Yoshua 6:2 - Baibuli Ekibono kya Katonda 2014

² Musengwa Katonda yaakoba Yoshua ati: “Ekibuga Yeriko nkikutaire mu ngalo, ni kyabazinga wamu, n'abalwani baamu ab'amaani.

Yoshua 6:2 Iomraidhean Croise

2 Samueli 5:19

Daudi yeebuuza ku Musengwa Katonda ati: “Nje nwane n'Abafilisiti? Onandeetera okubaghangula?” Musengwa Katonda yairamu ati: “Ja. Bwenebwene ndidha kukuleetera okubaghangula.”

Nehemia 9:24

Kale abaidhukulu abo bangira mu nsi eyo, baagitwala yaaba yaibwe ku bwaibwe. Waabaghangulira Abakanaani abaali abatyamye baamu. Bakyabazinga Abakanaani n'abantu baibwe, waabata mu ngalo dh'abaidhukulu abo, okubakola kye benda.

Danieli 2:21

Aleetera enaku n'ebiseera okukyukakyuka, yaataagho era yaatoolagho bakyabazinga. Aleetera abantu okuba n'amagezi, era yaabaleetera okuba n'okutegeera.

Danieli 2:44

Mu biseera eby'abafuzi abo, Katonda ow'eigulu alitaagho obwakyabazinga nga ghazira kisobola kubuzikiriza, era ng'ezira ighanga lisobola kubaghangula. Aye bulimaniangula obwakyabazinga obundi bwonabwona bwabusaaniagho, bwene bwabaagho ebyanda n'ebyanda.

Danieli 4:17

Ekyo n'ekibonerezo ekyasalibwagho, ni kirangirirwa bamalaika abakuumi abatukuvu. Olwo abantu boonaboona eyo ye bali, basobole okumanha ng'oyo Ali Ghaigulu Yeene n'afuga obwakyabazinga obw'abantu. Era ng'abugha y'ayenda yeenayeena, ni bw'aba nga n'asingamu okuba omuwombeefu mu boonaboona.’ ”

Danieli 4:35

Abona abantu ab'oku nsi boonaboona ng'oti n'ebintuntu ebitagasa naire. Akola kyonakyona ky'aba eyenze ku ebyo ebiba ku igulu, era yaakola kyonakyona ky'ayenda ku bantu boonaboona ababa ku nsi. Ghazira asobola kumutakania, oba okumubuuza ky'akoze.

Danieli 5:18

“Kale ni Isebantu kyabazinga, wulira: oyo Ali Ghaigulu Yeene yagha lata wo Nebukadinezzari okuba kyabazinga omukologho, ow'ekitiisa, era ow'amaani.

Amateeka Agokubiri 7:24

Alita bakyabazinga baibwe mu ngalo dhaimwe, mwabazikiriza beerabirwa ku nsi. Tighaliba muntu waire omulala alisobola kubalobera mulibasaaniagho boonaboona.

Yoshua 12:9

Abaisiraeli baaghangula bakyabazinga ab'ebibuga bino: Yeriko, Ayi ekiri okumpi ni Betheli,

Yoshua 2:24

Era baakakasa Yoshua bati: “Bwenebwene Musengwa Katonda yatugha ensi ere yoonayoona. Abantu baayo boonaboona emyoyo gyabeeghanika ira bwe baawulira nga tuli kubajiira.”

Yoshua 2:9

Yaabakoba ati: “Ndidhi nga Musengwa Katonda yabagha ensi eno era twenatwena tubatya emyoyo gyaife gyatweghanika ira.

Yoshua 20:1

Agho Musengwa Katonda yaakoba Yoshua ati:

Yoshua 6:1

Mu kiseera ekyo emiryango egingira mu kibuga Yeriko baali baagiigala begulugulu okulobera Abaisiraeli okwingira. Ng'ezira muntu afulumamu oba angiramu.

Yoshua 6:3

Iwe n'abasaadha bo boonaboona abasobola okulwana mwidha kukyezungululanga omukuzi mulala buli lunaku, okumala enaku mukaaga.

Yoshua 8:1

Musengwa Katonda yaakoba Yoshua ati: “Lekera agho okutya n'okuwaamu amaani. Situkiramu n'abasaadha bo abalwani boonaboona, muje mulumbe Ayi. Kuba bona eno, mmaze okukuta mu ngalo kyabazinga wa Ayi n'abantu be, n'ekibuga, n'ensi ye.

Abalamuzi 11:21

Agho Musengwa Katonda, Katonda wa Isiraeli, yaagha Abaisiraeli okughangula Sihoni n'eigye lye lyonalyona. Olwo Abaisiraeli baatwala ekiketezo kyonakyona eky'Abamori abaabanga mu nsi eyo.

Abalamuzi 11:24

Iwe twala ebyo byonabyona omusambwa gwo Kemoshi, bye gukugha okuba ebibyo. Aye ife twidha kutwala ebyo byonabyona Musengwa Katonda waife by'atoola ku bandi n'atugha.