Yoshua 3:16 - Baibuli Ekibono kya Katonda 2014

¹⁶ amaadhi gaalekera okutambula, geebunga kumpi n'ekibuga Adamu ekiriiraine ekibuga Zarethani. Amaadhi agaali gaserengeta nga gaja mu Nhandha Eyomuunhu gaalekera agho, abantu baasobola okusomoka nga boolekeire Yeriko.

Yoshua 3:16 Iomraidhean Croise

Amainhama 14:3

Bakyabazinga bano abataanu abasembyeyo, baayimba ghalala amagye gaibwe mu Kiiko eky'e Siddimu eyo nga n'Enhandha Eyomuunhu.

1 Bakyabazinga 4:12

Baana mutabane wa Ahiludi yaalabirira ebibuga Taanaki ni Megiddo, ghalala n'ekiketezo kyonakyona eky'e Bethi Sheani ekiriiraine ekibuga Zarethani, eifo gh'ekibuga Yezireeli. Baana oyo era yaalabirira n'ekiketezo ekiva e Bethi Sheani okutuuka ku kibuga Abeli Mehola, n'okutuukira irala ku luuyi lule olw'ekibuga Yokimeamu.

1 Bakyabazinga 7:46

Kyabazinga yakola ebintu ebyo mu kyuma ekisaanuusiibwa, ere mu kiketezo eky'oku museetwe gwa Yorudani, aghali eitaka ery'eitosi, ghagati gh'ebibuga Sukkothi ni Zarethani.

Zabbuli 114:3

Enhandha bwe yabona yaalumukagho; omwiga Yorudani gwakyuka gwakuuluula kyainhumainhuma.

Zabbuli 114:5

Kyali ki, iwe enhandha okulumukagho, n'iwe Yorudani okukyuka n'okuuluula ekyeinhumainhuma,

Zabbuli 29:10

Musengwa Katonda n'afuga omwidhuzo gw'amaadhi; afuga nga ni kyabazinga ebyanda n'ebyanda.

Zabbuli 33:7

Yasololeza amaadhi ag'enhandha goonagoona ghalala; amaadhi ag'oku ntobo y'enhandha yaagakuumira ghalala, ng'oti n'omuntu bw'atereka ebintu bye mu byagi.

Zabbuli 66:6

Yafuula enhandha ng'oti bukalu abantu baasala omwiga nga batambula ku bigere. Agho twasagamba olw'ebyo bye yakola.

Zabbuli 74:15

Wayatisa entanda mwavaamu enhindo dh'ensulo n'obwiga; ate waakaliiza emiiga egitakaliirangaku.

Zabbuli 77:19

Watambula ku nhandha, waakola akagira ku maadhi amangi, aye ebigere mw'obise byaloba kuboneka.

Zabbuli 78:13

Yagabaniamu amaadhi g'enhandha ghabiri, yaageemereza ng'oti bimante eruuyi n'eruuyi yaabaleka baagabitamu ghagati.

Okuvaayo 14:21

Agho Musa yaagolola omukono ng'agusonse ku nhandha. Musengwa Katonda yaasindika empewo ey'amaani eva e buvandhuba, yaayeyaagho amaadhi ag'enhandha obwire bwonabwona. Amaadhi geeyawulamu, aghabaire enhandha ghaafuuka itaka ikalu.

Okuvaayo 14:22

Abaisiraeli baingira mu nhandha nga batambulira ku itaka ikalu, ng'amaadhi geebunze ku mbali ni ku mbali ng'oti bimante.

Okuvaayo 14:29

Aye nga Abaisiraeli baabita mu nhandha nga batambulira ku itaka ikalu, ng'amaadhi geebunze ku mbali ni ku mbali ng'oti bimante.

Okuvaayo 15:8

Wafuuwa omuuka okuva mu nhindo yo amaadhi geebunga emungo, amaadhi amangi gaayemerera ng'oti kimante; amaadhi ag'oku ntobo ey'enhandha geegema, gaakalanguka ng'oti ibaale.

Isaia 50:2

Lwaki tyayagaanagho muntu waire omulala ati lwe naidha okubawonia? Lwaki nayeta ni ghatabaagho anvugira? Omukono gwange n'ogufuuse omumpi einho, nga tigukaasobola kubatuukaku kubanunula? Oba amaani ag'okubawonia ge nzira? Mubone eno, nze nsobola okukaabukira enhandha yaakala, era naafuula aghabaire emiiga ghaaba irungu, ebyenhandha byamu byafa olw'okubulwa amaadhi era byawunha.

