Yoshua 4:6 - Baibuli Ekibono kya Katonda 2014

⁶ Amabaale ago gaidha kubabeeranga kamanhiso, abaana baimwe bwe bali buuzanga eyo mu biseera ebiidha bati, ‘Okuta ghano amabaale gano mwali mutegeeza ki.’

Yoshua 4:6 Iomraidhean Croise

Zabbuli 44:1

Wo Katonda waife, twawulira n'amatu gaife nga badhaadha baife batukobera ebyo bye wakolanga mu nnaku dhaibwe, mu biseera ebyabita.

Zabbuli 71:18

Wo Katonda wange, ni bwendikairigha ni mmera envu, otandekuliranga agho, okutuusa nga nkobeire abantu amaani go n'obukumu bwo, ense dhoonadhoona edhija okwiragho.

Okuvaayo 12:14

“Olunaku olwo, mwidha kulwidhukiranga era mulukuzenga nga mukola ekibinuko ekyoleka okusiima kwaimwe eri nze Musengwa Katonda. Ense n'ense edhiriiragho dhiri n'okulukuzanga, era kino kiragiro ekiri n'okugonderwa ebyanda n'ebyanda.”

Okuvaayo 13:14

Era mu biseera eby'omu maiso eyo, abaana baimwe bwe balibabuuzanga bati, ‘Kino kitegeeza ki?’ Mubainhonholanga muti, ‘Musengwa Katonda yatutoola mu Misiri mu bwiru ng'akozesa amaani ge agataloodheka,

Okuvaayo 13:9

Era lwidha kubabeereranga kamanhiso ng'oti n'omuntu k'ata ku mukono, era lubabeerenga ekiidhukizo ng'oti n'omuntu ky'asiba mu bweni, olwo amateeka ga Musengwa Katonda galobenga kubava ku minwa; kuba Musengwa Katonda yabatoola mu Misiri ng'akozesa amaani ge agataloodheka.

Okuvaayo 31:13

“Koba abantu Abaisiraeli oti mukuzenga olunaku lwange olwa Sabbato, kuba n'akamanhiso ghagati ghange n'imwe, n'abaana baimwe, n'abaidhukulu ense n'ense olwo mughange okumanha nga nze Musengwa Katonda ninze mbatukuza.

Isaia 38:19

Abalamu bonka n'abakusiima, nga nze bwe ndi kukola olwaleero. Abazaire bakobera abaana baibwe nga bw'oli omwesigwa.

Isaia 55:13

Emiti emisipuressi girimera aghabaire emiwa; n'eminaazi gyaira mu kifo ky'enkandwa. Ako kaliba kamanhiso akatalivaagho ebyanda n'ebyanda, ak'okwidhukirirangaku nze Musengwa Katonda bye nkola.”

Ezekieli 20:12

Era naabateeragho n'olunaku lwa Sabbato ng'akamanhiso ghagati ghange ni beene, okubaidhukizanga nti nze Musengwa Katonda mwene, ninze mbatukuza.

Ezekieli 20:20

Mukuzenga olunaku lwa Sabbato nga lutukuvu, lubenga akamanhiso ak'endagaano nze ye nakola n'imwe, era lubaidhukizenga nga nze Musengwa Katonda mwene, ninze Katonda waimwe.

Okubala 16:38

Ebiniokezebwamu obubbaani ebyo eby'abantu abo abaayonoona ni baitibwa, bitukuvu, kuba baabighaayo eri nze Musengwa Katonda. Kale ni ka babigheeseemu amabaati ag'okughembanga ku alutaari, kabenga akamanhiso ak'okulabulanga Abaisiraeli.”

Ebikolwa by'Abatume 2:39

kuba ekisuubizo kya Katonda kyaimwe n'abaana baimwe, n'abo boonaboona abali eghala, boonaboona Musengwa Katonda waife oyo b'aba ng'ayese.”

Amateeka Agokubiri 11:19

Mubyegeresenga abaana baimwe. Era mubyogerengaku nga muli ghaka, oba nga muli mu ngira muli kutambula, nga mulambaire, oba nga musitwikegho.

Yoshua 22:27

aye ebe ng'akamanhiso okwoleka abantu baife n'abantu baimwe, n'okwoleka ense edhiritwiririra, nga bwenebwene bwe tusinza Musengwa Katonda era nga bwe tuja mu maiso ga Weema ye entukuvu okumugheereza ebigheebwayo ebyokebwa, n'emisengo, era n'okughaayo ebigheebwayo olw'okutabagana. Ekyo kyaligho olw'okulobera baidhukulu baimwe okukoba abaife bati ebya Musengwa Katonda ghazira ghe bibagemeraku.

Yoshua 4:21

Agho yaakoba Abaisiraeli ati: “Eyo mu biseera ebiidha abaana baimwe bwe balibabuuzanga amabaale gano kye gategeeza,

Yoshua 4:5

“Muje mu mwiga Yorudani, mubite ku Sanduuku y'Endagaano ya Musengwa Katonda waimwe, buli muntu abbeede eibaale ku ibega ku lw'ekika kye.