Yoshua 7:1 - Baibuli Ekibono kya Katonda 2014

¹ Musengwa Katonda yalagira Abaisiraeli okuzikiriza Yeriko n'ebikirimu byonabyona. Aye omusaadha eyayetebwanga Akyani tiyagondera kiragiro ekyo, yaatwala ku bintu ebyali biri n'okuzikirizibwa. Akyani ono yali mutabane wa Karumi era mwidhukulu wa Zabudi, era mwidhukulu wa Zera ow'ekika kya Yuda. Agho obusungu bwa Musengwa Katonda bwayakira ku Baisiraeli ng'oti muliro.

Yoshua 7:1 Iomraidhean Croise

Amainhama 34:27

Batabane ba Yakobo abandi bwe baayagaana ng'abasaadha baitiibwa, baanhaga eby'omu kibuga nga beesasuuza olwa mwanhinaibwe ye baasobyaku.

2 Samueli 24:1

Agho Musengwa Katonda kabiri yaasungughalira inho Abaisiraeli, yaaleetera Daudi okubatuusaaku akabi. Yaakoba Daudi ati: “Ja obale Abaisiraeli n'Abayudaaya.”

2 Bakyabazinga 5:24

Bwe baatuuka ku lusozi Elisha kwe yali, Gehazi yaabibatwikula, yaabitereka mu ndhu. Yaakoba abagheereza ba Naamani bairayo.

1 Ebyomubyanda 21:7

Katonda yaasungughala olw'ekyo ekyakolebwa, kyeyava n'abonereza Isiraeli.

2 Ebyomubyanda 24:18

Baava ku kusinzizanga mu isinzizo lya Musengwa Katonda, Katonda wa badhaadha baibwe, baira ku kusinzanga omusambwa omukazi Ashera n'ebisinzibwa ebindi ebitali Katonda. Era Musengwa Katonda oyo yaasungughalira Buyudaaya ni Yerusalemu, olw'omusango gwaibwe ogwo.

Ezera 9:6

“Wo Katonda wange, nswaire inho era ensoni dhiri kungema okusitula amaiso ninge y'oli, iwe Katonda wange kuba ebibi byaife byebunze emungo etusinga n'obuleeyi, n'emisango gyaife gyebunga emungo etuuka ni ku igulu.

Yobu 35:8

Obubi bwo busobola kulumya muntu buntu ng'oti niiwe, n'ebirungi by'okola muntu ye biganhula.

Omulangirizi 9:18

Amagezi ga maani okusinga eby'okulwanisa eby'omu lutalo, aye omwonooni omulala ati asobola okuzikiriza ebirungi kamaala.

Danieli 9:7

Wo Musengwa, iwe buliidho okola ebituufu, aye ife buliidho twakola bwa bituleetera kuswala, nga bwekiri n'okutuusa mpegaano. Ekyo kiri ku twenatwena ng'otwaliizaamu: abantu ab'omu Buyudaaya, n'ab'omu Yerusalemu, n'Abaisiraeli boonaboona abali okumpi n'abali eghala, eyo mu nsi dhoonadhoona ye wabasansaaniza olw'obutaba beesigwa y'oli.

Abalevi 10:6

Musa yaakoba Aaroni ni batabane be, Eleazari ni Ithamari, ati: “Mutaloba kusunsula nviiri dhaimwe era mutakanulamu ebivaalo byaimwe okwoleka nga munakughaire. Bwe munaakola ekyo mwidha kufa, era Musengwa Katonda aidha kusungughalira ekikunsu kyonakyona eky'abantu. Aye Baisiraeli banaimwe abandi boonaboona, baikirizibwa okulira olw'okufiirwa okwo, okuleeteibwa omuliro Musengwa Katonda gw'asindiike.

Yona 1:7

Agho abavuzi baakoba bati: “Ka tweraguze tubone atuleeseeku ekibambulira kino.” Bwe beeraguza, baazuula nga kiri kuvanga ku Yona.

Yoshua 22:16

Agho boonaboona baabakoba bati: “Tuli kwogera mu liina ly'abantu ba Musengwa Katonda boonaboona tuti, lwaki mukoze ekintu kino ekibi Katonda wa Isiraeli ky'atenda? Okuzimba alutaari eno kitegeeza muli kudheemera Musengwa Katonda, mwalekera agho okukola by'ayenda.

Yoshua 22:18

Buti musazeegho obutakola nga Musengwa Katonda mwene bw'ayenda? Bwe musalagho okumudheemera olwaleero, enkyo aja kusungughalira Abaisiraeli twenatwena.

Yoshua 22:20

“Mwidhukire Akyani mutabane wa Zera eyaloba okugondera ekiragiro kya Musengwa Katonda, ng'aloba okuzikiriza ebyo bye baamukoba okuzikiriza Abaisiraeli boonaboona baabonerezebwa olw'ekyo. Akyani ti n'eyafa yenka olw'ekibi kye ekyo.”