Ebyomubyanda 1:3

Abantu abo boonaboona abeesoloza, yaaja nabo mu kifo ekigulumivu eky'okusinzizaamu ekyali e Gibeoni kuba mu kifo ekyo n'omwali Weema ey'Okwagaananirangamu ni Musengwa Katonda, Musa omugheereza wa Musengwa Katonda oyo gye yakolera mu irungu.

Yeremia 28:1

Mu mwaka gwene ogwo, mu mwezi ogwokutaanu nga Zedekia ni kyabazinga wa Buyudaaya, Hanania mutabane wa Azzuri nga yali mulanzi eyava mu kibuga Gibeoni, yaayogera ninze nga tuli mu isinzizo, nga ghaligho ni bakabona, n'abantu abandi boonaboona. Yankoba ati,

Yoshua 10:1

Agho Adonizedeki eyali kyabazinga wa Yerusalemu yaawulira nga Yoshua yagema ekibuga Ayi, yaakizikiriza kyonakyona ni kyabazinga waamu. Era yaawulira nga yakola Yeriko ni kyabazinga waamu ekintu n'ekirala ekyo. Era yaayongera okuwulira ng'abantu ab'e Gibeoni baakola endagaano n'Abaisiraeli, era nga baba nabo ghalala. Bwe yawulira ebintu ebyo yaatya inho ebitaloodheka.

Yoshua 10:2

Kuba Gibeoni kyali kibuga kinene ng'ebibuga ebinene bwe byali, ebyalingamu bakyabazinga. Kyali kinene okusinga Ayi, era n'abasaadha baamu baali baidhi inho okulwana entalo.

Yoshua 10:28

Era ku lunaku olwo, Yoshua yaagema ekibuga Makkeda, yaita kyabazinga waamu, n'abantu abaalimu boonaboona yaabazikiriza. Kye yakola kyabazinga ow'e Yeriko ni kyene ekyo kye yakola kyabazinga ow'e Makkeda.

Yoshua 10:30

Kino kyona Musengwa Katonda yaakibata mu ngalo baakighangula. Baita kyabazinga waamu, n'abantu boonaboona baabazikiriza. Kye yakola kyabazinga ow'e Yeriko ni kyene ekyo kye yakola kyabazinga ow'e Libuna.

Yoshua 11:19

Ebibuga byonabyona byanhagibwanga nga bimaze kughangulwa mu lutalo, okutoolaku Abahivi ab'e Gibeoni abaakola endagaano n'Abaisiraeli.

Yoshua 18:25

Ghaabaagho ekiketezo ekindi kye baabagha ekyalimu ebibuga bino: Gibeoni, Rama, Beerothi,

Yoshua 21:17

Okuva ku kiketezo kya Benjamini baabaghaaku ebibuga bina, nga ni bino: Gibeoni, Geba,

Yoshua 9:17

Agho Abaisiraeli baatoolera okutambula, era ku lunaku olwokusatu baatuuka mu bibuga eby'abantu abo era ni bino: Gibeoni, Kyefira, Beerothi, ni Kiriathi Yearimu.

Yoshua 9:22

Yoshua yaayetesa abantu ab'e Gibeoni yaabakoba ati: “Lwaki mwatuguya muti muva ghala inho ate nga muli ba ghano, mu ife mwene?

Yoshua 9:4

Kale beene baasalagho okumuguya. Baafunayo emere baagita mu ndyanga enkaire einho, baagitwika endogoyi dhaibwe ghalala n'ensawo enkaire edh'amawu edh'omwenge ogw'emizabbibu dhe baagheraghera ni dhiidula ebighero.