Yoeli 3:7 - Baibuli Ekibono kya Katonda 2014

⁷ Aye mperaano nja kuleetera abantu abo okuva eyo ye mwabatunda, olwo mwena mbeesasuulizeeku nga mbakola kyene ekyo kye mwabakola.

Yoeli 3:7 Iomraidhean Croise

Isaia 11:12

Musengwa Katonda alighanikira amaghanga bendera, yaagamanhisa nga bw'ali kusoloza abantu abaabingibwa mu Isiraeli ni mu Buyudaaya, abatoole eyo ye baabasansaaniza mu ndhuyi eina edh'ensi.

Isaia 49:12

Mubone eno, abantu bange baliva ghala eyo: abandi baliva ku luuyi olw'omukono omugooda olw'e buvandhuba, abandi baava e bugwandhuba, n'abandi baava mu kiketezo ky'e Sinimu.’

Isaia 66:6

Muwulire akasasamalo akali kuva mu kibuga! Ghaligho amamiro agali kuva mu isinzizo, era amamiro ago n'aga Musengwa Katonda nga yeesasuuliza ku bazigu be.

Yeremia 23:8

Aye balayirenga mu liina lyange nga Katonda omulamu eyatoola Abaisiraeli mu nsi eri ku luuyi lw'omukono omugooda olw'e buvandhuba, ni mu nsi edhindi dhoonadhoona ye nali mbabingiire. Agho baliba mu nsi eyaibwe yeene.”

Yeremia 30:10

Kale ni, imwe abantu bange Abaisiraeli, mutatya, waire okweraliikirira. Mubone eno, nze ndibanunula, naabatoola mu nsi eyo ey'eghala, ensi ye mulimu ng'abasibe. Muliira ewaimwe mwatyama mwatereera nga muli mu miraala, era nga ghazira kibatiisa naire.

Yeremia 30:16

Aye mpegaano imwe abantu bange mulobe kutya: Abo boonaboona ababaita, boona baliitibwa. Abazigu baimwe boonaboona balitwalibwa mu bunhage. Abo boonaboona ababatuntuza, boona balituntuzibwa. N'abo ababanhagaku ebyaimwe, boona balinhagibwaku ebyaibwe.

Yeremia 31:8

Bona eno, ndibaiza okuva mu bunhage mu nsi eri ku luuyi olw'omukono omugooda olw'e buvandhuba, naabasoloza okuva eghala einho. Abatulu n'abalema, abakazi abali enda n'abali okumpi okuzaala, boonaboona baliidhira ghalala nabo. Baliira baaba eighanga eikologho.

Yeremia 32:37

Bona, ndidha kusoloza abantu bange okuva mu nsi dhoonadhoona ye nabasansaaniza nga mbasungughaliire ebitaloodheka, mbaize mu kifo kino era mbaleetere okukibaamu mu miraala.

Ezekieli 36:24

Ndibatoolayo eyo mu maghanga, naabasolozaayo eyo mu nsi dhoonadhoona, naabaiza mu nsi eyaimwe.

Ezekieli 38:8

Nga ghabiseeghooku ekiseera kinene, mu biseera eby'oluvainhuma ndikulagira okulumba ensi Isiraeli, olutalo ye lwagoya einho ni lugireka agho etyo ng'eri bifulukwa byereere omutaba bantu okumala entangama. Abantu baamu baali basansaine aye mpegaano baira nga bava mu maghanga kamaala, baaba ku nsozi dh'ensi yaibwe eyo nga bali mu miraala.

Yoeli 3:4

“Muli kugezaaku kunkola ki, imwe ab'e Tiro, n'ab'e Sidoni, n'ab'omu biketezo by'e Filisitia? Ghaligho kye muli kwenda okuneesasuulizaaku? Oba nga ekyo kye muli kwenda, nze mwene ndibeesasuulizaaku imwe amangu n'embiro, olw'ebikolwa byaimwe.

Zekaria 9:13

Ndikozesa Buyudaaya ng'oti kalaso ka mulwani, era naakozesa Isiraeli ng'oti n'obusaale bwaku. Ndikozesa ab'e Sioni ng'oti mpiima, naalwanisa Abagureki.”

Matayo 7:2

kuba nga bwe musalira abandi omusango, mwena bwe gulibasalirwa, era n'ekipimo kye munaapimirangamu banaimwe, mwena n'ekiribapimirwamu.

2 Ab'e Thessalonika 1:6

Era Katonda aja kukola ekituufu: aja kuleetera abo ababadaazadaaza badaagedaage,

Yakobo 2:13

Mu kusala omusango Katonda taja kusaasira muntu oyo atasaasira ate okusaasira n'okusinga mu kusala emisango.

Okwolekebwa 13:10

Kiisi muntu eyategekerwa okunhagibwa, alitwalibwa mu bunhage. Era kiisi muntu eyategekerwa okwitibwa empiima, alifa mpiima. Agho ni abatuukirivu bateekwa okuba n'okwikiriza era n'okuguminkiriza.

Okwolekebwa 16:6

Olw'okuba abantu baayugha omusaayi okw'abatuukirivu bo n'ogw'abalanzi, weena ky'oviire obagha omusaayi okunhwa. Ekyo kye bagwaine!”

Okwolekebwa 19:2

Bw'asala omusango tasaliriza, aba mutuufu; kuba asaze omusango gwasinga malaaya omukulu eyayonoona ensi n'obwenzi bwe. Malaaya abonerezeibwa olw'okwita abagheereza ba Katonda.”

Abalamuzi 1:7

Adonibezeki oyo yaabakoba ati: “Bakyabazinga ensanvu be natemaku ebyala ebisaadha n'ebigere ebisaadha, baasolozanga obukunkumuka bw'emere ghansi gh'emeeza yange. Mpegaano Katonda aneesasuliizaaku olw'ekyo kye nabakola.” Agho baamutwala e Yerusalemu, yaafiira eyo.

1 Samueli 15:33

Samueli yaamukoba ati: “Ng'empiima yo bwe yalekanga abakazi nga baziraku baana, ni inhoko yeena atyo bw'aja okusigala ng'aziraku mwana mu bakazi baine.” Era agho Samueli yaatematema Agagi bukutukutu, agho mu maiso ga Musengwa Katonda e Giligali.