Yoshua 1:1 - Baibuli Ekibono kya Katonda 2014

¹ Musa omugheereza wa Musengwa Katonda bwe yafa, Musengwa Katonda yaayogera ni Yoshua, mutabane wa Nuni, eyali omuyambi wa Musa yaamukoba ati:

Yoshua 1:1 Iomraidhean Croise

1 Bakyabazinga 19:16

osiige ni Yehu mutabane wa Nimushi abe kyabazinga wa Isiraeli, era osiige ni Elisha mutabane wa Shafati ow'e Abeli Mehola abe omulanzi mu kifo kyo.

2 Bakyabazinga 3:11

Yehoshafati kyabazinga wa Buyudaaya yaabuuza ati: “Ghano ghaziraghooku mulanzi wa Musengwa Katonda, ye tusobola okubitamu ni twebuuzaaku ku Musengwa Katonda?” Agho owundi ku bagheereza ba kyabazinga wa Isiraeli yairamu ati: “Elisha mutabane wa Shafati eyali omugheereza wa Eliya, aligho ghano.”

Nehemia 8:17

Abantu boonaboona abaira okuva mu bunhage, baazimba entindi, baadhisulamu. Guno n'ogwali omukuzi ogusooka okukola batyo, okuviira irala mu biseera bya Yoshua mutabane wa Nuni. Kale ghaabaagho okusagamba okw'amaani.

Okuvaayo 24:13

Kale Musa yaasituka ni Yoshua eyamuyambangaku, era Musa yaaniina ku lusozi lwa Katonda.

Okubala 11:28

Yoshua mutabane wa Nuni, nga mugheereza wa Musa, era owundi ku bantu ba Musa oyo abalondemu, yaakoba Musa ati: “Musengwa balobere!”

Okubala 12:7

Aye ntyo ti bwe nkola ku mugheereza wange Musa. Namugha okulabirira abantu bange boonaboona.

Okubala 13:16

Ago n'amaina ag'abantu Musa be yatuma okukeeta ensi Kanaani. Era Musa yakyusa eriina lya Hoshea mutabane wa Nuni, yaamweta Yoshua.

Okubala 13:8

Hoshea mutabane wa Nuni ow'omu kika kya Efuraimu;

Luka 16:10

Omwesimbu mu bitono einho era aba mwesimbu mu binene, n'oyo atali mwesimbu mu bitono era taba mwesimbu mu binene.

Ebikolwa by'Abatume 7:45

Badhaadha baife era baaleeta eweema eyo ni Yoshua bwe bangira okutwala ensi Katonda ye yabingamu abantu abandi, nga badhaadha baife babona. Eweema eyo yaaba mu nsi muno okutuukiza irala mu byanda bya Daudi.

Ab'e Roma 1:1

Ninze Paulo omugheereza wa Yesu Kurisito eyayetebwa okuba omutume. Era eyalondebwa Katonda okukobera abantu Amawulire ge Amalungi,

Amateeka Agokubiri 1:38

aye omubeezi wo Yoshua, mutabane wa Nuni n'aligingiramu. Kale gumya Yoshua oyo omwoyo, kuba n'alituusa Abaisiraeli mu nsi eyo ni bagitwala ng'obutaka bwaibwe’.

Amateeka Agokubiri 31:23

Agho Musengwa Katonda yaataagho Yoshua mutabane wa Nuni ng'omukulembeze wa Isiraeli, yaamukoba ati: “Ba mugumu era mumalirivu. Kuba niiwe oidha okutuusa Abaisiraeli mu nsi ye nasuubiza, era ndidha kubanga ghalala n'iwe.”

Amateeka Agokubiri 31:3

Musengwa Katonda waimwe n'aidha okubakulemberamu nga musomoka, azikirize abamaghanga agaliyo, nga mukaali kutuukayo, olwo mughange okutwala ensi yaibwe. Era Yoshua n'aidha okubakulembera okusomoka, nga Musengwa Katonda bwe yakoba.

Amateeka Agokubiri 33:1

Dhino n'enkabi, Musa omusaadha wa Katonda dhe yasabira Abaisiraeli ng'akaali kufa.

Amateeka Agokubiri 34:12

Era ghazira mulanzi wundi eyakola eby'amaani ebyo n'ebitiisa einho ebyo byonabyona, nga Musa bwe yakola ng'Abaisiraeli boonaboona babona.

Amateeka Agokubiri 34:5

Agho Musa omugheereza wa Musengwa Katonda yaafiira eyo mu nsi Moabu, nga Musengwa Katonda bwe yakoba.

Amateeka Agokubiri 34:9

Yoshua mutabane wa Nuni yali ng'aidhwire amagezi, kuba Musa yali ng'amaze okumutaagho aire mu kifo kye. Kale ni Abaisiraeli baawuliranga Yoshua oyo, era baakolanga nga Musengwa Katonda bwe yalagira Musa.

Tito 1:1

Ninze Paulo omugheereza wa Katonda era omutume wa Yesu Kurisito. Natumibwa okugaziya okwikiriza okw'abantu ba Katonda abalonde, n'okubamanhisa amazima ag'endhikiriza etya Katonda,

Yakobo 1:1

Ninze Yakobo omugheereza wa Katonda, era owa Musengwa Yesu Kurisito. Mpandiikira ebika eikumi n'ebibiri ebisansaaniire woonawoona. Mbalamwisa inho.

Yoshua 1:15

okutuusa boona lwe balitwala ekiketezo kyaibwe eky'e bugwandhuba ew'omwiga Yorudani, Musengwa Katonda waibwe ky'ali kubagha. Musengwa Katonda bw'aligha ebika byonabyona eby'Abaisiraeli okutyama ni bitereera mu biketezo byabyo, olwo mwena muliira mwatyama ghano mu kiketezo kyaimwe Musa omugheereza wa Musengwa Katonda kye yabagha.”

Yoshua 1:2

“Musa, abaire omugheereza wange, yafa. Kale ni, iwe weetegeke n'Abaisiraeli abandi boonaboona, musomoke omwiga Yorudani, mwingire mu nsi ye ndi kubagha.

Yoshua 12:6

Bakyabazinga bano bombi baaghangulwa Abaisiraeli nga bakulemberwa Musa omugheereza wa Musengwa Katonda. Era bwe yamala, yaagabaniamu ekiketezo kyaibwe yaakigha eb'ekika kya Reubeni, n'ekya Gadi, n'ekitundu eky'ekika kya Manasse, ng'omugabo gwaibwe.

Okwolekebwa 1:18

ate era omulamu. Nali nfiire, aye mperaano ndi mulamu ebyanda n'ebyanda, era nfuga okufa n'amagombe.