Yoshua 3:5 - Baibuli Ekibono kya Katonda 2014

⁵ Yoshua yaakoba abantu ati: “Mwetegeke, mwetukuze, kuba enkyo Musengwa Katonda aja kukola ekyewuunhio ekikologho nga tubona.”

Yoshua 3:5 Iomraidhean Croise

Yobu 1:5

Enaku edh'embaga dhaibwe bwe dhaawangaku, Yobu yaabeetanga okubatukuza. Yaawuunanga mu nkyo, yaagheerayo buli muntu ekigheebwayo ekyokebwa. Kuba Yobu yakobanga mule ati: “Tomanha baana bange bwe baba nga baliku ekibi kye bakoze, ni bavuma Katonda mu myoyo gyaibwe.” Atyo Yobu bwe yakolanga buliidho.

Zabbuli 77:15

Wakozesa amaani go, waatoola abantu bo mu bwiru, abo baidhukulu ba Yakobo ni Yosefu.

Zabbuli 86:10

Iwe oli mukologho, ni by'okola byewuunhisa; niiwe Katonda wenka.

Yoeli 2:16

Musololeze ghalala abantu, beetukuze nga beetegekera okusinza. Mwete abantu abakulu, n'abaana abato, era n'abayonka. N'abagole abaakafumbiraganwa, boona bave mu bisenge byaibwe baidhe.

Abalevi 10:3

Agho Musa yaakoba Aaroni ati: “Kino Musengwa Katonda kye yayogeraku bweyakoba ati, ‘Ndyeyoleka nga ndi mutukuvu mu abo abampeereza, era nnaasaakibwanga mu maiso g'abantu boonaboona.’ ” Aye Aaroni yaasirika busirike.

Abalevi 20:7

Kale mubenga batukuvu, kuba ninze Musengwa Katonda waimwe.

Okubala 11:8

Abantu baagisolozanga, baagisanga ku mmengo oba baagisekulanga mu binu. Olwo baamalanga baagitogosa mu ntamu baafumbamu emigaati emitono egyawoomanga ng'oti n'emigaati emitono gye bafumbye n'omuzigo.

Yoanne 17:19

Nze neeghaayo ku lwaibwe, memale boona beegheeyo mu mazima.

Yoshua 3:13

Bakabona ababbeedie Sanduuku y'Endagaano eyo bwebanaaniina ebigere byaibwe mu mwiga Yorudani, amaadhi gaidha kulekera agho okutambula, agabaire nga gava eitale gaidha kwebunga mu kifo kirala.”

Yoshua 3:4

Agho mwidha kumanha ghe muja okubita, kuba mubaire timubitangaku eno. Aye mutaseeta kumpi na Sanduuku ya Ndagaano eyo, mulekeghooku eibanga nga lya kilomita namba.”

Yoshua 3:6

Era yaakoba bakabona ati: “Mubbeede Sanduuku y'Endagaano, mukulemberemu abantu.” Era boona baabbeeda Sanduuku y'Endagaano baakulemberamu, abantu baabanonereza.

Yoshua 7:13

Situkiramu okobe abantu beetukuze era beetegeke okwidha ye ndi. Bakobe enkyo babe nga beetegeike, kuba nze Musengwa Katonda wa Isiraeli ndi kuja okubakoba nti, ‘Imwe Abaisiraeli, ghaligho ebintu bye muli nabyo bye nabalagira okuzikiriza. Buti timusobola kulwanisa muzigu abalumbye okutuusa nga mwetoiremu ebintu ebyo.’

1 Samueli 16:5

Yaabairamu ati: “Na miraala. Ndidhie kughaayo musengo eri Musengwa Katonda. Mukole mwetukuze, mwidhe ninze okughaayo omusengo.” Agho yaatukuza Yesse ni batabane be, era yaabeeta ku kughaayo omusengo ogwo.