Yoeli 3:8 - Baibuli Ekibono kya Katonda 2014

⁸ Ndidha kuleetera batabane baimwe ni baghala baimwe okutundibwa mu Bayudaaya. Ate boona bamale babaguze Abasabea, eighanga eriri eyo eghala einho. Nze Musengwa Katonda, ninze nkobye.

Yoeli 3:8 Iomraidhean Croise

Yobu 1:15

abanhazi Abasabea baadhigwaku, baadhinhaga. Baita abagheereza bo boonaboona; era nze zenka ninze mponiegho okwidha okukukobera.”

Zabbuli 72:10

Bakyabazinga ab'e Tarushishi n'ab'omu bizinga bamutonere ebirabo; ni bakyabazinga ow'e Sheba n'ow'e Seba, boona bamughe ebirabo.

Isaia 60:14

Era abaana b'abo abaakutuntuzanga, baliidha baakukubira amakiryaivu; n'abo boonaboona abaakunhoomanga balikotesa emitwe gyaibwe agho gha bigere byo, baakweta ‘Ekibuga kya Musengwa Katonda,’ baakweta ‘Sioni, Ekibuga kya Katonda, Omutukuvu wa Isiraeli.’

Yeremia 30:16

Aye mpegaano imwe abantu bange mulobe kutya: Abo boonaboona ababaita, boona baliitibwa. Abazigu baimwe boonaboona balitwalibwa mu bunhage. Abo boonaboona ababatuntuza, boona balituntuzibwa. N'abo ababanhagaku ebyaimwe, boona balinhagibwaku ebyaibwe.

Yeremia 6:20

Obubbaani bwe bandeetera okuva e Sheba bungasa ki, waire obuwoowo obuva mu nsi edh'eghala? Tiidha kusiima bigheebwayo byaimwe ebyokebwa, waire okusanhukira emisengo gye mumpa.

Ezekieli 23:42

Olwo ng'owulira amamiro ag'abantu abangi abali mu idembe lyaibwe. Era ghaabaagho n'ebisaadhasaadha ebitamiivu, ebireetebwa okuva eyo mu irungu. Byata obukomo ku mikono gy'abakazi abo, era byata engule edhiboneka obulungi, ku mitwe gyaibwe.

Ezekieli 38:13

Abantu ab'e Sheba, n'ab'e Dedani, N'abasuubuzi ab'omu bibuga eby'e Tarushishi, balikubuuza bati, ‘Oidhie kunhagulula? Osoloiza eigye lyo osobole okutwala ebintu ng'omunhago? Oidhiriire feeza, na zaabu, na kutwala bintu na byayo, ng'omunhago.’ ”

Amateeka Agokubiri 32:30

Omulwani omulala yandibinze atya abalwani olukumi (1,000), n'abalwani ababiri ni balumusa omutwalo; okutoolaku nga bwenebwene omulwanirizi waibwe ow'amaani abalekuliire agho, nga Musengwa Katonda waibwe oyo yaabavaaku?

Abalamuzi 2:14

Kale obusungu bwa Musengwa Katonda bwatumbukira ku Baisiraeli ng'oti muliro, era yaabaghaayo mu ngalo dh'abanhazi, baabanhagaku ebyaibwe. Yaaleka abazigu baibwe abaali nga babeezungulwire baabaghangula. Olwo Abaisiraeli baaba nga tibakaaghanga kwerwanaku.

Abalamuzi 4:2

Agho yaabaleka baaghangulwa kyabazinga Yabini ow'e Kanaani, eyafugiranga mu kibuga Hazori. Omuduumizi w'eigye lye yali nga ni Sisera, ng'aba mu Haroshethi Hagoyiimu.

Abalamuzi 4:9

Debora yaamwiramu ati: “Bwenebwene ndidha kuja n'iwe. Aye ekitiibwa eky'obughanguzi tikiidha kuba kikyo, kuba Musengwa Katonda aidha kughaayo Sisera aghangulwe omukazi.” Agho Debora yaasituka, yaaja ni Baraki e Kedeshi.