Yoshua 1:7 - Baibuli Ekibono kya Katonda 2014

⁷ Iwe ky'oli n'okukola, n'okuba n'obumalirivu era n'obutatya nga weegendereza okugondera amateeka goonagoona, omugheereza wange Musa ge yakugha. Togavangaku waire akatono kati, olwo buli kintu kiidha kukujiiranga bukalamu woonawoona.

Yoshua 1:7 Iomraidhean Croise

1 Bakyabazinga 2:2

“Ekiseera kyange eky'okufa ng'abantu boonaboona bwe bali n'okufa, kiri kumpi okutuuka. Kale oba nga wa maani era ogumanga kisaadha.

1 Bakyabazinga 2:3

Otuukirizanga ebyo byonabyona Musengwa Katonda wo by'ayenda okole, ng'ojiira ku ebyo by'akukoba mu mateeka ge ni mu biragiro bye, nga bwe byaghandiikibwa mu Mateeka ga Musa. Olwo obenga n'enkabi mu byonabyona by'onaakolanga, ni yoonayoona y'onaajanga.

2 Bakyabazinga 22:2

Yosia yaakolanga ebituufu Musengwa Katonda by'asiima, yaajiira ku mpisa ng'edha dhaadha we Daudi, yaaloba kukyuka kudhireka kwira eno oba ere.

1 Ebyomubyanda 22:13

Bw'onaagonderanga Amateeka n'ebiragiro Musengwa Katonda bye yagha Isiraeli ng'abita mu Musa, ebintu byonabyona biidha kukujiiranga bukalamu. Guma omwoyo, otatya, era otawaamu maani.

2 Ebyomubyanda 15:7

Aye imwe mugume bugume, mulobe kuwaamu maani, muligheebwa empeera olw'ebyo bye mukola.”

2 Ebyomubyanda 26:5

Yeeghaayo yaagheerezanga Katonda, ebiseera byonabyona Zekaria eyamwegeresa okutyanga Katonda oyo bye yamala ng'akaali mulamu. Era Musengwa Katonda yaaleetera Uzzia ebintu okumujiiranga obukalamu, ekiseera kyonakyona Uzzia oyo kye yamala ng'amugheereza.

Yobu 1:8

Musengwa Katonda yaabuuza Sitaani ati: “Weekaliriisa bukalamu omugheereza wange Yobu? Omusaadha oyo azira amutuukaku kuba n'omuntu aziraku musango era omwesimbu, antya era eyeekuuma obutakola kibi.”

Zabbuli 80:19

Wo Musengwa Katonda Afuga Amagye, twirizeegho ensi yaife nga bwe yali. Tulingeku n'amaiso ag'ekisa era otulokole.

Ensambo 4:27

Tambulanga butereevu aghazira kudaaliimira eno n'ere; otaganhanga kigere kyo kuja mu ngira ya kukola bibi.

Ensambo 8:20

Ntambulira mu butuufu, naakola ebyo ebituufu.

Danieli 10:19

Yankoba ati: “Iwe oli mugonzi inho ye Katonda, kale otatya. Ba mugumu era emiraala gibe n'iwe.” Bwe yankoba atyo, neeyongera okuwulira mule amaani era naamukoba nti: “Musengwa, yogera, kuba buti ondhiziizaamu amaani.”

Okubala 27:23

Musa oyo yaata emikono gye ku mutwe gwa Yoshua, yaamugemya ogw'okukulemberanga abantu abo, nga Musengwa Katonda bweyalagira Musa oyo.

Amateeka Agokubiri 11:8

“Kale ni mutuukirizenga ebiragiro byonabyona bye ndi kubagha olwaleero, mughange okuba n'amaani, musomoke omwiga, muje mutwale ensi ye muli kumpi okwingiramu.

Amateeka Agokubiri 12:32

“Mufubenga okutuukiriza buli kye mbalagira. Mutabangaku kye mwongeraku, waire kye mukendeezaaku.

Amateeka Agokubiri 28:14

Mwegenderezenga mulobe kudaaliima kuva ku ebyo bye ndi kubalagira olwaleero, na kujiira ku bakatonda bandi waire okubasinza.”

Amateeka Agokubiri 29:8

twatwala ensi yaibwe, era twagigabania mu bika bino: ekya Reubeni, n'ekya Gadi, n'ekitundu eky'ekika kya Manasse.

Amateeka Agokubiri 29:9

Kale ni mukuumenga n'obwegendereza ebibono ebiri mu ndagaano eno era mubituukirizenga. Olwo musobole okubanga n'enkabi mu byonabyona bye mukola.

Amateeka Agokubiri 31:7

Agho Musa yaayeta Yoshua, yaamukobera agho mu maiso g'Abaisiraeli boonaboona ati: “Ba mugumu era mumalirivu. Niiwe oidha okukulembera abantu bano okuja okutwala ensi Musengwa Katonda ye yasuubiza okugha badhaadha baibwe.

Amateeka Agokubiri 4:2

Mutayongeranga kintu kyonakyona ku bye ndi kubalagira, waire okubikendeezaaku. Mugemenga ebiragiro bya Musengwa Katonda waimwe bye ndi kubagha.

Amateeka Agokubiri 5:32

Musa yaayongera okukoba ati: “Mwegenderezenga nga mukola nga Musengwa Katonda waimwe bweyabalagira, aghazira kudaaliimira eno oba ere.

Yoshua 1:1

Musa omugheereza wa Musengwa Katonda bwe yafa, Musengwa Katonda yaayogera ni Yoshua, mutabane wa Nuni, eyali omuyambi wa Musa yaamukoba ati:

Yoshua 1:8

Ebiri mu kitabo kino eky'Amateeka bitakuvanga ku munwa. Bisomenga omusana n'obwire era ng'ogondera byonabyona ebyaghandiikibwamu. Olwo ebintu byonabyona biidha kukujiiranga bukalamu ng'ezira kikulema.

Yoshua 1:9

Oteerabira kye nkulagiire nti: Banga mumalirivu era atatya, otatiribiranga oba okuwaamu amaani, kuba Nze Musengwa Katonda wo ndidha kubanga n'iwe buli gh'oja.”

Yoshua 11:15

Nga Musengwa Katonda bwe yalagira Musa omugheereza we, yeena Musa bwe yalagira Yoshua. Era Yoshua oyo yaakola byonabyona Musengwa Katonda bye yalagira Musa aghazira kulekayo naire ekintu ekirala.

Yoshua 23:6

Kale ni mufubenga inho okubona nga mugondera byonabyona ebyaghandiikibwa mu kitabo eky'Amateeka ga Musa. Ghatabangagho katundu koonakoona ke musuula ere.