Yoshua 7:2 - Baibuli Ekibono kya Katonda 2014

² Yoshua ng'akaali e Yeriko yatuma abasaadha baje e Ayi, ekyali okumpi n'ekibuga Bethaveni e buvandhuba ow'e kibuga Betheli. Yaabakoba ati: “Muje mukeete ensi eyo.” Era abasaadha baaja baakeeta Ayi.

Yoshua 7:2 Iomraidhean Croise

Amainhama 12:8

Olwava agho, yaaja mu kiketezo eky'ensozi e buvandhuba w'e Betheli yaazimba eyo weema ye nga Betheli kimuli e bugwandhuba, ate Ayi kyamuba e buvandhuba. Yaazimbira agho Musengwa Katonda alutaari, era yaamusinza.

Amainhama 28:19

Yaatuuma ekifo ekyo eriina Betheli. Aye ng'ekibuga ky'eyo mu kusooka kyali kyetebwa Luzi.

1 Bakyabazinga 12:29

Agho yaata ekifaananie eky'ente ento ekindi mu Betheli, n'ekindi yaakita mu Dani.

Nehemia 11:31

Ab'ekika kya Benjamini nga baba mu kibuga Geba, n'okweyongerayo okutuuka e Mikamashi, Aiya, Betheli, ni mu byalo ebibyezungulwire.

Ensambo 20:18

Entegeka edh'omuntu dhituukirira lwa kugalagirwa. Kale sooka weebuuzenga ku magezi ng'okaali kutanula lutalo.

Ensambo 24:6

Kuba okulwana olutalo osooka kwebuuza ku magezi era aghali abawi ab'amagezi kamaala ghabaagho okughangula.

Isaia 10:28

Omuzigu atuuse mu kibuga Ayi, yaabitira mu Miguroni, era ebintu bye yaabitereka e Mikamashi.

Yeremia 49:3

Imwe abantu b'e Heshiboni, muvaale kutiya era muwowoole! Mulumukirerumukire eno n'ere olw'okusoberwa. Omusambwa gwaimwe Milikomu baja kugutwala mu bunhage, ghalala ni bakabona baagwo n'abakungu baagwo.

Hosea 4:15

Waire nga imwe Abaisiraeli timuli beesigwa ye ndi, Abayudaaya bagwananga baaloba kugwa mu nsobi eyo. Mutajanga kusinziza mu Giligali waire okusinziza mu Bethaveni. Era mutalayiranga muti, ‘Nga Musengwa Katonda bw'ali omulamu.’

Matayo 10:16

“Bona, ndi kubatuma, nga muli oti ntaama ghagati mu misege. Kale ni mube bakabwidhibwidhi ng'emisota, ng'ate muli bawolu ng'oti njiibwa.

Ab'Efeso 5:15

Kale mwegendereze bwe mwebisa mulobe kuba ng'abazira magezi aye mube ng'abagezi.

Yoshua 12:9

Abaisiraeli baaghangula bakyabazinga ab'ebibuga bino: Yeriko, Ayi ekiri okumpi ni Betheli,

Yoshua 18:12

Ensalosalo yaakyo ng'eva ku luuyi olw'omukono omugooda olwa Yorudani olw'e buvandhuba, yaaja yaatuuka ku lusozi Yeriko oluli ku luuyi lwene olwo, yaaniinaniina mu nsozi edhiri e bugwandhuba, yaakoma ku irungu ery'e Bethaveni.

Yoshua 2:1

Agho Yoshua yaatuma abantu babiri nga baviira agho e Shittimu ghe baali basimbye weema dhaibwe, baje babone mu nkweko ensi Kanaani bw'efaanana, n'okusingira irala ekibuga Yeriko, baire bamukobere. Bwe baatuuka mu kibuga, baaja okusula mu ndhu ya malaaya ye baayetanga Rahabu.

Yoshua 7:3

Bwe baira baakobera Yoshua bati: “Otadaaza bantu boonaboona kuja ere, kuba abantu abaliyo batono bati. Leka abantu ng'enkumi ibiri oba isatu n'ababe baje bakirumbe.”

1 Samueli 13:5

Agho Abafilisiti beesoloza okulwanisa Abaisiraeli. Baali n'ebigaali eby'omu lutalo emitwalo esatu (30,000), n'abalwani kakaaga (6,000) ab'oku mbalaasi, era n'abalwani abaali abangi ng'oti musenho oguba ku mbali kw'enhandha. Abalwani Abafilisiti abo, baaja baasimba weema dhaibwe e Mikamashi, ku luuyi olw'e bugwandhuba wa Bethaveni.

1 Samueli 14:23

Olutalo lwaja, lwatuuka e Bethaveni n'okubisaagho. Atyo Musengwa Katonda yaawonia Isiraeli ku lunaku olwo.

1 Samueli 30:27

Era yaagheerezaaku ab'e Betheli, n'ab'e Ramothi mu kiketezo kya Buyudaaya ekikalukalu ku luuyi olw'omukono omusaadha olw'e buvandhuba, n'ab'e Yattiri,