Yoshua 1:16 - Baibuli Ekibono kya Katonda 2014

¹⁶ Baamwiramu bati: “Twidha kukolanga byonabyona by'otukobye, era twidha kujanga woonawoona gh'onaatukobanga okuja.

Yoshua 1:16 Iomraidhean Croise

Ezera 10:4

Situkiramu, kuba ogwo mulimo gwo era ife tuli ghalala n'iwe. Iwe guma okikole.”

Okubala 32:25

Agho ab'ekika kya Reubeni n'ab'ekya Gadi baakoba Musa bati: “Isebo, ife abagheereza bo twidha kukola nga bw'olagiire.

Okubala 32:31

Agho ab'ekika kya Reubeni n'ekya Gadi bairamu bati: “Nga Musengwa Katonda bw'atulagiire ife abagheereza bo, tutyo bwe twidha okukola.

Amateeka Agokubiri 34:9

Yoshua mutabane wa Nuni yali ng'aidhwire amagezi, kuba Musa yali ng'amaze okumutaagho aire mu kifo kye. Kale ni Abaisiraeli baawuliranga Yoshua oyo, era baakolanga nga Musengwa Katonda bwe yalagira Musa.

Amateeka Agokubiri 5:27

Musa, niiwe obe oje, owulire Musengwa Katonda waife by'anaakoba. Memale oire otukobere byonabyona by'anaaba akukobye. Twidha kubiwulirisa, tubituukirize.’

Tito 3:1

Idhukizanga Abakurisito bo okuwuliranga abafuzi n'ab'obuyinza, n'okubagonderanga, era babenga beetegefu okukola kiisi mulimo mukalamu.

Yoshua 1:15

okutuusa boona lwe balitwala ekiketezo kyaibwe eky'e bugwandhuba ew'omwiga Yorudani, Musengwa Katonda waibwe ky'ali kubagha. Musengwa Katonda bw'aligha ebika byonabyona eby'Abaisiraeli okutyama ni bitereera mu biketezo byabyo, olwo mwena muliira mwatyama ghano mu kiketezo kyaimwe Musa omugheereza wa Musengwa Katonda kye yabagha.”

Yoshua 1:17

Era twidha kukugonderanga buliidho nga bwe twagonderanga Musa. Tusaba bwa Musengwa Katonda wo, abenga n'iwe nga bweyalinga ni Musa.