Yoshua 2:12 - Baibuli Ekibono kya Katonda 2014

¹² Agho ni mundayirire mu liina lya Musengwa Katonda oyo muti mulibisa bukalamu, ab'endhu ya lata wange, ng'oti ninze bwembabisiisa obukalamu. Era mbasaba mumpe akamanhiso akakakafu.

Yoshua 2:12 Iomraidhean Croise

Amainhama 21:23

Kale layira mu maiso ga Katonda oyo nga toidha kunguyaguyanga nze, waire abaana bange oba abaidhukulu bange. Era nga bwembairenga mwesigwa y'oli, weena obenga mwesigwa ye ndi, era n'eri ensi eno y'olimu.”

Amainhama 24:3

Nhenda olayire mu liina lya Musengwa Katonda, oyo Katonda ow'eigulu n'ensi, oti tolifunira mwana wange mukazi ava mu bantu ba ghano mu Kanaani, be mbaamu.

Amainhama 24:9

Kale omugheereza yaamugha omukono gwe okukakasa bye yali aja okulayira, yaalayirira ebyo Aburahamu bye yamukoba.

Amainhama 40:14

Aye nkweghembye ondidhukiranga nga bikujiiriire bukalamu, wangemerwa ekivunika, wandhogererayo eri kyabazinga, wantoola mu ikomera muno.

2 Ebyomubyanda 36:13

Zedekia era yaadheemera ni kyabazinga Nebukadinezzari, eyali amaze okumulayiza mu Katonda, ng'ali n'okuwuliranga ebiragiro bya Nebukadinezzari oyo. Aye Zedekia oyo yaakola bwa mpwitu era yaakalangusa omwoyo gwe, yaaloba kwenenia kwira eri Musengwa Katonda, Katonda wa Isiraeli.

Okuvaayo 12:13

Aye imwe, omusaayi gwe munaasiiga ku myango, n'akanaaba akamanhiso akooleka endhu dhe mulimu. Bwe nnaabonanga omusaayi, ndidha kubabitizanga. Era ezira kibamba kiribagwaku kubazikiriza lwe ndikuba Misiri.

Yeremia 12:16

Ate bwebalyega empisa dh'abantu bange n'omwoyo omulala, ni balayiranga mu liina lyange bati, ‘Nga Musengwa Katonda bw'ali omulamu,’ nga bwe baayegeresa abantu bange okulayiranga omusambwa Baali, olwo boona baliba bantu bange, n'ebintu biribajiiranga bukalamu.

Mariko 14:44

Mperaano eyamulyamu olukwe yali amaze okubatemyaku ng'akobye ati: “Ye nnaalamusa nga mmugwa mu kifuba nga n'oyo mumugeme mumutwale nga mumukalangwire.”

Ab'e Roma 1:31

Basirusiru, tibeesigwa, tibagonzania era bazira kusaasira.

1 Timotheo 5:8

Oyo atafa ku babe, n'okusingira irala ab'omu ndhu ye, aba yeegaine okwikiriza, era aba mubi okusinga ataikiriza.

Yakobo 2:13

Mu kusala omusango Katonda taja kusaasira muntu oyo atasaasira ate okusaasira n'okusinga mu kusala emisango.

Yoshua 2:13

Muwonie obulamu bwa lata ni maama, n'obwa baganda bange ni baanhinaze, n'obw'abantu baibwe boonaboona be bali nabo. Mutuwonie okwitibwa.”

Yoshua 2:18

Era ka tukugalagire ky'olikola: bwe tulingira mu nsi yaimwe, osibanga akawuuzi kano ak'olugoye lw'erangi ya kasaayisaayi mu dinisa eno y'oja okutwikizaamu. Era osololezanga ghano lata wo, n'inhoko, ni baanhoko, n'abantu boonaboona ab'omu ndhu ya lata wo, mwaba ghalala mu ndhu yo.

Yoshua 2:19

Omuntu yeenayeena alifuluma okuva mu ndhu yo n'aitirwa eyo mu nguudo edh'ekibuga, omusango guliba gugwe ti gwaife, aye ye baligemaku ng'ali mu ndhu yo muno, ogwo omusango guliba gwaife.

Yoshua 6:22

Agho Yoshua yaakoba abasaadha ababiri abaakeeta Yeriko ati: “Muje mu ndhu ya malaaya mumutooleyo n'abantu be boonaboona nga bwe mwamulayirira.”

Yoshua 9:15

Yoshua yaakola nabo endagaano, yaabalayirira obutabaita era n'abakulu ab'ebikunsu mu Isiraeli baakola batyo.

Abalamuzi 1:24

Abakeesi abo baabona omusaadha ali kukivaamu, baamukoba bati: “Tukweghemba otulagirire ghe tughanga okubita okwingira mu kibuga, twidha kukubisa bukalamu.”

1 Samueli 30:15

Daudi yaamubuuza ati: “Oghanga okuntwala eri abanhazi abo?” Omwisuka yairamu ati: “Ndayirira mu liina lya Katonda nga toidha kundhita oba okumpaayo mu ngalo dha musengwa wange, olwo ndidha kukutwala eri abanhazi abo.”