Ezekieli 47:8

Agho yankoba ati: “Amaadhi ago gakuuluula nga gaja mu biketezo eby'e buvandhuba ebiri mu kiiko ekirimu omwiga Yorudani. Bwe gatuuka mu maadhi ag'omu nhandha, galongoosa amaadhi ago ag'omu nhandha gaafuuka malungi.

Nahumu 1:4

Alagira enhandha yaakala, era akaliiza emiiga. Olwo emisiri egy'e Bashani gyawotoka, ate n'egy'oku lusozi Karumeli gyakala era n'ebimuli eby'oku nsozi edh'e Lebanoni byona byakala.

Habakkuku 3:8

Wo Musengwa Katonda, wasungughalira miiga? Oba, ekiruyi kyakugema lwa nhandha? Ekyo n'ekyakuleetera okuvuga ebire ng'oti mbalaasi, era ng'oti n'avuga ekigaali eky'omu lutalo n'obughanguzi?

Okubala 34:3

Ensalosalo ey'oku luuyi olw'omukono omusaadha olw'e buvandhuba, eidha kuvanga ku irungu ery'e Zini, ebitirenga ku nsalosalo ey'e Edomu. Ensalosalo ey'e bugwandhuba eidha kuvanga Enhandha Eyomuunhu gh'ekoma mu buvandhuba.

Amateeka Agokubiri 1:1

Bino n'ebibono Musa bye yakoba Abaisiraeli boonaboona, nga bali mu irungu, ku luuyi olw'e buvandhuba olw'omwiga Yorudani. Baali mu kiiko kyagwo okumpi n'ekifo ekyetebwa Sufu, ghagati gh'ekibuga Parani nga kiri ku luuyi olundi, n'ebibuga Tofeli, Labani, Hazerothi ni Dizahabu, nga biri ku luuyi olundi.

Amateeka Agokubiri 3:17

Mu bugwandhuba, ng'ekiketezo eky'ebika ebyo ebisatu kituuka ku mwiga Yorudani, okuva ku nhandha y'e Galilaaya ku luuyi lw'omukono omugooda olw'e buvandhuba. Olwo kyaserengeta ku Nhandha Eyomuunhu ku luuyi olw'omukono omusaadha olw'e buvandhuba, n'okutuuka ghansi gh'olusozi Pisiga mu buvandhuba.

Yoshua 12:3

Yali era nga n'afuga ekiiko ekirimu Yorudani okuva ku nhandha ey'e Galilaaya okutuuka e Bethi Yeshimothi e buvandhuba ow'Enhandha Eyomuunhu. Obwakyabazinga buno nga butuuka mu kiiko eky'olusozi Pisiga.

Yoshua 15:2

Ensalosalo eno ey'oku luuyi olw'omukono omusaadha olw'e buvandhuba, ng'eva ku kikono eky'Enhandha Eyomuunhu,

Yoshua 16:7

Okuva agho, ng'eserengeta yaatuuka e Atarothi n'e Naara, yaagemaku ku Yeriko katono, era yaakoma ku Yorudani.

Yoshua 3:13

Bakabona ababbeedie Sanduuku y'Endagaano eyo bwebanaaniina ebigere byaibwe mu mwiga Yorudani, amaadhi gaidha kulekera agho okutambula, agabaire nga gava eitale gaidha kwebunga mu kifo kirala.”

Yoshua 4:22

muli bakoberanga muti, ‘Isiraeli yasomoka Yorudani ku itaka eikalu.’

Yoshua 5:1

Bakyabazinga boonaboona Abamori abaali e buvandhuba wa Yorudani, ni bakyabazinga boonaboona Abakanaani ab'ebiketezo ebituuka ku Nhandha Eyaghagati, bwe baawulira nga Musengwa Katonda yakaliza Abaisiraeli omwiga Yorudani okutuusa bwe baamala okugusala nga mukalu, emyoyo gyabawaamu era boonaboona baawaamu amaani olw'okutya Abaisiraeli.

Abalamuzi 7:22

Abasaadha ba Gideoni bwe baafuuwa endeka dhaibwe ebikumi ebisatu, Musengwa Katonda yaaleetera ab'eigye ery'omuzigu buli muntu okulumba mwine, buli muntu ng'alwanisa mwine n'empiima. Baalumuka okutuuka e Bethi Shitta okwolekera Zerera, okutuuka ku nsalosalo ni Abeli Mehola, okumpi n'e Tabbathi.