Yoshua 12:2 - Baibuli Ekibono kya Katonda 2014

² Kyabazinga ye baasooka okughangula nga bamweta Sihoni, ng'afuga ekibuga Heshiboni era nga Muamori. Obwakyabazinga bwe nga butwalizaamu ekitundu kya Gileadi: nga buva ku kibuga Aroeri ekiri kumpi n'ekiiko ekirimu omwiga Arunoni, ku luuyi olw'ekiiko ekyo olw'omukono omugooda olw'e buvandhuba, bwatuuka ku mwiga Yabboki, ku nsalosalo y'Abammoni.

Yoshua 12:2 Iomraidhean Croise

Amainhama 32:22

Yakobo yaazuuka obwire bwene obwo, yaatwala abakazi bombi, n'abairu be abakazi bombi, n'abaana be eikumi n'omulala, yaasomoka omwiga Yabboki.

1 Ebyomubyanda 5:8

ni Bela mutabane wa Azazi, Azazi mutabane wa Shema, Shema mutabane wa Yoeli. Baidhukulu ba Reubeni abo baabanga mu kiketezo ekiva mu Aroeri okutuukira irala e Nebo n'e Baali Meoni.

Nehemia 9:22

Wabagha okughangula bakyabazinga n'amaghanga agandi agabeezungulwire. Baatwala ensi ya Sihoni kyabazinga w'e Heshiboni, n'eya Ogi kyabazinga w'e Bashani, dhaaba dhaibwe ku bwaibwe.

Zabbuli 135:11

Sihoni kyabazinga w'Abamori, ni Ogi kyabazinga wa Bashani, ni bakyabazinga boonaboona ab'e Kanaani.

Yeremia 48:19

Imwe ababa mu Aroeri, mwemerere ku mbali kw'enguudo muteegerere, mubuuze abo abali kuziinhuuka nga balumuka okwewonia, muti, ‘Kiki ekigwiregho?’

Amateeka Agokubiri 1:4

Ebyo byabaagho ng'amaze okughangula kyabazinga Sihoni ow'Abamori eyafugiranga mu Heshiboni, ni kyabazinga Ogi ow'e Bashani eyafugiranga mu Ashitarothi ni mu Edurei.

Abalamuzi 11:13

Kyabazinga ow'Abammoni yairamu ati: “Abaisiraeli bwe baava e Misiri, baatwala ekiketezo eky'ensi yange, okuva ku mwiga Arunoni okutuuka ku mwiga Yabboki, ni ku mwiga Yorudani. Kale mpegaano ekiketezo ekyo mukitwirize bya bulungi.”

Abalamuzi 11:22

Baatwala ekiketezo kyonakyona eky'Abamori, okuva ku Arunoni okutuuka ku Yabboki, n'okuva ku irungu okutuuka ku Yorudani.