Yoshua 2:1 - Baibuli Ekibono kya Katonda 2014

¹ Agho Yoshua yaatuma abantu babiri nga baviira agho e Shittimu ghe baali basimbye weema dhaibwe, baje babone mu nkweko ensi Kanaani bw'efaanana, n'okusingira irala ekibuga Yeriko, baire bamukobere. Bwe baatuuka mu kibuga, baaja okusula mu ndhu ya malaaya ye baayetanga Rahabu.

Yoshua 2:1 Iomraidhean Croise

Amainhama 42:16

Mutume owundi ku imwe aje aleete muganda waimwe. Imwe abandi mwidha kusibwa mu ikomera, okutuusa lwe tunaakakasa tuti bye mukoba bya mazima. Bwe kitaba kityo, ndayiire mu liina lya kyabazinga nti bwenebwene muli bakeesi.”

Amainhama 42:9

Agho yaidhukira ebirooto bye yaloota kubo, yaabakoba ati: “Muli bakeesi. Mwidhie okubona obunafu bw'ensi yaife, memale mwidhe mutulumbe.”

Mika 6:5

Bantu bange, mwidhukire Balaki Kyabazinga w'e Moabu bye yali ategeike okubakola, era ni Balaamu mutabane wa Beora bye yamwiramu. Era mwidhukire ebyali mu ngira nga muva e Shittimu nga muja e Giligali. Bwe munaidhukira ebyo byonabyona munaategeera bye nkola okubalokola.”

Okubala 13:1

Agho Musengwa Katonda yaakoba Musa ati:

Okubala 13:2

“Tuma abantu baje bakeete ensi Kanaani, ye ndi kubagha imwe Abaisiraeli. Oidha kutumangaku mulala okuva mu buli kika, nga mukulembeze.”

Okubala 25:1

Abaisiraeli bwe baali e Shittimu, baatoolera obutaba beesigwa eri Katonda waibwe, baakolanga obwamalaaya n'abakazi Abamoabu.

Okubala 33:49

Baasimba weema dhaibwe okumpi n'omwiga Yorudani, okuva e Bethi Yeshimothi okutuukira irala mu Abeli Shittimu, mu biketezo by'e Moabu eby'oku museetwe.

Matayo 1:5

Salumoni yazaala Boazi mu Rahabu, Boazi yaazaala Obedi mu Ruthi, Obedi yaazaala Yesse.

Matayo 10:16

“Bona, ndi kubatuma, nga muli oti ntaama ghagati mu misege. Kale ni mube bakabwidhibwidhi ng'emisota, ng'ate muli bawolu ng'oti njiibwa.

Ab'Efeso 5:5

Mumanhire irala kino muti omwenzi, omudankaanu, oba ali n'okwegomba okubi, azira mugabo mu Bwakyabazinga bwa Kurisito era obwa Katonda; kuba okwegomba okubi kwona kuba kusinza bitali Katonda.

Abaheburayi 11:31

Okwikiriza n'okwawonia malaaya Rahabu n'atazikirira n'abo abataikiriza, kuba yasangaalira abakeesi.

Yakobo 2:25

Kityo ti bwe kyali ni ku Rahabu omukazi malaaya? Tiyasiimibwa Katonda lwa bikolwa bye, bwe yaganha okukuuma abakwenda abaatumibwa n'abawonia ng'ababisa mu ngira eyindi?

Yoshua 1:18

Oyo yeenayeena ataakuwulirenga oba anaalobanga okukola ky'omukobye, wa kwitibwanga. Iwe banga mumalirivu era atatya.”

Yoshua 2:2

Aye ghaabaagho abaaja ni bakobera omukulu w'ekibuga Yeriko bati: “Ghaligho Abaisiraeli abaidhie eigulo lino okukeeta ensi yaife.”

Yoshua 21:31

Helikathi, ni Rehobu, n'ebiketezo ebibyezungulwire omuli eisubi ery'okwayirangamu.

Yoshua 3:1

Enkeera Yoshua n'Abaisiraeli boonaboona, baawuuna baava e Shittimu ghe baali basimbye weema dhaibwe, baaja baagumba ku mwiga Yorudani nga bateegerera okusomoka.

Yoshua 5:10

Abaisiraeli bwe baali nga bakaagumbye agho e Giligali mu biketezo by'e Yeriko eby'omuseetwe, olw'eigulo baakola Ekibinuko eky'Okwidhukiriraku Okubitizibwa, ng'enaku edh'omwezi ikumi na ina.

Abalamuzi 1:23

Baatuma abakeesi mu kibuga ekyo.

Abalamuzi 18:14

Abasaadha bale abataanu abaaja okukeeta ensi y'e Laishi, baakoba banaibwe bati: “Mubaire mwidhi nga mu ndhu dhino mulimu ekifaananie ekibaadhe, ekisiigiibwaku feeza omusaanuuse? Era mubaire mwidhi nga mu ndhu dhino mulimu n'ekivaalo eky'obwakabona, era mwabaamu n'ebintu ebyetebwa terafimu? Kale ni mulowooze ku kye mugwaniire okukola.”

Abalamuzi 18:17

Agho abasaadha abataanu abaakeeta ku lule, baingira mu ndhu, baatoolamu ekifaananie ekibaadhe, n'ekivaalo eky'obwakabona, n'ebintu ebyetebwa terafimu, n'ekifaananie ekikoleibwa mu kyuma ekisaanuusiibwa. Baakolanga ebyo, nga kabona ayemereire ku mulyango ghalala n'abasaadha olukaaga (600) abagemye eby'okulwanisa.

Abalamuzi 18:2

Agho ab'omu kika kya Dani boonaboona, beerondamu abasaadha abaziramu ntete bataanu. Baabatuma, nga bava mu Zora ni mu Eshitaolo, okuja okukeeta n'okwetegereza ensi eyo. Bwe baatuuka mu maka ga Mika, mu kiketezo eky'e Efuraimu eky'oku nsozi, baaba agho.