Yoshua 6:3 - Baibuli Ekibono kya Katonda 2014

³ Iwe n'abasaadha bo boonaboona abasobola okulwana mwidha kukyezungululanga omukuzi mulala buli lunaku, okumala enaku mukaaga.

Yoshua 6:3 Iomraidhean Croise

2 Ebyomubyanda 4:3

Ghansi gh'omugo ogw'etanka eyo okugyezunguluza, ghaaligho enhiriri ibiri edhaakolerwa aghalala nayo, nga dhiriku ebifaananie eby'amabuga, era nga dhigheza mita ikumi na isatu n'ekitundu okwezunguluza tanka eyo.

Okubala 14:9

Kye mutagwaine kukola, n'okudheemera Musengwa Katonda. Mutatya bantu bale, kuba baidha kutwanguyira okughangula, ng'oti bwetwanguyirwa okulya emere. Ekibakuuma kibatooleibwaku, era Musengwa Katonda ali ku luuyi lwaife.”

2 Ab'e Korintho 4:7

Aye ife abali oti nsugha dha itosi, niife abali n'obukombe buno, kino kisobole okwoleka ng'amaani amabitirivu ag'Amawulire Amalungi bwe gali aga Katonda se ti agaife.

Yoshua 6:11

Kale nga bwe yalagira, abantu abo beezunguluza Esanduuku y'Endagaano ya Musengwa Katonda ekibuga omukuzi mulala, bwe baamala baira mu kifo ghe baasimba weema dhaibwe, baasula agho obwire obwo.

Yoshua 6:14

Ku lunaku luno lwona, baatambula nga beezungulula ekibuga omukuzi mulala, bwe baamala baira mu kifo ghe baasimba weema dhaibwe. Enaku mukaaga nga bakolanga batyo.

Yoshua 6:2

Musengwa Katonda yaakoba Yoshua ati: “Ekibuga Yeriko nkikutaire mu ngalo, ni kyabazinga wamu, n'abalwani baamu ab'amaani.

Yoshua 6:4

Bakabona musanvu, nga buli muntu agemye endeka eyakolebwa mu iyiga ery'entaama, baidha kukulemberamu Sanduuku y'Endagaano. Ku lunaku olwomusanvu mulyezungulula ekibuga emikuzi musanvu nga bakabona bafuuwa endeka.

Yoshua 6:7

Era yaakoba abasaadha ati: “Mutoolere okutambula nga mwezungulula ekibuga, era ghabeeghooku abantu abali n'eby'okulwanisa bakulemberemu olw'okukuuma Sanduuku y'Endagaano ya Musengwa Katonda.”