Yoshua 2:10 - Baibuli Ekibono kya Katonda 2014

¹⁰ Kuba twawulira nga Musengwa Katonda yakaliiza Enhandha Emyufu bwe mwagituukaku nga muva e Misiri. Era twawulira bye mwakola bakyabazinga Abamori abaali e buvandhuba ew'omwiga Yorudani: Sihoni ni Ogi be mwazikiriza.

Yoshua 2:10 Iomraidhean Croise

Zabbuli 74:15

Wayatisa entanda mwavaamu enhindo dh'ensulo n'obwiga; ate waakaliiza emiiga egitakaliirangaku.

Okubala 20:14

Musa ng'ali e Kadeshi, yaagheereza kyabazinga owa Edomu abakwenda okumukoba bati: “Baganda bo Abaisiraeli bali kukukoba bati, oidhi bukalamu ebizibu ebyatutuukaku.

Okubala 23:22

Beesiga Katonda oyo eyabatoola mu Misiri, ng'oti n'embogo bweyeesiga amayiga gaayo.

Okubala 24:8

Beesiga Katonda oyo eyabatoola mu Misiri ng'oti n'embogo bweyeesiga amayiga gaayo. Baidha kweyangagho amaghanga ag'abazigu baibwe, bamenhemenhenga amagumba gaibwe, babafumitenga n'obulaso bwaibwe.

Amateeka Agokubiri 2:30

“Aye kyabazinga w'e Heshiboni, ayetebwa Sihoni, yaaloba kutuganha kubita mu nsi ye, kuba Musengwa Katonda waimwe yamukalangusa omwoyo. Yaamuleetera okudheema, olwo tughange okumughangula, n'okutwala ensi ye, mwe tukaali ni mpegaano.

Yoshua 24:12

Mwaja okubatuukaku nga mbaswiremu okutya n'okudhugumira, ekyaleetera bakyabazinga Abamori ababiri okulumuka embiro empiima dhaimwe n'obulaso bwaimwe ti n'ebyabaleetera okughangula.

Yoshua 4:24

Olw'ekyo abantu boonaboona ku nsi baidhanga kumanha, nga Musengwa Katonda wa bukumu obutaloodheka, era mwena mwidha kutyanga Musengwa Katonda waimwe oyo ebyanda n'ebyanda.”

Yoshua 5:1

Bakyabazinga boonaboona Abamori abaali e buvandhuba wa Yorudani, ni bakyabazinga boonaboona Abakanaani ab'ebiketezo ebituuka ku Nhandha Eyaghagati, bwe baawulira nga Musengwa Katonda yakaliza Abaisiraeli omwiga Yorudani okutuusa bwe baamala okugusala nga mukalu, emyoyo gyabawaamu era boonaboona baawaamu amaani olw'okutya Abaisiraeli.

Yoshua 9:10

Twawulira bye yakola bakyabazinga ababiri Abamori abaali e buvandhuba ewa Yorudani: Sihoni eyali kyabazinga wa Heshiboni, ni Ogi eyali kyabazinga wa Bashani eyabanga mu kibuga Ashitarothi.