Yoshua 11:2 - Baibuli Ekibono kya Katonda 2014

² Era yaagheereza obukwenda eri bakyabazinga ab'omu biketezo eby'oku nsozi ku luuyi olw'omukono omugooda olw'e buvandhuba, era n'ab'omu kiiko ekirimu omwiga Yorudani, n'ab'oku luuyi olw'omukono omusaadha olw'e buvandhuba w'enhandha Kinnerothi n'ab'omu biketezo eby'omu biiko, era n'ab'omu biketezo eby'oku nhandha kumpi ni Dori.

Yoshua 11:2 Iomraidhean Croise

1 Bakyabazinga 15:20

Agho Benihadadi yaaganha kyabazinga Asa bye yamukoba. Yaatuma abaduumizi b'eigye lye okulumba ebibuga bya Isiraeli, yaagema ebibuga bino: Iyoni, ni Dani, ni Abeli Bethi Maaka, ni Kinnerothi, n'ekiketezo kyonakyona ekya Nafutali.

1 Bakyabazinga 4:11

Benabinadabu yaalabirira ekiketezo kyonakyona eky'e Nafathidori, era ng'oyo n'eyabayiza Tafathi mughala wa Solomoni;

Okubala 34:11

Ensalosalo eyo eidha kuvanga e Shefamu, eikirire e Ribula ku luuyi olw'e buvandhuba olwa Aini. Era eidha kweyongeranga okwikirira etuuke ku luuyi olw'e buvandhuba olw'enhandha Kinnerethi.

Luka 1:39

Ghaabitagho enaku ntono Maria yaasituka yaaja mangu mu kibuga eky'omu nsi ey'ensozi, mu Buyudaaya.

Luka 5:1

Agho olwatuuka, bwe yali ng'ayemereire ku mbali kw'enhandha Gennesareti, abantu nga bali kumwenhigirizaaku abaali benda okuwulira ekibono kya Katonda,

Yoshua 10:40

Atyo Yoshua ni bwe yaghangula ebiketezo ebyo byonabyona ni bakyabazinga baamu: ebiketezo n'eby'oku nsozi, n'eby'oku buserengeto, n'eby'omu biiko, n'eby'oku luuyi olw'omukono omusaadha olw'e buvandhuba ebyali ebikalukalu. Nga ghazira mulamu y'alekagho, aye nga boonaboona abazikiriza nga Musengwa Katonda wa Isiraeli bwe yalagira.

Yoshua 10:6

Abasaadha ab'e Gibeoni baagheereza Yoshua obukwenda e Giligali, Abaisiraeli ye baali basimbye weema dhaibwe, nga bukoba buti: “Ife abagheereza bo, otatulekulira agho, yangughaku okwidha okutubeera otuwonie kuba bakyabazinga boonaboona Abamori, ababa eyo mu biketezo eby'ensozi, beesoloiza baatulumba.”

Yoshua 11:16

Bino n'ebiketezo Yoshua n'abasaadha be bye baanhaga: ebiketezo eby'ensozi n'eby'oku luuyi olw'omukono omugooda olw'e buvandhuba, ebiketezo by'e Gosheni n'eby'omu kiiko, ebiketezo eby'e Araba, ebiketezo bya Isiraeli eby'ensozi n'eby'omu kiiko,

Yoshua 11:21

Mu kiseera ekyo, Yoshua yaja yaazikiriza olulyo olw'abantu abawaigufu abaayetebwanga Abanaki, abaabanga mu bibuga Heburoni, Debiri, Anabu, ni mu biketezo byonabyona eby'ensozi eby'omu Buyudaaya ni mu Isiraeli. Yoshua yabazikiriza boonaboona n'ebibuga byaibwe.

Yoshua 12:23

Dori ekiri kumpi n'enhandha, Goiimu ekiri mu Galilaaya,

Yoshua 12:3

Yali era nga n'afuga ekiiko ekirimu Yorudani okuva ku nhandha ey'e Galilaaya okutuuka e Bethi Yeshimothi e buvandhuba ow'Enhandha Eyomuunhu. Obwakyabazinga buno nga butuuka mu kiiko eky'olusozi Pisiga.

Yoshua 13:27

Era kyatwalizaamu ebibuga bino ebyali mu kiiko ekirimu Yorudani: Bethiharamu, Bethinimura, Sukkothi, ni Zafoni ekiketezo kino n'ekyafiikagho ku bwali obwakyabazinga bwa Sihoni eyali kyabazinga ow'e Heshiboni. Era omwiga Yorudani nga n'ogukola ensalosalo yaibwe ey'e bugwandhuba okutuukira irala ku Nhandha Galilaaya ku luuyi olw'omukono omugooda ng'olingiriire olw'e buvandhuba.

Yoshua 17:11

Mu biketezo ebyezungulwire Issakari ni Ashera, Abamanasse baalimu n'ebibuga bino n'ebyalo byaku: Bethi Shani, Ibuleamu, Dora ekiri ku mbali okw'enhandha, Endori, Tanaka, Megiddo.

Abalamuzi 1:27

Ab'ekika kya Manasse tibaabinga batyamye ba mu bibuga bino: Bethi Sheani, ni Tanaka, ni Dori, ni Ibuleamu, ni Megiddo. Era tibaabinga batyamye ba mu byalo ebyezungulwire ebibuga ebyo. Kale Abakanaani baasigala nga bakaaba mu bibuga omwo.