Yoshua 3:1 - Baibuli Ekibono kya Katonda 2014

¹ Enkeera Yoshua n'Abaisiraeli boonaboona, baawuuna baava e Shittimu ghe baali basimbye weema dhaibwe, baaja baagumba ku mwiga Yorudani nga bateegerera okusomoka.

Yoshua 3:1 Iomraidhean Croise

Amainhama 21:14

Bwe bwakya enkyo, Aburahamu yaazuuka mu nkyo, yaamusibirira eby'okulya, yaamuteera n'amaadhi mu nsawo ey'oluwu, yaabigha Hagari. Era yaamuta n'omwana ku mugongo, memale yaamusiibula. Hagari yaaja ng'atambulatambula eyo atyo mu irungu ery'e Beerisheba.

Amainhama 22:3

Bwe bwakya enkyo, Aburahamu yaawuuna yaayasaaga enku edh'okwokya ekigheebwayo, yaatwika endogoyi ye. Yaatwalaku babiri ku bagheereza be, n'omwana we Isaaka, yaatoolera okuja mu kifo Katonda kye yali amukobye.

Zabbuli 119:60

Nze nsitukiramu busitukire, naayangugha okukola ng'ebiragiro byo bwe binkoba.

Yeremia 25:3

“Okuva ku mwaka ogweikumi n'esatu (13) nga Yosia mutabane wa Amoni ni kyabazinga wa Buyudaaya okutuuka ni ye buli eno, giri emyaka abiri n'esatu nga Musengwa Katonda ampa obukwenda bwe. Era mbakoberanga obukwenda obwo aghazira kukoogha naire, aye imwe mwaloba kutaayo mwoyo.

Yeremia 26:5

Era mutenga omwoyo ku ebyo abagheereza bange abalanzi be mbatumira buliidho, bye babakobera. Aye ate imwe timuwulirisa bye babakoba.

Yeremia 7:13

Mukoze ebibi ebyo byonabyona emikuzi kamaala nga mbalabulanga aghazira kukoogha naire, aye mwaloba kuwulira, era naabeeta aye mwaloba kuvugira.

Mika 6:5

Bantu bange, mwidhukire Balaki Kyabazinga w'e Moabu bye yali ategeike okubakola, era ni Balaamu mutabane wa Beora bye yamwiramu. Era mwidhukire ebyali mu ngira nga muva e Shittimu nga muja e Giligali. Bwe munaidhukira ebyo byonabyona munaategeera bye nkola okubalokola.”

Okubala 25:1

Abaisiraeli bwe baali e Shittimu, baatoolera obutaba beesigwa eri Katonda waibwe, baakolanga obwamalaaya n'abakazi Abamoabu.

Mariko 1:35

Enkyo Yesu yaawuuna be pwi pwi pwi nga n'endhuba ekaali kuvaayo, yaasituka yaaja mu kifo ezira bantu yaaba eyo ng'asaba.

Yoshua 2:1

Agho Yoshua yaatuma abantu babiri nga baviira agho e Shittimu ghe baali basimbye weema dhaibwe, baje babone mu nkweko ensi Kanaani bw'efaanana, n'okusingira irala ekibuga Yeriko, baire bamukobere. Bwe baatuuka mu kibuga, baaja okusula mu ndhu ya malaaya ye baayetanga Rahabu.

Yoshua 6:12

Mu nkyonkyo Yoshua yasituka, yaagha bakabona n'abasaadha be ebiragiro n'ebirala nga bye yabagha olunaku olwali lwakabita. Kale bakabona baabbeeda Sanduuku y'Endagaano ya Musengwa Katonda,

Yoshua 6:15

Ku lunaku olwomusanvu baasituka mu nkyo inho, baatambula okwezungulula ekibuga mu nsambo n'endala emikuzi musanvu. Luno n'olunaku lwonka lwe baakyezungulula emikuzi omusanvu.

Yoshua 7:16

Enkyo einho ku lunaku olwairirira, Yoshua yaayeta Abaisiraeli boonaboona ghalala. Yaayeta ebika, nga buli kika kiidha lwakyo emberi. Ekika ekya Yuda kyalondebwamu.

Yoshua 8:10

Enkyo einho ku lunaku olwairirira, Yoshua yaawuuna yaayeta abasaadha abalwani boonaboona, mwene yaabakulemberamu n'abakulu ab'ebikunsu eby'endhawulo, baayolekera Ayi.

Abalamuzi 20:19

Kale ku lunaku olwairirira, Abaisiraeli baawuuna ku nkyo, baazingiza ekibuga Gibea okukyezunguluza.

1 Samueli 17:20

Daudi yaasitukagho ku nkyo, entaama yaadhirekera omuntu anaadhirabirira, yaatwala eby'okulya nga Yesse bwe yamulagira. Yaatuuka mu kifo Abaisiraeli ghe baasimba weema dhaibwe, ng'eigye liri kufuluma okuja okulwana, eno nga bwe lyemba enhembo edh'omu lutalo.