Yoshua 13:5 - Baibuli Ekibono kya Katonda 2014

⁵ Ghaligho ekiketezo eky'Abagebali n'eky'e Lebanoni kyonakyona ekiri e buvandhuba ow'e Baalagada nga kiva ku luuyi olw'omukono omusaadha ogw'olusozi Herimoni ku ngira eja e Hamathi.

Yoshua 13:5 Iomraidhean Croise

1 Bakyabazinga 5:18

Kale abazimbi aba Solomoni, n'aba Hiramu, n'abasaadha abaava e Gebali, baabaadha amabaale era baatema emiti, baabitegeka okuzimbisa eisinzizo.

1 Bakyabazinga 8:65

Kale mu kiseera ekyo, Solomoni ng'ali ghalala n'Abaisiraeli boonaboona nga beesoloiza, baakola embaga ey'ekibinuko mu maiso ga Musengwa Katonda waife, kye baamalaku enaku omusanvu. Ekibinuko ekyo kyaliku abantu abeesoloiza kamaala inho, okuva eruuyi ere aghaingirirwa e Hamathi, okutuuka ku kaiga ak'oku nsalosalo ni Misiri.

Zabbuli 83:7

Abagebali, Abammoni, Abamaleki, Abafilisiti n'Abatiro.

Isaia 10:9

Naghangula ekibuga Kalino ng'oti ni bwe naghangula ekibuga Karikemishi, naaghangula ni Hamathi ng'oti ni bwe naghangula Arupadi, era naaghangula ni Samaria ng'oti ni bwe naghangula Damasiko.

Yeremia 52:9

Agho Abababilonia baamugema baamutwala ye kyabazinga Nebukadinezzari ow'e Babilonia, ng'ali e Ribula mu kiketezo ky'e Hamathi, yaamusalira omusango gwamusinga.

Ezekieli 27:9

Mu iwe n'omwali abakungu ab'e Gebali ghalala n'abantu baayo abaali n'obukugu, abaakolanga amaato go. Mu iwe n'omwali emeeri dhoonadhoona edh'oku nhandha n'abavuzi baadho, olw'okusuubula ebintu byo.

Amosi 6:2

Muje mukyalireku ekibuga Kalune. Era mukyalireku ni Hamathi ekikologho, era mutuukeku ni mu ky'e Gathi eky'abafilisiti. Ebibuga ebyo n'ebisinga obwakyabazinga bwa Isiraeli n'obwa Yuda mu bulungi n'obugazi?

Okubala 13:21

Kale abantu abo baaja baakeeta ensi eyo okuva ku irungu ery'e Zini okutuuka e Rehobu, agho gh'oingirira mu Hamathi.

Okubala 34:8

Bw'enaavanga ku lusozi Hori eidha kujanga etuuke aghaingirirwa e Hamathi okukoma e Zedadi,

Amateeka Agokubiri 1:7

Mpegaano mukole muje, mweyongere mu lugendo lwaimwe. Muje mu biketezo eby'oku nsozi eby'Abamori, ni mu biketezo byonabyona ebibiriiraine: mu kiiko kya Yorudani, ni mu biiko ebindi, ni mu nsozi, ni mu biketezo ebikalukalu eby'oku luuyi olw'omukono omusaadha olw'e buvandhuba, n'eby'oku Nhandha Eyaghagati. Muje mu nsi y'Abakanaani, ni mu nsozi edh'e Lebanoni, okutuukira irala ku mwiga omukologho Eufurate.

Amateeka Agokubiri 3:25

Nkweghemba, onganhe nsomoke omwiga Yorudani, mbone ensi ey'ensozi eri eyo enungi, era mbone n'ekiketezo ky'e Lebanoni.’

Yoshua 11:17

ebiketezo ebiva ku lusozi Halaka oluli ku mukono omusaadha ng'olingiriire e buvandhuba kumpi ni Edomu, okutuuka e Baalagada ku mugooda ng'olingiriire e buvandhuba mu kiiko ekirimu Lebanoni, ku luuyi olw'omukono omusaadha olw'olusozi Herimoni ng'olingiriire e buvandhuba. Yoshua yaghangula bakyabazinga boonaboona ab'omu biketezo ebyo, yaabaita

Yoshua 11:3

Era yaagheereza obukwenda eri Abakanaani e buvandhuba n'e bugwandhuba bwa Yorudani, n'eri Abamori, Abahitti, Abaperizzi, n'Abayebusi abaali mu biketezo eby'oku nsozi, era n'eri Abahivi ab'e Mizipa mu kiketezo ky'omu kiiko ky'olusozi Herimoni.

Yoshua 12:7

Bano ni bakyabazinga abaaghangulwa Abaisiraeli nga bakulemberwamu Yoshua: bakyabazinga abo boonaboona abaafuganga ekiketezo ekiri e bugwandhuba wa Yorudani okuva e Baalagada mu kiiko eky'e Lebanoni, okutuuka ku lusozi Halaka oluli okumpi n'ensi Edomu. Ekiketezo kino Yoshua yakigabaniamu mu bika ebya Abaisiraeli, buli kika kyafunaku omugabo gwakyo.