Yoshua 7:7 - Baibuli Ekibono kya Katonda 2014

⁷ Yoshua yaasaba ati: “Wo Musengwa Katonda, iwe afuga abantu boonaboona, bwenebwene lwaki watusomosa Yorudani? Obwo bwene wayenda kutughaayo mu ngalo dh'Abamori batuzikirize? Ngoli twasigala ku luuyi kule okwa Yorudani tikyandisinze?

Yoshua 7:7 Iomraidhean Croise

2 Bakyabazinga 3:10

Kyabazinga wa Isiraeli yaakoba ati: “Tukagwireku! Musengwa Katonda atusoloiza ife bakyabazinga abasatu, atute mu ngalo dha Moabu.”

Zabbuli 116:11

Era nga ndi mu kutya naakoba nti: “Okwesiga omuntu kuba kumala biseera.”

Okuvaayo 16:3

“Nguli Musengwa Katonda yatwitira mu Misiri ye twatyamanga ku nsaka edh'emamba ni ku biiwulo eby'emere, ni tulya ni twiguta, ekyo n'ekyandisinzeeku imwe okutuleeta mu irungu lino twenatwena tulambukire muno endhala.”

Okuvaayo 17:3

Aye abantu olw'okuba baali ndiwo, nga bazira maadhi ga kunhwa, baaja mu maiso n'okwemuluguunhiza Musa nga baamukoba bati: “Lwaki watutoola e Misiri okutwisa endiwo, ife n'abaana baife, n'ensolo dhaife?”

Okubala 14:16

‘Musengwa Katonda yalemwa okutuusa abantu bano mu nsi ye yabalayirira okubagha, kyeyava n'abaitira mu irungu.’

Okubala 14:3

Lwaki Musengwa Katonda ali kututwala mu nsi eyo okufiira mu lutalo? Bakazi baife n'abaana baife baidha kufuuka munhago! Okwirayo e Misiri ti n'ekyandisinzeeku?”

Matayo 17:17

Yesu yaakoba ati: “Yii, oluse luno oluzira kwikiriza, era olw'abantu abadankaanu! Ndituusa gha okuba n'imwe? Ndituusa gha okubaguminkiriza? Mumundeetere ghano.”

Matayo 17:20

Yaabakoba ati: “Kuba muli n'okwikiriza kutono. Bwenebwene ka mbakobere: bwe muba n'okwikiriza okwaga akamuuma ka kaladaali, mulikoba olusozi luno muti, ‘Va ghano, ja ghale,’ lwaja, era ghazira kye mutalighanga kukola. [

Abaheburayi 12:5

Mwerabiire Katonda bw'abalamba ng'abaana be? Akoba ati: “Mwana wange tonhoomanga kukangaivula kwa Musengwa. Era towangamu maani bw'akubonerezanga.

Yoshua 7:6

Agho Yoshua n'abakulu ab'ebikunsu mu Isiraeli baayuza ebivaalo byaibwe, beeyala wa mberi gh'Esanduuku y'Endagaano ya Musengwa Katonda, era beeyugha enkungu mu mitwe, baaba agho okutuusa eigulo. Ebyo byonabyona baabikola olw'okunakughala.

Yoshua 7:8

Musengwa Katonda, Abaisiraeli bakyuse baalumuka abazigu, tiidhi na kya kwogera

Abalamuzi 20:23

Agho baaniinaniina okuja mu kifo ye basinziza, baalirira mu maiso ga Musengwa Katonda okutuusa eigulo. Baabuuza Musengwa Katonda bati: “Twiremu kabiri okulumba baganda baife Ababenjamini tubalwanise?” Musengwa Katonda yairamu ati: “Muje mubalwanise.”

1 Samueli 4:3

Abalwani Abaisiraeli abaawonagho bwe baira ghe baasimba weema dhaibwe, abakulu baibwe beebuuzagania bati: “Olwaleero lwaki Musengwa Katonda atughaireyo Abafilisiti ni batughangula obwaga agho? Ka tuje tuleete Esanduuku ey'Endagaano ya Musengwa Katonda okuva e Shilo, Musengwa Katonda aidhe abe ghalala n'ife, atuwonie abazigu baife.”