Yoshua 8:2 - Baibuli Ekibono kya Katonda 2014

² Kye mwakola Yeriko ni kyabazinga waakyo, kye mube mukole ekibuga Ayi ni kyabazinga waakyo. Aye ku luno musobola okutwala kye munaaba munhaze, ng'ebintu n'ensolo. Mubazinduukirize mubagweku nga mubava inhuma.”

Yoshua 8:2 Iomraidhean Croise

2 Ebyomubyanda 13:13

Mu kiseera ekyo, Yeroboamu yali amaze okusindika abandi ku balwani be, beeteege eigye lya Buyudaaya, balizinduukirize nga baliva einhuma. Ate abalwani abandi nga ba kulirumba nga baliva emberi.

2 Ebyomubyanda 20:22

Bwe baatoolera okwemba n'okusaaka, Musengwa Katonda yaazinduukiriza Abammoni, n'Abamoabu, n'abantu ab'oku lusozi Seiri, abaali balumbye Buyudaaya eigye lyaibwe lyagumbulukuka.

Zabbuli 39:6

Buli muntu ali ng'oti kinsense! Atawuka, yaazunga, aye nga byonabyona bya bwereere. Omuntu atakabana okufuna eby'obukombe, aye nga taidhi aja kubitwala.

Ensambo 13:22

Omuntu omulungi aba n'obukombe bw'alekeraku n'abaidhukulu, aye obukombe obw'aboonooni bugheebwa abatuufu.

Ensambo 28:20

Omuntu omwesigwa aidha kubanga n'enkabi kamaala, aye ole afuna obukombe obw'amangu aidha kubonerezebwanga.

Yeremia 17:11

Omuntu afuna eby'obukombe mu bukupankupania, aba ng'oti n'enhonhi egonera amagi g'etaabiika; kuba eby'obukombe ebyo bimuwaaku mangu ng'akaali na kukairigha, olwo ku nkomerero ya byonabyona yaasigala agho nga musiru.

Yeremia 51:12

Mughanike ebendera muje mulumbe ekimante ekyezungulwire ekibuga Babiloni. Mwongere ku baisirukale abali kukikuuma babe bangi. Muteegho abakuuma omusana n'abakuuma obwire, era muteegho n'abeeteeze okuzinduukiriza abazigu.” Musengwa Katonda atuukiriiza ekyo kye yeesoomera okukola abantu b'omu Babilonia.

Amateeka Agokubiri 2:35

Ebyayo byonka bye twatwalaku nga n'omunhago, aghalala n'ebintu bye twanhaga mu bibuga.

Amateeka Agokubiri 20:14

Aye munaatwalanga abakazi, n'abaana abato, n'ebyayo, na buli kintu ekinaabanga mu kibuga ekyo, ng'omunhago. Era munaakozesanga ebintu byonabyona bye munaatoolanga ku bazigu baimwe. Ebyo Musengwa Katonda waimwe anaabanga ng'abibaghaire.

Amateeka Agokubiri 3:2

Aye Musengwa Katonda yankoba ati, ‘Otamutya, kuba ndidha kumughaayo omughangule n'abantu be boonaboona, era onhage n'ensi ye yoonayoona. Oidha kumukola kye wakola kyabazinga w'Abamori, Sihoni, eyabanga mu Heshiboni.’

Yoshua 10:1

Agho Adonizedeki eyali kyabazinga wa Yerusalemu yaawulira nga Yoshua yagema ekibuga Ayi, yaakizikiriza kyonakyona ni kyabazinga waamu. Era yaawulira nga yakola Yeriko ni kyabazinga waamu ekintu n'ekirala ekyo. Era yaayongera okuwulira ng'abantu ab'e Gibeoni baakola endagaano n'Abaisiraeli, era nga baba nabo ghalala. Bwe yawulira ebintu ebyo yaatya inho ebitaloodheka.

Yoshua 10:28

Era ku lunaku olwo, Yoshua yaagema ekibuga Makkeda, yaita kyabazinga waamu, n'abantu abaalimu boonaboona yaabazikiriza. Kye yakola kyabazinga ow'e Yeriko ni kyene ekyo kye yakola kyabazinga ow'e Makkeda.

Yoshua 11:14

Ebintu byonabyona Abaisiraeli bye baanhaga mu bibuga ebyo era n'ebyayo, baabyetwalira, aye abantu boonaboona nga babaita aghazira kulekagho naire mulala nga mulamu.

Yoshua 6:21

Baatoolera okwita buli muntu ye baayagaanamu nga bakozesa empiima dhe baali nadho: abasaadha n'abakazi, abakulu n'abato. Era baita n'ente, n'entaama, n'endogoyi.

Yoshua 8:12

Yoshua yaalagira abasaadha ng'enkumi itaanu (5,000) baabwama e bugwandhuba ow'ekibuga Ayi ku luuyi lwakyo oluliku ekibuga Betheli.

Yoshua 8:14

Kyabazinga ow'e Ayi bwe yababona, mwene n'abasaadha be boonaboona baayangugha, baaja nga boolekeire ekiiko ekirimu Yorudani okulwana n'Abaisiraeli mu kifo kirala ekyo ng'omukuzi gule. Baali nga tibaidhi ng'eriyo abaja okubalumba nga babava e mugongo.

Yoshua 8:19

era olwagalula omukono n'eifumo eryamuli mu ngalo ati, abasaadha abaali babwaime nga beeteeze, baziinhuukayo, bangira mu kibuga baakigema. Era mu kiseera kyene ekyo baakikumaku omuliro.

Yoshua 8:24

Abaisiraeli bwe baamala okwita abasaadha ab'omu Ayi boonaboona, abaali bali kubabingirira eyo mu irungu, baaja baita abo boonaboona abaali basigaire mu kibuga.

Yoshua 8:3

Kale Yoshua yaategeka okuja e Ayi n'abasaadha be abalwani boonaboona. Yaalondaku abasaadha emitwalo esatu (30,000) abalwani einho, yaabalagira baje obwire,

Yoshua 8:7

Ng'olwo musituka okuva ghe munaaba mubwaime, nga mugema ekibuga ekyo kuba Musengwa Katonda waimwe aidha kukibata mu ngalo.

Yoshua 8:8

Bwe mumala okukigema mukikunaanieku omuliro, nga Musengwa Katonda bwe yalagira. Mugeme ebiragiro ebyo obutabivaaku.”

Yoshua 8:9

Kale Yoshua yaabasindika, baaja baabwama nga ghazira ababona e bugwandhuba wa Ayi okwolekera Betheli. Beeteega agho obwire obwo, aye Yoshua obwire obwo yaabumala mu bantu abaasigala.

Yoshua 9:3

Aye abantu ab'e Gibeoni, nga Bahivi, baawulira Yoshua kye yakola Yeriko ni Ayi.