Yoshua 1:12 - Baibuli Ekibono kya Katonda 2014

¹² Yoshua yaakoba ab'ekika kya Abareubeni, n'ab'ekika ekya Abagadi, n'ekitundu eky'ekika ekya Abamanasse ati:

Yoshua 1:12 Iomraidhean Croise

1 Ebyomubyanda 26:32

Agho Daudi yaalonda Yeriya oyo n'Abalevi abo abaamuliku oluganda, abasaadha abaali ab'amaani era abakulu b'enda dha baiseibwe, nga baghera enkumi ibiri na lusanvu (2,700). Yaabataagho okulabiriranga Abareubeni, n'Abagadi, n'ekitundu ku Bamanasse, mu by'okusinza Katonda n'okugheereza kyabazinga.

1 Ebyomubyanda 5:18

Ekika kya Reubeni, n'ekya Gadi, n'ekitundu ku kika kya Manasse, byonabyona aghalala byali n'abalwani abaziramu ntete emitwalo ena n'enkumi ina na lusanvu na nkaaga (44,760) nga bali n'obumanhirivu mu kukozesa engabo, n'empiima, n'obulaso, era nga baatendekebwa bukalamu mu kulwana entalo.

Yoshua 22:1

Agho Yoshua yaayeta ab'ekika eky'Abareubeni, n'eky'Abagadi, n'eky'Abamanasse ab'e buvandhuba, boonaboona baidha gh'ali.

Yoshua 22:2

Yaabakoba ati: “Mukoze byonabyona Musa omugheereza wa Musengwa Katonda bye yabalagira, era mwagondera ebiragiro byange byonabyona.