Yoshua 14:3 - Baibuli Ekibono kya Katonda 2014

³ Musa yali amaze okugha ebika ebibiri n'ekitundu omugabo gwaibwe e buvandhuba wa Yorudani, aye Abalevi tiyabagha.

Yoshua 14:3 Iomraidhean Croise

Ezekieli 45:1

Bwe muliba mugabania emigabo gy'eitaka mu bika, mwawulangaku ekiketezo mwakighaayo kyaba kya Musengwa Katonda nga kitukuvu. Kiriba kilomita ikumi na ibiri n'ekitundu ku kilomita itaanu. Ekiketezo ekyo kyonakyona kiriba kitukuvu eyo yoonayoona ye kikoma.

Yoshua 12:6

Bakyabazinga bano bombi baaghangulwa Abaisiraeli nga bakulemberwa Musa omugheereza wa Musengwa Katonda. Era bwe yamala, yaagabaniamu ekiketezo kyaibwe yaakigha eb'ekika kya Reubeni, n'ekya Gadi, n'ekitundu eky'ekika kya Manasse, ng'omugabo gwaibwe.

Yoshua 13:14

Ekika eky'Abalevi ni kyonka Musa ky'ataagha mugabo. Omugabo gwaibwe nga guli na kuva ku ebyo ebigheebwayo eri Musengwa Katonda nga byokerwa ku alutaari nga Musengwa Katonda oyo bwe yalagira Musa.

Yoshua 13:16

Ekiketezo kyaibwe kyali kiva ku Aroeri ekiri kumpi n'ekiiko ekirimu omwiga Arunoni, kyatwalizaamu ekibuga ekiri ghagati mu kiiko ekyo, n'omuseetwe ogwezungulwire ekiketezo eky'e Medeba.

Yoshua 13:17

Era kyatwalizaamu ni Heshiboni n'ebibuga ebindi byonabyona ebikiriiraine ebiri ku museetwe ogwo, era ni bino: Diboni, Bamothi Baali, Bethi Baalimeoni,

Yoshua 13:8

Ebika bino: eky'Abareubeni, n'eky'Abagadi, n'ekitundu eky'ekika eky'Abamanasse, byali byamala okufuna ekiketezo Musa omugheereza wa Musengwa Katonda kye yabigha, nga kiri e buvandhuba wa Yorudani.