Yoshua 8:8 - Baibuli Ekibono kya Katonda 2014

⁸ Bwe mumala okukigema mukikunaanieku omuliro, nga Musengwa Katonda bwe yalagira. Mugeme ebiragiro ebyo obutabivaaku.”

Yoshua 8:8 Iomraidhean Croise

2 Samueli 13:28

Agho Abusalomu yaalagira abagheereza be ati: “Mugenderere Amunoni gh'anaabeera ng'atamiire omwenge, nze ndidha kubalagira nti, ‘Mumufumite’, ng'olwo mumwita. Mutatya, kuba ninze naaba mbalagiire. Mugume emyoyo, mutabaamu ntete naire.”

Amateeka Agokubiri 20:16

“Aye bwe munaaghambanga ebibuga ebibiri mu nsi Musengwa Katonda waimwe y'ali kubagha, mutalekangagho kiramu waire ekirala nga kikaagheera.

Yoshua 1:16

Baamwiramu bati: “Twidha kukolanga byonabyona by'otukobye, era twidha kujanga woonawoona gh'onaatukobanga okuja.

Yoshua 1:9

Oteerabira kye nkulagiire nti: Banga mumalirivu era atatya, otatiribiranga oba okuwaamu amaani, kuba Nze Musengwa Katonda wo ndidha kubanga n'iwe buli gh'oja.”

Yoshua 6:24

Bwe baamala okubatoola mu kibuga, baakikumaku omuliro kyaya kyonakyona n'ebyakirimu byonabyona okutoolaku feeza, ni zaabu, n'ebintu ebyakolebwa mu kikomo, ni mu kyuma ekigumu einho, ebyateebwa mu biterekerwa Musengwa Katonda.

Yoshua 8:13

Kale batyo abasaadha be abalwani bwe baategekebwa ekikunsu ekisinga bunene kyaba ku luuyi olw'omukono omugooda olw'e buvandhuba ow'ekibuga ekyo Ayi, abandi baaba e bugwandhuba wa kyo. Yoshua mwene obwire obwo yasula mu kiiko.

Yoshua 8:2

Kye mwakola Yeriko ni kyabazinga waakyo, kye mube mukole ekibuga Ayi ni kyabazinga waakyo. Aye ku luno musobola okutwala kye munaaba munhaze, ng'ebintu n'ensolo. Mubazinduukirize mubagweku nga mubava inhuma.”

Yoshua 8:22

Bale abaagema ekibuga boona bwe baamala, baidha okulumba ab'e Ayi. Kale ab'e Ayi baaba nga bali ghagati gh'ebikunsu byombi eby'Abaisiraeli. Abaisiraeli baita ab'e Ayi ghaabula asigala nga mulamu oba abalumukaku

Yoshua 8:28

Kale Yoshua yaayokya ekibuga Ayi, yaakireka nga kiri byanhe byereere nga bwekiri ni ye buli eno.

Yoshua 8:7

Ng'olwo musituka okuva ghe munaaba mubwaime, nga mugema ekibuga ekyo kuba Musengwa Katonda waimwe aidha kukibata mu ngalo.

Yoshua 8:9

Kale Yoshua yaabasindika, baaja baabwama nga ghazira ababona e bugwandhuba wa Ayi okwolekera Betheli. Beeteega agho obwire obwo, aye Yoshua obwire obwo yaabumala mu bantu abaasigala.

Abalamuzi 4:6

Agho yaatumisa Baraki mutabane wa Abinoamu ow'omu kibuga Kadeshi eky'e Nafutali. Yaamukoba ati: “Musengwa Katonda, Katonda wa Isiraeli, akulagiire ati, ‘Twala abasaadha omutwalo mulala ku b'ekika kya Nafutali n'ekya Zebuluni, mwesolokeze ku lusozi Tabori.