Yoshua 10:3 - Baibuli Ekibono kya Katonda 2014

³ Kale Adonizedeki n'okugheereza obukwenda ye Hohamu kyabazinga ow'e Heburoni, ni ye Piramu kyabazinga ow'e Yaramuthi, ni ye Yafia kyabazinga ow'e Lakishi, ni ye Debiri kyabazinga ow'Eguloni, ng'abakoba

Yoshua 10:3 Iomraidhean Croise

Amainhama 23:2

yaafiira mu Kiriatharaba, ng'ekyo n'e Heburoni, mu nsi ey'e Kanaani. Aburahamu yaakola emikolo egy'okulira mukazi we.

Amainhama 37:14

Ise yaamukoba ati: “Ja mpegaano obone oba nga baganda bo bali bukalamu, era oba nga n'ebyayo biri bukalamu memale oire onkobere.” Kale yaamutuma okuva mu kiiko eky'e Heburoni. Yosefu yaaja yaatuuka e Shekemu.

2 Samueli 2:11

Era Daudi oyo yaafugira ab'endhu ya Yuda mu Heburoni okumala entangama ya myaka musanvu n'emyezi mukaaga.

2 Bakyabazinga 18:14

Agho kyabazinga Hezekia owa Buyudaaya yaagheereza obukwenda eri kyabazinga w'e Assiria, eyali e Lakishi mu kiseera ekyo, nga bukoba buti: “Nayonoona. Nkusaba olekere agho okuunumba. By'onansalira byonabyona ndidha kubikugha.” Agho kyabazinga w'e Assiria yaasalira kyabazinga Hezekia kilo omutwalo mulala (10,000) edha feeza, ni kilo lukumi (1,000) edha zaabu.

2 Bakyabazinga 18:17

Agho kyabazinga w'e Assiria ng'ali e Lakishi, yaasindika eigye eikologho nga likulirwa abakungu be basatu abakulira bakungu banaibwe boonaboona, lyaja okulumba Hezekia e Yerusalemu. Bwe baatuukayo, baayemerera gha mweta oguleeta amaadhi okuva mu nsulo y'eitale eri ku ngira eja mu kifo ekyetebwa Ekyolezo.

2 Ebyomubyanda 11:9

ni Adoraimu, ni Lakishi, ni Azeka,

Yeremia 34:7

Mu kiseera ekyo eigye lya kyabazinga w'e Babilonia lyali lirumbye ekibuga ekyo Yerusalemu, era nga lirumbye n'ebibuga Lakishi ni Azeka, ebyali nga ni byonka ebyali bikaasigairegho mu Buyudaaya ebyezungulwirwa ebimante ebigumu.

Mika 1:13

Imwe abantu ababa mu kibuga Lakishi musibe ebigaali byaimwe eby'omu lutalo ku mbalaasi dhaimwe mwetegeke. Mwakoopa ebibi eby'Abaisiraeli, mwaleetera ab'e Yerusalemu boona baababoneraku, baatoolera okukola ebibi n'ebirala ebyo.

Okubala 13:22

Baaniinaniina baingira mu kiketezo ekikalukalu eky'oku luuyi olw'omukono omusaadha olw'e buvandhuba, baaja baatuuka e Heburoni. Eyo n'eyali ab'ekika kya Ahimani n'ab'ekika kya Sheshai n'ab'ekika kya Talumai, baidhukulu ba Anaki. Heburoni ekyo, n'ekyasooka okuzimbibwa ghaabitagho emyaka musanvu, memale Zoani kyazimbibwa mu Misiri.

Yoshua 10:1

Agho Adonizedeki eyali kyabazinga wa Yerusalemu yaawulira nga Yoshua yagema ekibuga Ayi, yaakizikiriza kyonakyona ni kyabazinga waamu. Era yaawulira nga yakola Yeriko ni kyabazinga waamu ekintu n'ekirala ekyo. Era yaayongera okuwulira ng'abantu ab'e Gibeoni baakola endagaano n'Abaisiraeli, era nga baba nabo ghalala. Bwe yawulira ebintu ebyo yaatya inho ebitaloodheka.

Yoshua 10:23

Baasembula omunwa ogw'empuku baatoolamu bakyabazinga bale abataanu: ow'e Yerusalemu, ow'e Heburoni, ow'e Yaramuthi, ow'e Lakishi, n'ow'e Eguloni,

Yoshua 10:34

Ekyairaku, Yoshua n'abasaadha be abalwani boonaboona, baava e Lakishi baaja baabwama okwezungulula ekibuga Eguloni, era baakirumba.

Yoshua 10:5

Agho bakyabazinga abo abataanu Abamori: owa Yerusalemu, owa Heburoni, owa Yaramuthi, owa Lakishi n'owa Eguloni, beesoloza, baata amagye gaibwe ghalala okwezungulula Gibeoni era baakirumba.

Yoshua 14:15

Ng'ekyo kikaali kubaagho Heburoni kyayetebwanga kibuga kya Araba. Araba nga n'asinga bukologho mu bantu abawaigufu abaayetebwanga Abanaki. Olwo ensi yaafunaku akalembereza, entalo dhaasiriikiriramu.

Yoshua 15:54

Humuta, Kiriathi Araba, ekyo nga ni Heburoni, ni Ziori. Bino byali ebibuga mwenda n'ebyalo byaku.

Yoshua 15:63

Abayuda tibaaghanga kubinga Bayebusi be baayagaana nga n'ababa mu Yerusalemu. Era ni ye buli eno Abayebusi baba mu Yerusalemu ghalala n'Abayuda.

Yoshua 18:28

Zela, Haelefu, Yebusi, ekyo nga ni Yerusalemu, Gibea, ni Kiriathi Yearimu. Ebyo nga n'ebibuga eikumi n'ebina (14) n'ebyalo byaku. Ebyo byonabyona nga n'omugabo ogwagheebwa ekika eky'Ababenjamini ng'enda dhaibwe bwe dhaali.