Yoshua 13:3 - Baibuli Ekibono kya Katonda 2014

³ Ekiketezo kino, kiva ku mwiga Shihori, oguli e buvandhuba wa Misiri okwira ku luuyi olw'omukono omugooda olw'e buvandhuba, okutuuka ku nsalosalo ni Ekuroni. Era kitwalibwa ng'eky'Abakanaani, era nga kirimu abafuzi bataanu ow'e Gaza, ow'e Ashidodi, ow'e Ashikeloni, ow'e Gathi n'ow'e Ekuroni. Ekiketezo ekindi n'eky'e Avvimu

Yoshua 13:3 Iomraidhean Croise

Amainhama 10:6

Abaana ba Hamu ni bano: Kushi, Misiraimu, Puti ni Kanaani.

Amainhama 15:18

Ku lunaku olwo, Musengwa Katonda yaakola endagaano ni Aburamu. Yaakoba ati: “Baidhukulu bo mbaghaire ensi eno yoonayoona okuva ku nsalosalo ya Misiri okutuuka ku mwiga omukologho Eufurate.

1 Bakyabazinga 8:65

Kale mu kiseera ekyo, Solomoni ng'ali ghalala n'Abaisiraeli boonaboona nga beesoloiza, baakola embaga ey'ekibinuko mu maiso ga Musengwa Katonda waife, kye baamalaku enaku omusanvu. Ekibinuko ekyo kyaliku abantu abeesoloiza kamaala inho, okuva eruuyi ere aghaingirirwa e Hamathi, okutuuka ku kaiga ak'oku nsalosalo ni Misiri.

1 Ebyomubyanda 13:5

Agho Daudi yaasoloza Abaisiraeli boonaboona, okuva e Shihori ku nsalosalo ni Misiri okutuuka aghaingirirwa e Hamathi, baje batooleyo Esanduuku y'Endagaano eya Katonda e Kiriathi Yearimu.

Isaia 23:3

baasaabala enhandha okuja okugula engaano y'e Misiri, eyakuzibwa omwiga Kiyira, baaja baasuubulagana n'amaghanga agandi.

Yeremia 2:18

Mpegaano muganhulwamu ki okuja e Misiri, ni munhwa amaadhi ag'omwiga Kiyira? Oba, kibagasa ki okuja mu Assiria, ni munhwa amaadhi ag'omwiga Eufurate?

Amateeka Agokubiri 2:23

Ate ebiketezo ebiiririra okutuukira irala e Gaza, byabangamu Abavvi. Aye Abafilisiti abaava e Filisitia, baabazikiriza, beene baasenga mu kifo kyaibwe.

Yoshua 13:13

Aye ate Abaisiraeli tibaabinga Bageshuri na Bamaaka, era nga baba nabo ghalala okutuusa ni ye buli eno.

Abalamuzi 16:5

Agho abakungu b'Abafilisiti baaja y'omukazi oyo, baamukoba bati: “Musendesende omanhe amaani ge amangi ghe gamuva, n'ensambo yetughanga okumugemamu ni tumusiba, amaani ago ni gamuwa. Olwo buli muntu ku ife aidha kukugha ebitundu bya feeza lukumi na kikumi (1,100) .”

Abalamuzi 3:3

Abantu abaalekebwa mu nsi eyo ni bano: abantu ab'omu bibuga eby'Abafilisiti ebitaanu n'abafuzi baibwe, n'Abakanaani boonaboona, n'Abasidoni, n'Abahivi abatyamye b'omu nsozi dh'omu Lebanoni, okuva ku lusozi Baali Herimoni okutuuka gh'oingirira e Hamathi.

1 Samueli 5:1

Abafilisiti bwe baamala okunhaga Esanduuku ey'Endagaano ya Katonda baagitoola mu Ebenezeri, baagitwala mu Ashidodi.

1 Samueli 5:10

Kale Esanduuku ey'Endagaano ya Katonda baagigheereza mu Ekuroni. Aye olwagituusaayo bati, abantu baayo baaleekaana bati: “Batuleeteire Esanduuku ey'Endagaano ya Katonda wa Isiraeli okutwita ife n'abantu baife!”

1 Samueli 5:8

Kale baatuma abakwenda, baayeta abafuzi ab'Abafilisiti boonaboona. Agho baababuuza bati: “Esanduuku ey'Endagaano ya Katonda wa Isiraeli tugikolere ki?” Bale bairamu bati: “Etwalibwe e Gathi.” Kale baatwala Esanduuku ey'Endagaano ya Katonda e Gathi.

1 Samueli 6:4

Abafilisiti baababuuza bati: “Kigheebwayo ki kye tunaamugheereza ng'omutango?” Baabairamu bati: “Ebiwumbe ebya zaabu bitaanu ebifaanana ng'oti bizimba, n'ebiwumbe ebindi ebya zaabu bitaanu ebifaanana ng'oti mpube, nga mujiira ku bungi obw'abafuzi Abafilisiti kuba ekibamba Katonda kye yasindika ku imwe mwenamwena, n'ekirala ekyo kye yasindika ni ku bafuzi baimwe.