Yoshua 12:1 - Baibuli Ekibono kya Katonda 2014

¹ Musa bweyali ng'akaakulemberamu Abaisiraeli, baaghangula bakyabazinga babiri abaali e buvandhuba wa Yorudani, era baabanhagaku ebiketezo byaibwe. Bakyabazinga abo baali bafuga ekiketezo okuva mu kiiko ekirimu omwiga Arunoni ku luuyi olw'omukono omusaadha olw'e buvandhuba, okutuuka ku kiiko ekirimu omwiga Yorudani e buvandhuba ew'omwiga ogwo, era n'okutuukira irala ku lusozi Herimoni ku luuyi olw'omukono omugooda ng'olingiriire e buvandhuba.

Yoshua 12:1 Iomraidhean Croise

1 Bakyabazinga 4:19

Geberi mutabane wa Uri yaalabirira Gileadi ekyali ekiketezo kya kyabazinga Sihoni ow'Abamori ni kyabazinga Ogi ow'e Bashani. Era ghaabaagho omukulembeze mulala, eyalabiriranga Buyudaaya yoonayoona.

Zabbuli 133:3

Kiri ng'oti n'omusulo ogw'oku lusozi Herimoni ogugwa ku nsozi dha Sioni. Eyo mu Sioni Musengwa Katonda ye yasuubiza okugha abantu enkabi, obwo nga n'obulamu obutawaagho.

Zabbuli 136:21

Yaatoola eitaka lyaibwe yaaligha abantu be Abaisiraeli ng'omugabo; okugonza kwe tikukoma, kubaagho byanda na byanda.

Zabbuli 89:12

Niiwe owatonda ebiri ku luuyi olw'omukono omugooda olw'e buvandhuba, n'ebiri ku luuyi olw'omukono omusaadha olw'e buvandhuba. Ensozi Tabori ni Herimoni dhisaaka eriina lyo n'eisanhu.

Isaia 16:2

Abamoabu abo buti bali ku kifo abantu ghe basomokera omwiga Arunoni. Bali kupapala nga baguluka ng'oti n'enhonhi dhe babinze mu kisu ni dhisansaana.

Okubala 21:13

Bwe baava agho, baaja baasimba weema dhaibwe ku luuyi lule nga bamaze okusomoka omwiga Arunoni, oguli mu irungu erituukira irala ku nsalosalo y'Abamori. Omwiga Arunoni n'ogwawula ekiketezo eky'Abamoabu ku ky'Abamori.

Okubala 21:21

Agho Abaisiraeli baatuma abakwenda ye kyabazinga Sihoni ow'Abamori, okumukoba bati:

Okubala 21:24

Abaisiraeli baita abasaadha be mu lutalo olwo, era baabanhagaku ekiketezo kye, okuva ku mwiga Arunoni okutuukira irala ku Bammoni, ku mwiga Yabboki kuba e Yazeri n'aghaali ensalosalo n'Abammoni

Okubala 32:19

Tituja kugabana nabo butaka ku luuyi lule olw'omwiga Yorudani n'okweyongerayo, kuba ife tumaze okufuna obutaka obwaife ku luuyi luno olw'e buvandhuba w'omwiga Yorudani ogwo.”

Okubala 32:32

Twidha kusomoka nga twetegeike okulwana, Musengwa Katonda ng'atukulembeiremu, tungire mu kiketezo eky'e Kanaani, olwo tusigaze obutaka bwaife eno e buvandhuba wa Yorudani.”

Okubala 32:33

Kale Musa yaagha ab'ekika kya Gadi, n'ab'ekika kya Reubeni, n'ekitundu eky'ekika kya Manasse mutabane wa Yosefu, ekiketezo ekyafugibwanga kyabazinga Sihoni ow'Abamori, n'ekiketezo ekyafugibwanga kyabazinga Ogi ow'e Bashani. Yaabagheeraku n'ebibuga n'ebyalo byonabyona ebibyezungulwire.

