Yoshua 4:10 - Baibuli Ekibono kya Katonda 2014

¹⁰ Bakabona abaabbeeda Sanduuku y'Endagaano baayemerera ghagati mu mwiga Yorudani okutuusa nga buli kintu Musengwa Katonda kye yalagira Yoshua okukoba abantu ng'abita mu Musa, kiwoire. Abantu baayangugha okusala omwiga Yorudani

Yoshua 4:10 Iomraidhean Croise

Zabbuli 119:60

Nze nsitukiramu busitukire, naayangugha okukola ng'ebiragiro byo bwe binkoba.

Okuvaayo 12:39

Baafumba emigaati egitazimbulukusiibwa mu ngaano ere enkande ye baava nayo mu Misiri, kuba Abamisiri baabagwidhubania nga bava mu Misiri, baabula ekiseera eky'okwesibirira entanda, waire okufunira ekizimbulukusa mu ngaano ye baavaayo nayo.

Ensambo 27:1

Oteesuutanga lw'ebyo by'onaakola lwaidho, kuba toidhi lunaku bye lunaakya nabyo.

Omulangirizi 9:10

Buli mulimo gw'okola gukolenga na maani, kuba eyo e magombe y'olija ezira kukola oba okubaayo okulowooza, era ezira kumanha waire okubaayo amagezi.

Isaia 28:16

Kale ni, Musengwa Katonda Afuga Amagye kyava n'akoba ati: “Mubone, ndi kuta mu Sioni eibaale erikakasiibwa nga igumu, libe eibaale ery'omughendo ery'omusingi mu nsonda era likole omusingi omugumu begulugulu. Ndidha kulighandiikaku nti, ‘Okwikiriza okugumu era kubaamu n'obuguminkiriza.’

2 Ab'e Korintho 6:2

Katonda akoba ati: “Nakuwulira mu kiseera kyange eky'okukugemerwa ekisa, era naakubeera ku lunaku lwange olw'okukulokola.” Bona eno! Kino n'ekiseera eky'okugemerwaku ekisa, olwaleero n'olunaku olw'okulokolebwa.

Amateeka Agokubiri 31:9

Agho Musa yaaghandiika Amateeka ago, yaagagemya bakabona Abalevi abaabbeedanga Esanduuku ey'Endagaano ya Musengwa Katonda. Era yaagagemya n'abakulembeze boonaboona aba Isiraeli.

Yoshua 24:11

Mwasomoka Yorudani mwatuuka e Yeriko, abasaadha ab'e Yeriko baabalwanisa nga kw'otaire n'Abamori, n'Abaperizzi, n'Abakanaani, n'Abahitti, n'Abagirigashi, n'Abahivi era n'Abayebusi. Aye naagha imwe obughanguzi mwababinga.

Yoshua 3:13

Bakabona ababbeedie Sanduuku y'Endagaano eyo bwebanaaniina ebigere byaibwe mu mwiga Yorudani, amaadhi gaidha kulekera agho okutambula, agabaire nga gava eitale gaidha kwebunga mu kifo kirala.”

Yoshua 4:11

era boonaboona bwe baamala okusala, bakabona ababbeedie Sanduuku y'Endagaano baakulemberamu abantu.

Yoshua 4:9

Yoshua era yaaja ghagati mu mwiga Yorudani, mu kifo bakabona ghe baayemerera nga babbeedie Sanduuku y'Endagaano, yaasimbagho amabaale ikumi n'abiri amabaale ago gakaaligho ni ye buli eno.