Yoshua 17:1 - Baibuli Ekibono kya Katonda 2014

¹ Abandi ku baidhukulu ba Yosefu nga bava mu mutabane we omukulu Manasse, baagheebwa ekiketezo e bugwandhuba ew'omwiga Yorudani kibe obutaka bwaibwe. Makiri, lata wa Gileadi, n'eyali mutabane wa Manasse omukulu era yaaba omulwani omumanhifu einho. Kyeyava n'agheebwa Gileadi ni Bashani ebiri e buvandhuba wa Yorudani.

Yoshua 17:1 Iomraidhean Croise

Amainhama 41:51

Yosefu yaatuuma omwana omuberi eriina Manasse, kuba yakoba ati: “Katonda aneerabiiza okudaazibwadaazibwa kwange kwonakwona era n'ab'endhu ya lata wange boonaboona.”

Amainhama 41:52

Yaatuuma owokubiri eriina Efuraimu, kuba yakoba ati: “Katonda ampaire abaana mu nsi mwe ndaagiiredaagiire.”

Amainhama 46:20

Yosefu ng'ali mu Misiri, Asenathi mughala wa Potifera kabona ow'e Oni, yamuzaalira abaana abalenzi babiri: Manasse ni Efuraimu.

Amainhama 48:17

Yosefu bweyabona nga ise ataire omukono gwe omusaadha ku mutwe gwa Efuraimu, yaanakughala. Kale yaagema omukono gwa ise okugutoola ku mutwe gwa Efuraimu, okuguta ku mutwe gwa Manasse.

Amainhama 48:18

Yosefu yaakoba ise ati: “Bbaaba otakola otyo, kuba ono ali ku mukono gwo omusaadha n'omwana omuberi. Ta omukono gwo omusaadha ku mutwe gwe.”

Amainhama 50:23

Yaabona abaana n'abaidhukulu aba Efuraimu kamaala. Era yaalera ni ku baana ba Makiri mutabane wa Manasse.

2 Samueli 2:9

Abuneri yaafuulira eyo Ishiboshethi oyo okuba kyabazinga wa Gileadi, n'ow'Abashuri, n'owa Yezireeli n'owa Efuraimu, n'owa Benjamini, era owa Isiraeli yoonayoona.

1 Ebyomubyanda 2:23

Aye obwakyabazinga bw'e Geshuri ni mu Aramu bwabanhagaku ebibuga bya Yairi ni Kenathi nkaaga, ghalala n'ebyalo ebibyezungulwire. Abantu boonaboona abaali eyo, nga n'abasimuka mu Makiri, lata wa Gileadi.

Ezekieli 47:13

Agho Musengwa Katonda yaakoba ati: “Dhino n'ensalosalo edh'ensi ey'ensikirano ye muligabania mu bika eikumi n'ebibiri eby'Abaisiraeli aye ekika kya Yosefu nga kifuna emigabo ebiri.

Ezekieli 48:4

Ekika kya Manasse kyona kirifuna omugabo mulala nga gwa kiketezo ekigabana ensalosalo endala n'ekiketezo eky'ekika kya Efuraimu. Nga kyona kiva ku nsalosalo ey'e buvandhuba kyatuuka ku y'e bugwandhuba.

Okubala 26:29

Manasse yazaala Makiri, Makiri yazaala Gileadi eyasimukamu enda dhino:

Okubala 27:1

Agho ghaabaagho abaghala bano: Mahala, Noa, Hogula, Milika ni Tiruza. Abo baali baghala ba Zelofehadi mutabane wa Heferi. Heferi oyo yali mutabane wa Gileadi. Gileadi oyo yaaba mutabane wa Makiri. Makiri oyo yaaba mutabane wa Manasse. Ate Manasse oyo yaaba mutabane Yosefu.

Okubala 32:33

Kale Musa yaagha ab'ekika kya Gadi, n'ab'ekika kya Reubeni, n'ekitundu eky'ekika kya Manasse mutabane wa Yosefu, ekiketezo ekyafugibwanga kyabazinga Sihoni ow'Abamori, n'ekiketezo ekyafugibwanga kyabazinga Ogi ow'e Bashani. Yaabagheeraku n'ebibuga n'ebyalo byonabyona ebibyezungulwire.

Amateeka Agokubiri 21:17

Aye aidha kuganhanga okutwala omwana ow'omukazi omunobe, nga n'omuberi. Olwo aghenga omwana oyo omugabo gwe ogw'emikuzi ebiri, ku bintu bye byonabyona by'ali nabyo. Kuba oyo n'omwana we eyasooka okuva mu maani ge. N'olw'ekyo oyo n'agwaniire ebintu ebiri n'okugheebwa omwana omuberi.”

Yoshua 17:2

Enda edhindi edha baidhukulu ba Manasse mutabane wa Yosefu, dhaagheebwa emigabo gyadho e bugwandhuba wa Yorudani. Enda edho dhaali nga dhikulirwa abaana ab'abalenzi bano: Abiezeri, Heleki, Asirieli, Shekemu, Heferi ni Shenida.

Yoshua 22:7

Ekitundu ku Bamanasse, Musa yali amaze okubagha obutaka bwaibwe e Bashani e buvandhuba wa Yorudani, ate ekitundu ekindi Yoshua yaakigha obutaka bwakyo e bugwandhuba wa Yorudani, ghalala n'ebika ebindi ebya Isiraeli. Era Yoshua bweyali asiibula abaali baja ewaibwe,

Abalamuzi 5:14

Baava mu Efuraimu baaja mu kiiko, nga banonereza abantu ab'ekika kya Benjamini. Abaduumizi baava mu Makiri, ate abakulu b'abalwani baava mu Zebuluni.