Amateeka Agokubiri 2:24

Musa yaakoba Abaisiraeli ati: “Bwe twamala okubita mu Moabu, Musengwa Katonda yankoba ati, ‘Musituke, mweyongereyo mu lugendo lwaimwe, mubite mu kiiko Arunoni. Kyabazinga w'e Heshiboni, ayetebwa Sihoni Omuamori, mmubataire mu ngalo. Mumutanuleku olutalo mutwale ensi ye, ebe yaimwe.

Amateeka Agokubiri 2:32

Olwo Sihoni yaidha n'abantu be boonaboona okutulwanisa mu lutalo e Yahazi.

Amateeka Agokubiri 3:1

Musa yaakoba Abaisiraeli ati: “Ebyo bwe byawa, twakyuka, twagema engira eja e Bashani. Kyabazinga w'e Bashani, ayetebwa Ogi, yaidha n'abantu be boonaboona okutulwanisa mu lutalo mu Edurei.

Amateeka Agokubiri 4:44

Gano n'amateeka ga Katonda, Musa ge yagha Abaisiraeli.

Amateeka Agokubiri 4:46

Yabibagheera mu kiiko ekiringiriire Bethi Peori, e buvandhuba wa Yorudani, mu nsi eyali eya kyabazinga Sihoni ow'Abamori, eyabanga mu Heshiboni. Musa n'Abaisiraeli baaghangula Sihoni oyo nga baviire mu Misiri.

Amateeka Agokubiri 4:48

Ekiketezo ekyo kiva ku kibuga Aroeri, ekiri ku mbali kw'ekiiko ekirimu omwiga Arunoni, okutuuka ku lusozi Sirioni, olwo nga ni Herimoni.

Yoshua 1:15

okutuusa boona lwe balitwala ekiketezo kyaibwe eky'e bugwandhuba ew'omwiga Yorudani, Musengwa Katonda waibwe ky'ali kubagha. Musengwa Katonda bw'aligha ebika byonabyona eby'Abaisiraeli okutyama ni bitereera mu biketezo byabyo, olwo mwena muliira mwatyama ghano mu kiketezo kyaimwe Musa omugheereza wa Musengwa Katonda kye yabagha.”

Yoshua 11:17

ebiketezo ebiva ku lusozi Halaka oluli ku mukono omusaadha ng'olingiriire e buvandhuba kumpi ni Edomu, okutuuka e Baalagada ku mugooda ng'olingiriire e buvandhuba mu kiiko ekirimu Lebanoni, ku luuyi olw'omukono omusaadha olw'olusozi Herimoni ng'olingiriire e buvandhuba. Yoshua yaghangula bakyabazinga boonaboona ab'omu biketezo ebyo, yaabaita

Yoshua 11:3

Era yaagheereza obukwenda eri Abakanaani e buvandhuba n'e bugwandhuba bwa Yorudani, n'eri Abamori, Abahitti, Abaperizzi, n'Abayebusi abaali mu biketezo eby'oku nsozi, era n'eri Abahivi ab'e Mizipa mu kiketezo ky'omu kiiko ky'olusozi Herimoni.

Yoshua 13:8

Ebika bino: eky'Abareubeni, n'eky'Abagadi, n'ekitundu eky'ekika eky'Abamanasse, byali byamala okufuna ekiketezo Musa omugheereza wa Musengwa Katonda kye yabigha, nga kiri e buvandhuba wa Yorudani.

Yoshua 22:4

Buti Musengwa Katonda oyo Katonda waimwe, aghaire Baisiraeli banaimwe abo emiraala nga bwe yabasuubiza. Kale, mwireyo mu maka gaimwe, mu kiketezo kye mwamala okutwala nga buti kyaimwe, e buvandhuba wa Yorudani, Musa omugheereza wa Musengwa Katonda kye yabagha.

Abalamuzi 11:18

Agho beekooloobya nga babita ku mbali kw'ekiketezo eky'e Edomu n'eky'e Moabu, baatuuka ku luuyi lw'ekiketezo eky'e Moabu olw'e buvandhuba, baasimba weema dhaibwe ku mbali kw'omwiga Arunoni. Aye tibaingira mu kiketezo kya Moabu, kuba omwiga Arunoni n'ensalosalo yaakyo.