Yoshua 5:2 - Baibuli Ekibono kya Katonda 2014

² Mu biseera ebyo Musengwa Katonda yaakoba Yoshua ati: “Kola obuntu obusala nga bwogi, okekete Abaisiraeli ababaire nga bakaali kukeketebwa okuva lwe mwava e Misiri.”

Yoshua 5:2 Iomraidhean Croise

Okuvaayo 4:25

Agho Zippori yaatoola akambe akoogi yaakeketa mutabane we, yaatoola akawutu k'akekeite ku mwana oyo, yaakabisa ku bigere bya Musa ng'akoba ati: “Bwenebwene ye ndi oli baze wa musaayi.”

Ab'e Roma 2:29

Aye Omuyudaaya mwene, n'Omuyudaaya munda eyafuna okukeketebwa okw'amazima okutali kwa ku ngulu ku mubiri aye okw'omu mwoyo. Omuntu ng'oyo tasiimibwa bantu aye asiimibwa Katonda.

Ab'e Roma 4:11

Olumaliira yakeketebwa, okukeketebwa kwe kaaba akamanhiso akakakasa obutuukirivu, bwe yagheebwa olw'okwikiriza kwe, ng'akaali kukeketebwa memale yaaba dhaadha w'abo boonaboona abaikiriza Katonda, ababalibwa okuba abatuukirivu ni bwe baba nga ti bakekete.

Amateeka Agokubiri 10:16

Kale ni mubenga bawulize y'ali, mulekere agho okubanga n'empwitu,

Amateeka Agokubiri 30:6

Musengwa Katonda waimwe alireetera emyoyo gyaimwe n'egya baidhukulu baimwe abaliiragho okuba emigonvu, mwamugonza n'omutima gwaimwe gwonagwona era n'omwoyo gwaimwe gwonagwona, memale mwaba abalamu.

Ab'e Kolosai 2:11

Era mu Kurisito oyo mwakeketebwa, ti n'okukeketebwa kuno okukolebwa abantu, aye n'okukeketebwa kwa Kurisito okuleetera omuntu okuva mu kufugibwa ekibi.

Yoshua 5:3

Kale Yoshua yaakola nga Musengwa Katonda bwe yamulagira, yaabakeketera e Gibeathi Haaralothi.